وزير الداخلية السعودي : سنتحول الى الرقمنة في جميع إجراءاتنا وخدماتنا

[رٍسِـــلآنٍ]

لا مفتوح التقديم عليها وتعرض على الصف الضباط اللي لهم خبرة لهم الاولوية وصحيح للي يعمل ميدان مثل الدفاع المدني تعاقد مع السواقين
وصحيح فيه ناس تسعى لها عشان الراتبين
لكن مثل الوالد خدمة 31 سنة في الدوريات واخر شئ يرجع بدون صلاحيات وبدون سلاح حتى جندي يقدر يامر عليه رفضها بسبب على قولته
اخر شئ يحطوني مثل المخيول رتبة بدون فائدة

ليه للحين مو راضي تفهم اني اتكلم عن نظام جديد ؟

انا شدخلني عن النظام القديم اللي تتكلم عنه بتجنني انت

 

[العزيزي]

ليه للحين مو راضي تفهم اني اتكلم عن نظام جديد ؟

انا شدخلني عن النظام القديم اللي تتكلم عنه بتجنني انت

من يقدر يجننك ماشاء الله عليك تجنن بلد

 

[nawras jordan]

لايمكن الدفاع المدني يخصخص لانه عمل انساني بحت ومباشر ونادر الحرائق عكس المرور معاملاته كثيره قابله للخصخصه حتى لو خصخصه جزئيه للمرور لكن الحرائق ما اظن ابد


ضع خدمة سجل الفواتير في كل منزل سكنته تمكنك من مراجعة الفواتير التاريخيه لك


والبحث عن الفاتوره بتاريخ واليوم والشهر كبحث موجه او رقم المبنى

كذلك توعية كبار السن بالفوائد التي تحققها الفاتوره الالكترونيه في تطبيق شركة الكهرباء واول الفوائد التخلص من الورق وتلفه وضياعه


وضع خدمات توضيح البيانات بتفصيل لك اين اخذت الفاتوره بأي منطقة ورقم الشارع والمنزل السابق سواء اجار او تمليك


تسهيل الدخول على الشيبان بالبصمات بدل تطفيشهم بالرقم السري وان تكون بصمته مرتبطه برقم جواله عقبال مانتطور لربط بصمة العين
برقم الجوال

- ميزه تعريفيه بمديونية كل بيت او شقه من ناحية الكهرباء قبل سكن مستاجر جديد


كذلك تحتاج توعيه مجتمعيه عند المقاولين والتجار لان غالبهم شيبان بأن تفرض على سوق العقار المعاملات الالكترونيه مثل ماحصل عندنا (الاجار الكتروني وسداده واثبات سداده الكتروني حتى فاتورة المياه تم ربطها معا عقد الاجار الالكتروني)

ما شاء الله عليك، والله عندك افكار رائعة، كل بند ذكرته يحل مشكلة كبيرة.منذ اليوم لن ألومك لما تطلب نقل تقنية. يبدو انك تمتلك عقلية منظمة.

 

[Medic]

نعم يرجع يستلم راتب التقاعد وراتب العقد

هذي قويه شوي يامدير.

العقد مع الحكومة ويستلم راتب تقاعد من الحكومة ويشتغل عند الحكومة!! ليه طيب يقاعدونه كان خلوه على وظيفته بدال ما ياخذ راتبين.

 

[رٍسِـــلآنٍ]

هذي قويه شوي يامدير.

العقد مع الحكومة ويستلم راتب تقاعد من الحكومة ويشتغل عند الحكومة!! ليه طيب يقاعدونه كان خلوه على وظيفته بدال ما ياخذ راتبين.

شلون قويه وش المشكله ؟

لو نظرت لها من ناحيه التوفير هنا بتوفر عليك توظيف شخص جديد تلتزم براتب تقاعده مستقبلا مع ذلك ماعتقد ان هذا السبب لان اللي ياخذونهم اعداد قليله وشخصيا اعتقد انهم بدو فيها كتجربه للخصخصه

 

[Saudi silent]

الجوازات تطلق جواز السفر السعودي الإلكتروني​

 

[Staccato]

ما اعتقد يكون فيه خصخصه لقطاع المرور. افضل حل هو دمج المرور مع الدوريات وإعادة تأهيل جميع الموظفين المدنيين والسعكريين على حد سواء واستحداث اكاديمية للتدريب وان تكون مدتها لا تقل عن سنتين تنتهي باختبار مزاولة مهنة. اما نظام شلة طلاب المتوسط والثانوي مخمخمهم من كل مكان وموظفهم في الميدان وهم يفتقرون الى معرفة ابجديات قوانين المرور والسلامة وجاهلين جهل تام بلائحة المرور وانظمته واسلوب التعامل مع الجمهور.

كل قطاعات الداخلية الامنية لن تتحسن اذا مازلت تصنف كا عسكرية !

ما اعرف ايش الحكمة من عسكرة الشرطة والمرور والدفاع المدني هاذي كلها قطاعات امنية تحتاج موظفين متعلمين بالقانون وغيره

ملئ هاذي القطاعات باسلتوح واخوياه كا افراد ماينفع غير انه ينافس العسكرية الحقيقية بالتجنيد

 

[Staccato]

مدري اذا قلت لك من قبل لكن نظام العمل بالعقود بدا من كم سنه بقطاعات الداخليه عسكري وبسلاحه وكل شي وموظف بعقد وبدا التطبيق مع المتقاعدين كتجربه

اعتقد الدفاع المدني جدعنه منك

عزيزي قطاعات الداخليه راح يتم خصخصتها كلها ماعدا الحساسه

الله يبشرك بالخير

 

[Staccato]

هذي قويه شوي يامدير.

العقد مع الحكومة ويستلم راتب تقاعد من الحكومة ويشتغل عند الحكومة!! ليه طيب يقاعدونه كان خلوه على وظيفته بدال ما ياخذ راتبين.

مدري شكلها جديدة عليك بس هالموضوع موجود وبكثرة خصوصا في وزارة الدفاع بعد مايتقاعد ياخذونه عقود

 

[PRITISHPLUS]

غريبه الشباب مايعرفون عن نظام التعاقد بالعسكرية واضح طبقة مخملية