أحد الشخصيات الكبيرة (تم اعفائه من مهامه من سنين) اللي له فضل علي بعد الله .. نفع كل خلق الله من جماعته للغريب بدون استثناء.
ماكان يفرق أحد .. لو طلعت من المسجد ولقيته خارج معك وانت ماتعرفه وطلبت منه فزعة بوظيفة او بعثة خارجية قام وضبطك (أعرف عشرات من الناس شخصياً فزع لهم).
وحسب ماسمعت من القريبين له انه من يمشي مشاريع للجهة الحكومية اللي يديرها هو .. ويوافق على شراء اراضي تتبع لجماعته او ربعه بأسعار خيالية. وسمعت انه احدى البلديات رفضت تعطي ترخيص بناء منشاءة كبيرة بذريعة انها تمر على مجرى سيول وطلعها بالغصب.
بأختصار كان ينفع الناس بلا استثناء من جهة .. ويسيء نفوذ وظيفته من جهة أخرى.
طبعاً بتسألوني ليش ماألتفت له الحكومة في قضايا الفساد ... وأنا اقول ببساطة لسببين بسيطين:
١. عمل نقلة ثورية ( ع الصعيد المالي ) في الجهة اللي كان يديرها، إلى درجة ان الحكومة انبهرت من إدارته وحطت انجازه ستاندرد لبقية الجهات الحكومية أنها تصبح ذاتية التمويل بدون ماتطلب أية ميزانية سنوية من الدولة.
٢. أنه ماسرق ريال واحد أبان رئاسته ( كل اللي جاه بس دعاوي صادقة من الناس اللي فزع لهم ) .. وهذا بحد ذاته يجيب لك الحيرة! لأن مستحيل تثبت على شخص اساء نفوذ سلطته بالمليارات .. ولا سرق منها ريال واحد!
تنبيه بسيط للشباب: لحد يجيني خاص يسأل من هذا الشخص اللي اقصده منعاً للإحراج.
