تسريب خطير لـ محمد مرسي في حواره مع المشير طنطاوي و اللواء السيسي

[The Egyptian history]

مش يمكن ده

صراحة انا شايف ان التسريبات وفتح الصناديق مش وقته اما كان وقتها او بعد ٢٠ سنة أو ٥٠ على حسب مزاج الدولة لكن اخوان وثورة ماكل ده غار في داهية مانخلينا بقى في وضعنا الاقتصادي شوية ونشوف ازاي نقوم بالبلد لا ازاي لازم نفضل نكرر نغمة الاخوان لحد ماتنفجر دماغنا من الانبهار ياجماعة ده احنا منعرفش عبد الحكيم عامر مات رسميا ازاي منتحر ولا مقتول نقوم نكلم في احداث تعتبر حديثة بالنسبة للمصريين إلى حد ما
الجيل حاليا مش همه غير وضعه الاقتصادي لا حد بيكلم في سياسة ولا بيفكر يدخل فيها فملهاش لازمة مسلسلات واخوان نفسي الدولة تبقى عندها ذكاء شوية ولو لازم مسلسلات وطنية فممكن اوي زي الاختيار الجزء الأول حاجات تحكي قصص عن شهدائنا وغيرها من قصص الابطال المصريين لكن جو التسريبات مستفز جدا وملهوش معنى في الوقت الحالي غير انه تفريغ اسطوانات ع الفاضي

هو قصد الحكومة اصلا فالوضع الاقتصادي اليومين دول زفت وغلاء اسعار و وركود فحبوا يلهوا الناس في حاجة ماتت واندفنت من سنين الحاجات كان وقتها في نهاية حكم الإخوان والتغيير لتبرير ما حصل إنما حاليا لا اظن ظهورها الا لغرص الهاء الناس عن الأزمة الاقتصادية الطاحنة

 

[The Egyptian history]

ومين قالك اني في احد بيصدقه

ما لسة في حد بيقول
"متسمعوش كلام حد غيري أنا"
"بطلوا فتي"
"انت دارس الكلام اللي بتقولوا ده"

غير ان فعليًا اي معارض دلوقتي بقى اخوان ويُستحل دمه بسهولة

 

[atlas-online]

الزيت والسكر او الوجبات وغيرها لو بتلغي شرعية انتخابات يبقى مفيش انتخابات صحيحة حصلت في مصر لأن لحد اخر انتخابات كان الصوت ب200 جنيه

و معقولة يمنعوا الأقباط عن الانتخاب و مفيش دليل على كدة
أصل دي مش حاجة سهلة يعني البلطجة
في انتخابات 2010 فيديوهات البلطجية كانت مالية النت

الغريبة انك من المغرب و بتتكلم بثقة أوي عن اللي حصل في مصر

المشكلة في البطائق الإنتخابية اللتي تم تسريبها قبل الإنتخابات و الأقباط فعلا منعو من التصويت في الكثير من قرى مصر و هناك فيديوهات كثيرة لإخوان و سلفيين منعو قرى قبطية بأكملها من النزول إلى الانتخابات.
أنا فعلا مغربي، لكني أزعم أنني تابعت تلك الفترة بتفاصيلها أكثر من مصريين كثير

 

[The Egyptian history]

متفق معاك ما عدا القضاء المفروض يبقي مستقل تماما ده المفروض هو اللي بيجيب حق الناس

الحقيقه النظام الذي يصلح لمصر هو عسكري ف الرءاسه وترك مؤسسات الجيش والمخابرات والقضاء والداخليه بيد الجيش
مع حصول رءيس الوزراء يكون مدني ع صلاحيات كبيره للتنميه والاقتصاد
بمعني رءيس ذو خلفيه عسكريه ومؤسسات امنيه بيد الجيش
لكن الاقتصاد يكون لرءيس وزراء مدني مختص بتلك الامور وفاهم فيها مش رءيس وزراء يتبع الجيش
رءيس الوزراء عمره م يطمح ف الرءاسه لانه غير عسكري ويعرف انه لن يحصل عليها
ف بالتالي مفيش مواجهه بين الرءاسه ومجلس الوزراء
وفنفس يعمل ع الاقتصاد بحريه
لكن ما يحدث الان هو رءيس وزراء يتبع الرءاسه واوامرها ليس له برنامج اقتصادي ولا رؤيه اقتصاديه
مصر جمهوريه يعني فوضي ومظاهرات كل اسبوع ومحدش هيعجبه الطرف الاخر
وعسكريه يعني فرض الامن لكن اقتصاد صف

 

[The Egyptian history]

حلو
كان الجيش يزحلقهم ويعمل انتخابات حقيقية و ييجي واحد مدني تاني

انته متخيل أن الجيش هيعمل كده ده ما صدق هي كانت فرصة وراحت ولن يفيد البكاء علي اللبن المسكوب الجيش عامل زي الاب اللي اعطي لولاده فرصة يدبروا أمورهم بنفسهم وفشلوا فرجع حق الوصاية لنفسه بدل ما يغرقوا

 

[The Egyptian history]

الغريبة ان

الزيت والسكر او الوجبات وغيرها لو بتلغي شرعية انتخابات يبقى مفيش انتخابات صحيحة حصلت في مصر لأن لحد اخر انتخابات كان الصوت ب200 جنيه

و معقولة يمنعوا الأقباط عن الانتخاب و مفيش دليل على كدة
أصل دي مش حاجة سهلة يعني البلطجة
في انتخابات 2010 فيديوهات البلطجية كانت مالية النت

الغريبة انك من المغرب و بتتكلم بثقة أوي عن اللي حصل في مصر

الاسعار ولعت ولسه ثمن الصوت زي ماهو عالم ما عندهاش ضمير يا اخي ولو اني اتوقع ان الانتخابات القادمة ممكن يوصل الصوت الانتخابي ل٤٠٠ جنية لمجاراة التضخم والازمه العالمية والا ما حدش هيروح وهيبقي شكلهم وحش

 

[عايد]

انا ماسمعت تغيير نتيجة انتخابات، اللي سمعته طلب تغيير القرار و كان الرد ما اقدرش دا قرار محكمة..
ما هو قرار المحكمة المطلوب تغييره؟؟

مرسي يطالب بإلغاء قرار حل مجلس الشعب
لان المحكمة احلت مجلس الشعب لان اغلبه اخوان وتزوير في وقته

وودي اخواني المصريين يشرحون لنا ليه المشير (( رحمه الله ))) متمسك بعدم الغاء القرار هل لأن بيروح المجلس ويفقد العسكر سيطرتهم



السؤال الثاني يوم استلم مرسي صح الغاء قرار المحكمة وش صار بعدها

 

[Egyptian Stud]

تو ماتش هري في اغلب المشاركات

بخصوص كلام مرسي مع طنطاوي قبل الانتخابات، البعض فهم منه ان النتيجة كانت لصالح شفيق ومرسي بيهدد انها تعلن لصالحه والا جماعته هتولع البلد بس هو الموضوع مش كدة بالضبط ، الموضوع ان الفرز فعلًا كان لصالح مرسي لكن كان فيه طعون من حملة شفيق عن تسويد بطاقات في عدد من اللجان بالاضافة لخروقات عديدة من حملة مرسي في الانتخابات اهمها قيام انصاره بترهيب ومنع المسيحيين من الادلاء باصواتهم في عدد من قرى الصعيد وكان فيه توجه جاد من اللجنة العليا لابطال اصوات هذه اللجان أو اعادة الانتخابات فيها وده كان معناه بنسبة كبيرة فوز شفيق خصوصًا ان الفارق لم يكن كبير: حوالي نص مليون صوت..علشان كدة الاخوان اعتبروا ان قبول الطعون معناها تغيير في النتيجة فهددوا باشعال البلد في حال قبول الطعون وغالبا تم رفض الطعون لهذا التخوف


لكن اللي لفت نظري اكتر في التسريب ان طنطاوي لما مرسي هدد باشعال البلد فقال لمرسي يبلغ جماعته مفيش داعي للتصرفات دي، مرسي حب يستهبل عليه وقال له ان الموضوع هيكون تلقائي غير مخطط له، قام طنطاوي قال : لا فيه تخطيط

 

[Egyptian Stud]

المشكلة في البطائق الإنتخابية اللتي تم تسريبها قبل الإنتخابات و الأقباط فعلا منعو من التصويت في الكثير من قرى مصر و هناك فيديوهات كثيرة لإخوان و سلفيين منعو قرى قبطية بأكملها من النزول إلى الانتخابات.

كلام صحيح تمامًا

أنا فعلا مغربي، لكني أزعم أنني تابعت تلك الفترة بتفاصيلها أكثر من مصريين كثير

أنعم وأكرم بك.
لا هُم عارفين كل شي بس اغلبهم بيستهبلوا او بيراهنوا اننا نسينا ما حدث

 

[🅢︎🅤︎🅗︎🅐︎🅘︎🅛︎]

متي سننتهي من اسطوانة الاخوان هذه لا اعلم الاخوان المسلمين خونه و كلاب حكم و سلطة طيب و العسكر ايه ملايكة و سفراء نوايا حسنه مثلا الاخوان حكموا سنه و كانوا هيخربوها طيب ما انتوا بقالكم ٦٩ سنة في الحكم و من سيئ لاسوء كل شيئ بقي زفت في زفت لا حرية موجودة و لا امن موجود كل يوم بلطجة و سرقة و خطف و قرف و فوق كل ده فقر و جوع بقينا نتذل و نشحت و نمد ايدينا لطوب الارض لدرجة ان بقينا تقال علي الناس و بقينا معيرة الشعوب ... فين كلامك هي سنه ... مصر ام الدنيا و هتبقي قد الدنيا حسبي الله و نعم الوكيل في كل ظالم .

 

[🅢︎🅤︎🅗︎🅐︎🅘︎🅛︎]

انته متخيل أن الجيش هيعمل كده ده ما صدق هي كانت فرصة وراحت ولن يفيد البكاء علي اللبن المسكوب الجيش عامل زي الاب اللي اعطي لولاده فرصة يدبروا أمورهم بنفسهم وفشلوا فرجع حق الوصاية لنفسه بدل ما يغرقوا

ما هو الراجل كان صريح في تسريب الجزيرة و قالك الجيش هيحكم ٥٠٠ سنة كمان
ياراجل كبر مخك احنا نشتغل و ناكل و نشرب و نخلفلهم في عيال و ان شاء الله كمان سنتين نبقي ١٥٠ مليون

 

[صَقر قُرَيْش]

المشكلة في البطائق الإنتخابية اللتي تم تسريبها قبل الإنتخابات و الأقباط فعلا منعو من التصويت في الكثير من قرى مصر و هناك فيديوهات كثيرة لإخوان و سلفيين منعو قرى قبطية بأكملها من النزول إلى الانتخابات.
أنا فعلا مغربي، لكني أزعم أنني تابعت تلك الفترة بتفاصيلها أكثر من مصريين

ممكن تجيب رابط الفيديوهات لو سمحت ؟

 

[صَقر قُرَيْش]

الغريبة ان

الاسعار ولعت ولسه ثمن الصوت زي ماهو عالم ما عندهاش ضمير يا اخي ولو اني اتوقع ان الانتخابات القادمة ممكن يوصل الصوت الانتخابي ل٤٠٠ جنية لمجاراة التضخم والازمه العالمية والا ما حدش هيروح وهيبقي شكلهم وحش

والله مرضتش اقول الحقيقة
في المناطق الشعبية كان 50 جنيه او شنطة فيها ازازتين زيت وكيس سكر
انما في مدينة نصر كانت 200 بصراحة

اتمنى بعد الغلاء ده الصوت قيمته تعلى برضه

 

[The scorpion.]

متفق معاك ما عدا القضاء المفروض يبقي مستقل تماما ده المفروض هو اللي بيجيب حق الناس

مهو المفروض كده وفعلا اتفق معك
لكن جه ف بالي سيناريو ف تونس الان ويتهمون القضاء بالانحياز للجماعه
وف مصر يتهمونه بالانحياز للنظام
ان لم تستطيع ان يبقي مستقل ف ينحاز للنظام افضل ع الاقل النظام رمانه ميزانه الجيش
لو القضاء دخل فيه اعضاء منحازسن لفءه سياسيه سيخلق فوضي من الفءات الاخري
عامه القضاء ف مصر وف كل دول العالم الان بيعتمد ع المستندات والقوانين الموضوعه من البشر فلن يفرق كثيرا لان لو قضيه امنيه او سياسيه ف امن الدوله قادر ع ايجاد الف دليل لاي قاضي ويجبره ع نطق حكم يريده النظام
فلن يكون محايد
ي راجل انت ممكن تكون ممسوك متلبس والمحامي يطلعك بثغره ف الاجراءات الضبط
القضاء ف اي دوله حاليا يعتمد ع الادله واي جهه امنيه بامكانها خلق ادله فلن يكون محايد

 

[The scorpion.]

ممكن تجيب رابط الفيديوهات لو سمحت ؟

منع الاقباط ف مصر حدث ف قريه قريبه مني شخصيا ف 2012 ف اسيوط لان القريه اغلبها كان مسيحيين ف حدثت فوضي ف القريه وقت الانتخابات ولم يصوتوا
هي حقيقه لكن ف القري ليس المدن والمحافظات

 

[صَقر قُرَيْش]

منع الاقباط ف مصر حدث ف قريه قريبه مني شخصيا ف 2012 ف اسيوط لان القريه اغلبها كان مسيحيين ف حدثت فوضي ف القريه وقت الانتخابات ولم يصوتوا
هي حقيقه لكن ف القري ليس المدن والمحافظات

هل انت شوفت الكلام ده بعينك ؟
و إزاي حدث زي ده متصورش

لأن معظم الشكاوي كانت عن قنا والمنيا و القضاء ساعتها نفى ان ده حصل

 

[Egyptian Stud]

هل انت شوفت الكلام ده بعينك ؟
و إزاي حدث زي ده متصورش

لأن معظم الشكاوي كانت عن قنا والمنيا و القضاء ساعتها نفى ان ده حصل

كتير كتبوا وسجلوا عن منع الأقباط من قبل ميلشيات الاخوان والخرتيت ابو اسماعيل

أقربهم لذاكرتي كان مركز ابن خلدون

 

[The scorpion.]

هل انت شوفت الكلام ده بعينك ؟
و إزاي حدث زي ده متصورش

لأن معظم الشكاوي كانت عن قنا والمنيا و القضاء ساعتها نفى ان ده حصل

انا سمعته بودني وعمي شاف الكلام ده بنفسه لان عنده ارض هناك وكان مقيم وقت الانخابات هناك وللعلم انا مسلم الحمد لله ومش تبع ان اي حاجه لمسيحي تبقي مقصوده يعني
والقريه اسمها عزبه الاسقف

تطلع ع القهوه او المحل بيقول لاي مسيحي احسنلك مرسي يفوز ومتنتخبش احسن
الكلام ده حصل ف القري اللي اغليها مسيحيين وف اكتر من محافظه ف الصعيد

وازاي هتصوره وهتثبت اما تنزل الشارع واحد يقول لك ياريت متنتخبش احسن بكره

 

[Egyptian Stud]

تطلع ع القهوه او المحل بيقول لاي مسيحي احسنلك مرسي يفوز ومتنتخبش احسن

معلش ممكن اسامي هؤلاء المسيحين

 

[لؤى النوبى]

و نخلفلهم في عيال و ان شاء الله كمان سنتين نبقي ١٥٠ مليون