وزارة النقل السعودية : نهدف الوصول إلى نسبة 0% من وفيات حوادث الطرق

[فينكس]

كيف وضح !!!!!

مشاريع النقل مثل طريق مكه القصيم متوقف.

حائل المدينه متوقف ...الجبيل القصيم متوقف

تبوك المدينه متوقف.

وغيرها الكثير


متوقف = متعثر

طريق القصيم مكه موب متوقف لكن متأخر

 

[Ali.0]

لو يكون في كل كيلو ولوحات توضيحيه وتنبيهيه ماعندي مشكله لان الهدف هو خفض السرعه
لكن مايكون بالدس والتخفي وتصيد الزلات خاصه على طرق متغيره السرعه

اول مافتحت العمرة طلعت من الاحساء الى مكة بر على سيارتي، و طول الطريق متقيد بالسرعة و بمدخل الطايف السرعة تحولت من ١٤٠ الى ١١٠ بدون لوحات شفت اللوحة بعد ما صورني ساهر، و الحياة حلوة ربعنا مايتركون التصيد و شغل التخفي

 

[الخفاق الأخضر]

اول مافتحت العمرة طلعت من الاحساء الى مكة بر على سيارتي، و طول الطريق متقيد بالسرعة و بمدخل الطايف السرعة تحولت من ١٤٠ الى ١١٠ بدون لوحات شفت اللوحة بعد ما صورني ساهر، و الحياة حلوة ربعنا مايتركون التصيد و شغل التخفي

الخط السريع مو مشكلة


انا كل شيء ولا التخصصي بالرياض

70 بعدين 80 بعدين 70 ملعنه

وخل هذا
المدينه سكنتها سنتين

تخيل ان مافيه خط تمشي فيه 120
حتى الدائري

 

[Over thinking]

فاتح الموضوع وقبل شوي طالع من زحمه حادث تصادم شاحنتين على طريق سريع

 

[عوض الحربي]

ليست متوقفه..
ولكن تعالج بسب الفساد فيها..
بالذات طريق القصيم مكه اشوف انه طريق قام على مزاجية وليس على جدوى عملية..
اللي يشوفه يقول القصيم مدينة مليونية ويخرج منها على الاقل 10 الاف سيارة الى مكه او العكس..
او ان الطريق يمر بمدن كبرى او اقل شيء مدن ذات كثافة سكانية عالية لاجل خدمتهم..
مجموعة قصمان استغلوا فساد الدولة لارساء مشاريع لشركات المقولات الخاصة بهم لتشييد طريق لا قيمة له..
مع العلم انه بامكانهم الذهاب عن طريق عفيف ظلم ثم طريق الرياض مكه السريع..

نرفق لكم طريق القصيم مكه الفاسد والذي يجب ان يسجن كل من قام عليه من الوزارة المعنية..

مشاهدة المرفق 368015

طريق القصيم مكة المكرمة أفضل بكثير من الطريق اللي يمر بمنطقة الرياض أو منطقة المدينة المنورة و يختصر الوقت و بداية الطريق هي بين مدينة قصر بن عقيل و مدينة قيصومة القصيم و يرتبط مع طريق الدائري في مدينة مكة المكرمة

 

[نمر]

الهدف نبيل ولا شك ونسأل الله السلامة لكل المسافرين
التطبيق يحتاج إلي إعادة النظر في بعض الطرق في المناطق النائية
عندنا طرق بالشمال تصلي قبل تدخلها

 

[تكتيكي]

بعض الوزراء والله ودك تمسطه بالعقال
البعض منهم كانه لايعيش معنا
ولايلامس ارض الواقع

 

[فينكس]

كيف وضح !!!!!

مشاريع النقل مثل طريق مكه القصيم متوقف.

حائل المدينه متوقف ...الجبيل القصيم متوقف

تبوك المدينه متوقف.

وغيرها الكثير


متوقف = متعثر

ابشرك طريق حائل المدينه مخلص وراح يفتح الخميس

 

[NINJA-ksa]

كيف صفر حوادث ووفيات لم تحصل في اجود الطرق بالعالم
للاسف بعض المسؤوليين مغيببن عن الواقع

 

[الخفاق الأخضر]

كيف صفر حوادث ووفيات لم تحصل في اجود الطرق بالعالم
للاسف بعض المسؤوليين مغيببن عن الواقع

بحثت عن الموضوع


لاوجود لهذا تصريح ياجماعه

كل مافي الامر ان هذا (تعليق وامنيه)

من احد الحسابات في تويتر عن انجازات ووزارة النقل




والاخ @Saudi silent ممكن اختلط عليه الامر

 

[NINJA-ksa]

بحثت عن الموضوع


لاوجود لهذا تصريح ياجماعه

كل مافي الامر ان هذا (تعليق وامنيه)

من احد الحسابات في تويتر عن انجازات ووزارة النقل




والاخ @Saudi silent ممكن اختلط عليه الامر

حساب جاك العلم وش مصدرة على كلامة