ملف الانتخابات التشريعية المغربية 2021 (متابعة مستمرة)

[Deathcrowman]

و من بعد نبقاو ندورو فنفس الحلقة المفرغة

الست من دعات ان السلطة تكون لشعب؟ اوليس اكبر تجلي لسلطة الشعب هو في اختيار من يمثله و يتحمل مسؤولية إختياره و تصويبه بالانتخابات المقبلة؟

 

[Deathcrowman]

حتا يكون النظام ديالنا بحال ديالهم عاد هدر عايش فملكية دكتاتورية و تاتهدر هههه

لو كنا بملكية دكتاتورية كما تقول لتم إعتقالك لمخالفة راي السلطة و نعتهم بالديكتاتورية.

 

[المقاتل 1991]

الست من دعات ان السلطة تكون لشعب؟ اوليس اكبر تجلي لسلطة الشعب هو في اختيار من يمثله و يتحمل مسؤولية إختياره و تصويبه بالانتخابات المقبلة؟

هل من ينتخبهم الشعب لم أي سلطة ؟؟

 

[المقاتل 1991]

لو كنا بملكية دكتاتورية كما تقول لتم إعتقالك لمخالفة راي السلطة و نعتهم بالديكتاتورية.

على اساس مكاينش الإعتقال السياسي في المغرب ههههه

 

[Deathcrowman]

هل من ينتخبهم الشعب لم أي سلطة ؟؟

عندهم عديد السلط لكن هل يحسنون استخدامها؟

 

[Deathcrowman]

على اساس مكاينش الإعتقال السياسي في المغرب ههههه

عطيني شي معتقل سياسي نيت ديال بصح.. وريه ليا

 

[Wyatt09]

حتا يكون النظام ديالنا بحال ديالهم عاد هدر عايش فملكية دكتاتورية و تاتهدر هههه

بلا بلا بلا بلا بلا، فيك غا الهضرة وكثرة تخراج العينين، داز علك شي مخزني اليوم، سير انخارط فالحياة السياسية و لوبيي وانفلوانسي و دافع على الأيديولوجية ديالك، مكاين لي غادي يقولك زم داك الفم، بقا عايش فالقوقعة وساد علك، وكتقول نظام دكتاتوري (نعم هو قمعي ملي كيتقاس و كيتهدد الوجود ديالو) ولكن عمروا كان دكتاتوري، كون كان دكتاتوري كون عفط على بنادم ف 2011 و دار ليهم مادار البصري في التمانينات، خلي بلاصتك خاوية ملي يفرعوك ديك ساعة نوض تغوت والأسطوانة غادي تبقا دور. نهار لغادي ينخارط الشعب فالعجلة السياسية هو النهار لي غادي يولي صوت الشعب مسموع، وغادي يولي عندو ثقل، بقا تبلابلي تما، راك عامر غا بالهضرة الخاوية، الدكتاتورية هي تكتب تويتة اليوم وملي دوز 10 سنين يشدوك عليها، هاذي هي الدكتاتورية، عندنا الحد من الحريات الخاصة، ولكن كنظن نتا من داك النوع لي باغي ماطيشا تبقا ب 6 دراهم ونهارو زين واكل شارب معندو غرض.

 

[المقاتل 1991]

بلا بلا بلا بلا بلا، فيك غا الهضرة وكثرة تخراج العينين، داز علك شي مخزني اليوم، سير انخارط فالحياة السياسية و لوبيي وانفلوانسي و دافع على الأيديولوجية ديالك، مكاين لي غادي يقولك زم داك الفم، بقا عايش فالقوقعة وساد علك، وكتقول نظام دكتاتوري (نعم هو قمعي ملي كيتقاس و كيتهدد الوجود ديالو) ولكن عمروا كان دكتاتوري، كون كان دكتاتوري كون عفط على بنادم ف 2011 و دار ليهم مادار البصري في التمانينات، خلي بلاصتك خاوية ملي يفرعوك ديك ساعة نوض تغوت والأسطوانة غادي تبقا دور. نهار لغادي ينخارط الشعب فالعجلة السياسية هو النهار لي غادي يولي صوت الشعب مسموع، وغادي يولي عندو ثقل، بقا تبلابلي تما، راك عامر غا بالهضرة الخاوية، الدكتاتورية هي تكتب تويتة اليوم وملي دوز 10 سنين يشدوك عليها، هاذي هي الدكتاتورية، عندنا الحد من الحريات الخاصة، ولكن كنظن نتا من داك النوع لي باغي ماطيشا تبقا ب 6 دراهم ونهارو زين واكل شارب معندو غرض.

الشفاوي الخاوي تاتهدر على المغرب و كأنه جنة الديموقراطية و نتا عارف وخا يكون عندنا حزب ملائكي مغادي يدير والو بسباب التحكم
هانتا منخرط فالعملية السياسية بدلتي شي حاجة
ولو ينخرط هاد الشعب كلو فالعملية السياسية مغادي يتبدل والو مدام الأحزاب مسيطر عليها من طرف المخزن
التغيير غادي يوقع نهار الشعب يفهم بأنه أصل المشكل فالمخزن ماشي فالماريونيتات ديالو
حتا تكبر و تفهم هاد الهدرة راه حتا أنا كانت عندي ديك الأحلام الوردية ديالك

 

[Wyatt09]

الشفاوي الخاوي تاتهدر على المغرب و كأنه جنة الديموقراطية و نتا عارف وخا يكون عندنا حزب ملائكي مغادي يدير والو بسباب التحكم
هانتا منخرط فالعملية السياسية بدلتي شي حاجة
ولو ينخرط هاد الشعب كلو فالعملية السياسية مغادي يتبدل والو مدام الأحزاب مسيطر عليها من طرف المخزن
التغيير غادي يوقع نهار الشعب يفهم بأنه أصل المشكل فالمخزن ماشي فالماريونيتات ديالو
حتا تكبر و تفهم هاد الهدرة راه حتا أنا كانت عندي ديك الأحلام الوردية ديالك

داك النهار لي كتسنا فيه و كيتقول غادي يوقع عمرو ماغادي يجي إلا الشعب مانخرطش فالعجلة السياسية. أما نتا التصور ديالك للدموقراطية ماغاديش يجي سلميا ومستحيل يكون سلمي، كلشي كيقول باغي ملكية برلمانية، حيث هذا هو التطور الطبيعي للأحداث، و المنطق، لكل شعب الحق في التحكم في قرارات مصيره، و تعيين حكامه، ولكن الحل الوحيد باش داك النهار يجي هو الشعب و النخب الاجتماعية تنخارط فعملية سياسية، تكتلات اجتماعية عندها ايديولوجية لكتساير الاحتياجات ديالها، لغادي تبزز على الأحزاب يخرجو من طريقهم باش يجذبوا مصوتين، النظام السياسي عندنا ماشي بديك الخيوبية لي بنادم باغي يصور، أما كون داير بحال بلدان الشرق وقاتل الحركة السياسية بالمرة، الحاجة الوحيدة لي مكاليا عليهم هي الظروف الاجتماعية لي عندهم مزيانة وبزاف، نهار غادي تعمر بلاصتك تاواحد ماغادي يدوي بصوتك.
الحياة السياسية كاينا سواءا بغيتي تيقها ولا لا وخير دليل الدراري لي فتطوان لي يلا بداو الحياة السياسية ديالهم، راه نجحوا فالانتخابات الأخيرة، يمكن، نهار الشعب غادي يفهم بلي لا بغا يولي عندو شوية الصوت خاصو يبدا يلعب اللعبة.
شوفتك للمغرب هي لي كحلة اساط، شوفتي للمغرب معتدلة تمام الاعتدال، صوتت و الانتخابات الجاية لا كتاب غادي نصوتو، عارفين شنو على السلطة وشنو علينا. المغرب خيب ولكن ماشي بالخيوبية لي باغي تصور نتا، ملك يسود ولا يحكم تطور طبيعي للأحداث سواء طرات اليوم و لا 100 عام من دابا.

 

[نضاليوم]

انا لي قلقني هو الشخص لي يشبع خبز و يقولك المخزن ،من هو المخزن اولا ؟!؟،المخزن يا ولد الناس خويا و خوك و صاحبي و صاحبك ،المخزن هوما حنا عموم الشعب المغربي ،الاكاديمية العسكرية تلقى فيها الريفي و العربي و الشلح و الفيلالي و الصحراوي بحال بحال ،مدرسة المهندسين كذلك و مثال ،البرلمان كذلك و مثال الاحزاب كذلك و مثال ،غير حنا ماكاينش البراني بيناتنا ،القاضي و وكيل الملك و استاذ الجامعة و البوليسي و الجدارمي و العسكري كلهم ابناء الشعب ،ما عنداش طائفية ما عنديش قبلية ،عائلة واحدة ،الملك مجرد فرد واحد منا ،حتى لو اراد ان يحكم لوحده لن يستطيع ،لو اراد ان يستبد بالقرار لن يفلح ،الملك اول انسان عارف و واع انه محدود الصلاحيات ،و انه سلطته محكومة بالعرف و التقاليد و لا يستطيع ان يحيد عن الخط، نحن المغاربة نكرر ما يقوله اعداء المغرب عن دولتنا ،المخزن هو دولتنا و المشكلة فينا نحن ،لان من يتحمل المسؤولية هم نحن و ليس اجانب او اغراب قادمين من كواكب اخرى .أقبلوا مروري مع كامل الاحترام لوجهات نظركم .

 

[المقاتل 1991]

داك النهار لي كتسنا فيه و كيتقول غادي يوقع عمرو ماغادي يجي إلا الشعب مانخرطش فالعجلة السياسية. أما نتا التصور ديالك للدموقراطية ماغاديش يجي سلميا ومستحيل يكون سلمي، كلشي كيقول باغي ملكية برلمانية، حيث هذا هو التطور الطبيعي للأحداث، و المنطق، لكل شعب الحق في التحكم في قرارات مصيره، و تعيين حكامه، ولكن الحل الوحيد باش داك النهار يجي هو الشعب و النخب الاجتماعية تنخارط فعملية سياسية، تكتلات اجتماعية عندها ايديولوجية لكتساير الاحتياجات ديالها، لغادي تبزز على الأحزاب يخرجو من طريقهم باش يجذبوا مصوتين، النظام السياسي عندنا ماشي بديك الخيوبية لي بنادم باغي يصور، أما كون داير بحال بلدان الشرق وقاتل الحركة السياسية بالمرة، الحاجة الوحيدة لي مكاليا عليهم هي الظروف الاجتماعية لي عندهم مزيانة وبزاف، نهار غادي تعمر بلاصتك تاواحد ماغادي يدوي بصوتك.
الحياة السياسية كاينا سواءا بغيتي تيقها ولا لا وخير دليل الدراري لي فتطوان لي يلا بداو الحياة السياسية ديالهم، راه نجحوا فالانتخابات الأخيرة، يمكن، نهار الشعب غادي يفهم بلي لا بغا يولي عندو شوية الصوت خاصو يبدا يلعب اللعبة.
شوفتك للمغرب هي لي كحلة اساط، شوفتي للمغرب معتدلة تمام الاعتدال، صوتت و الانتخابات الجاية لا كتاب غادي نصوتو، عارفين شنو على السلطة وشنو علينا. المغرب خيب ولكن ماشي بالخيوبية لي باغي تصور نتا، ملك يسود ولا يحكم تطور طبيعي للأحداث سواء طرات اليوم و لا 100 عام من دابا.

نفس الهدرة تقالت على جميع الحكومات منذ الإستقلال و الوضع غادي وتايتكفس
بإختصار الملك يسود و يحكم هذا هو الواقع الأحزاب مجرد ماريونيت فيد الملك الناس كرهات السياسة و ما يأتي منها بسبب تصرفات النظام
بقا فالأحلام الوردية تاعك حتا تصدم بالأمر الواقع

 

[Wyatt09]

نفس الهدرة تقالت على جميع الحكومات منذ الإستقلال و الوضع غادي وتايتكفس
بإختصار الملك يسود و يحكم هذا هو الواقع الأحزاب مجرد ماريونيت فيد الملك الناس كرهات السياسة و ما يأتي منها بسبب تصرفات النظام
بقا فالأحلام الوردية تاعك حتا تصدم بالأمر الواقع

بحالك بحال غاع المغاربة لي كيساندو منيب حيث كانت ضد اللقاح ونهار غادي تخرج منيب تدوي على الحريات الفردية غادي يضورو فيها، عقلية سياسية وليدة اللحظة متقلبة-حربائية، غير مبنية على أيدولوجية و إيمان بالأفكار، حيث نتوما براسكم ماعارفينش شنو باغين، باغين الحكومات تدير كلشي فبلاصتكم، و الموقف ثابت، نهار غادي الشعب يوعا بالسلطة لي عندو داخل العملية السياسية، غادي يعرف بلي لا وطن بدون شعب و لا أمة بدون الملكية، سالينا، الملكية مخليا السوق محلول للكلشي باش ينخارط و يدافع على حقو فيما لا يخالف توجهات الأمة، وظوابطها، الجيل القديم ريعي و أمي و خلف ديك الريعية ديالو فالجيل لي من وراه، ولكن الاختلاف هو طبقة شباب لي بكامل المعوقات عندها أساسيات التفكير و بناء مواقف و الدفاع عليها وخا غير نسبة منها، فئة مكتفكرش بريعية الجيل القديم وخير دليل الانتخابات الماضية و نسبة التصويت لي تزادت، الفكر ديالك قديم وعفا عليه الزمن، نهار غادي نخارطو ويولي عندنا وزن غادي يوليو الأحزاب السياسية كيسايروا التطلعات ديالك، خلينا نحبسوا النقاش هنا، عندنا رؤيا مختاااااالفة للمغرب، وغالبا غادي تكون عندنا رؤيا مختالفة لمغرب الغد، مع أنه بهاذ الشعب لي عندنا غادي يكون بحال ديال البارح، الأمل لي عند هاذ الأمة كاين فرأس الهرم ديال البلاد و فشعبها، داكشي لا خاص شعبها يفيق من سبات ويدافع على الرأي ديالو سياسيا.
ذكرتي واحد النقطة، الملك و اليسار، ومحيتيها ولا تمحات، راه بلا الملك المرأة المغربية مكان عندها حتا الحق فطلق راسها، راه خاص ديك المحدودية بسباب الأعراف تحيد، وهنا كنرجعو للانخراط فالعملية السياسية، حيدتي المخزن، راه ماغاديش تجي حكومة من عند الله فيها الملائكة، سيبقى واجب على الشعب الدخول للسياسية، و الدفاع على مقررات كتمشا مع الطلبات ديالو، حتا فالنموذج ديالك الكحل، فيه انخراط الشعب في السياسة ضرورة.
عييت من الصباح و أنا كنكتب و مكاتب والو. ف الله يوفقك فحياتك. كومراد

 

[المقاتل 1991]

بحالك بحال غاع المغاربة لي كيساندو منيب حيث كانت ضد اللقاح ونهار غادي تخرج منيب تدوي على الحريات الفردية غادي يضورو فيها، عقلية سياسية وليدة اللحظة متقلبة-حربائية، غير مبنية على أيدولوجية و إيمان بالأفكار، حيث نتوما براسكم ماعارفينش شنو باغين، باغين الحكومات تدير كلشي فبلاصتكم، و الموقف ثابت، نهار غادي الشعب يوعا بالسلطة لي عندو داخل العملية السياسية، غادي يعرف بلي لا وطن بدون شعب و لا أمة بدون الملكية، سالينا، الملكية مخليا السوق محلول للكلشي باش ينخارط و يدافع على حقو فيما لا يخالف توجهات الأمة، وظوابطها، الجيل القديم ريعي و أمي و خلف ديك الريعية ديالو فالجيل لي من وراه، ولكن الاختلاف هو طبقة شباب لي بكامل المعوقات عندها أساسيات التفكير و بناء مواقف و الدفاع عليها وخا غير نسبة منها، فئة مكتفكرش بريعية الجيل القديم وخير دليل الانتخابات الماضية و نسبة التصويت لي تزادت، الفكر ديالك قديم وعفا عليه الزمن، نهار غادي نخارطو ويولي عندنا وزن غادي يوليو الأحزاب السياسية كيسايروا التطلعات ديالك، خلينا نحبسوا النقاش هنا، عندنا رؤيا مختاااااالفة للمغرب، وغالبا غادي تكون عندنا رؤيا مختالفة لمغرب الغد، مع أنه بهاذ الشعب لي عندنا غادي يكون بحال ديال البارح، الأمل لي عند هاذ الأمة كاين فرأس الهرم ديال البلاد و فشعبها، داكشي لا خاص شعبها يفيق من سبات ويدافع على الرأي ديالو سياسيا.
ذكرتي واحد النقطة، الملك و اليسار، ومحيتيها ولا تمحات، راه بلا الملك المرأة المغربية مكان عندها حتا الحق فطلق راسها، راه خاص ديك المحدودية بسباب الأعراف تحيد، وهنا كنرجعو للانخراط فالعملية السياسية، حيدتي المخزن، راه ماغاديش تجي حكومة من عند الله فيها الملائكة، سيبقى واجب على الشعب الدخول للسياسية، و الدفاع على مقررات كتمشا مع الطلبات ديالو، حتا فالنموذج ديالك الكحل، فيه انخراط الشعب في السياسة ضرورة.
عييت من الصباح و أنا كنكتب و مكاتب والو. ف الله يوفقك فحياتك. كومراد

جميع الناس المؤيدين هنا اللي تحاورت معاهم دوزوني على الطيف السياسي المغربي كامل من اليسار للعدل للقاعديين باقي غا الماسونية و الكائنات الفضائية هههه.

أنا أصلا ضد اليسار و ضد فكر اليسار و ضد أنه اليسار يشد الحكم فالبلاد و هاد الأمر هو اللي خلاني عمرني صوتت حيت الغالبية العظمى ديال الأحزاب يسارية .
أيضا المشكلة فالحوار معاكم هو أنه تاتقولوني هدرة ماقلتها فين بان ليك فهردتي أنني مع الريع بل العكس أنا مع الحرية الإقتصادية إلا راجعتي واحد التعليق حطيتو قبل غادي كنتي غادي تعرف قبل ماتحملني ما لا أتحمله.
نسبة التصويت تزادت غا بسبب التجييش اللي كان ضد العدالة و التنمية و الإنتخابات الجاية عقل بلي النسبة غادي تكون قليلة و ممكن يتعاود سيناريو2007 إلا كملات الأزمة النظام حرق جميع الأوراق اللي كان فيديه و مابقا عندو مايقدم للناس .
الناس كفرات بالسياسة فالمغرب سبب التحكم و بسبب أن الأحزاب ولات مجرد دمى فيد السلطة و أخر إهتمامها هو الشعب .
قلتي أن المرأة خدات الحق أنها تطلق راسها لاكن واش عندها نفس واجبات الرجل فالطلاق ياك الدستور جاء لتحقيق المساواة اين هي .
نقطة أخيرة مدام المخزن قاج السياسة يعيا الشعب ما ينخرط فالعملية السياسية مغادي يتبدل والو مدام المشكل فالنظام حيد المخزن غادي تحيد المشاكل فالبلاد و الشعب غادي يشارك فالسياسة و السلام.