السعوديه ‏ارتفاع معدل البطالة إلى 15%

[أبو ع ـنآد]

السوق عندنا مدمور
قطاع الجمله و التجزئة كله اجانب و شالية
اعرف واحد فتح بقالة بعد التقاعد اضطر يروع عتيقة يشتري اغراض لبقالة عشان الموزعين رفضوا يبيعوا له فقط المراعي و نادك اللى نزلوا له و طلع عنده الاغراض اغلى من البقالات الاخرى فاضطر يقفل

سوق أبو كلب و هش و نقطة ضعف في أمنك الوطني
أزمة كورونا كشفته على حقيقته و كيف إستغل الأجانب الوضع

المواطن الإحمار اللي مصدر سجل تجاري بإسم زوجته بقالة أكثر من فرع
و ناكب خلق الله و إذا جيت اتكلمه و تتفاهم معه دخل فيك شارع السوق حر
و فلسفه كأنه وارن بافيت خويهم اللي قاط معهم ف الإستراحة هذا ما عليه لوم

اللوم على اللي في يده التشريع و سمح للأثول هذا و غيره يتسترون ،
تبي تفتح أكثر من فرع حول شركة ، سجل تجاري مؤسسة فردية للسعوديين
فقط و لا تصدر عليه تأشيرة عمل و ضمه مع برامج تنمية المجتمع تحت إشرافها​

 

[رٍسِـــلآنٍ]

لازالت المصروفات اعلى من الايرادات ميزانية 2019

مشاهدة المرفق 311710

المصروفات مو كلها رواتب

 

[آلـــديَجۆر]

المصروفات مو كلها رواتب

اوك لكن هناك عجز والعجز يصرف جزء منه للرواتب

 

[رٍسِـــلآنٍ]

ايه عرفت نظامك الحين ، انت من حقون "انتم جيل كسول واعتمادي " انت منت عايش معنا صدقني والوظايف انا ما تشرطت فيها انا قدمت على كل شي حرفياً حتى بالثانوي قدمت انا وجموع العاطلين معي متأكد مو انا لحالي
مع الاسف اللي نفس تفكيرك مشكلة

عندنا مشكله عويصه بالبلد

وهي ان اللي متوظف ومرتاح او متقاعد غالبا تفكيرهم كذا

اما عاد المتقاعد هذا تفكيره متطرف من هالناحيه

حتى يتم المساس برواتبهم يتغير الموضوع بالنسبه لهم

 

[تكتيكي]

+
خفض الحد الادنى للاجور وراح يكون توظيف السعودي يكلف نفس الاجنبي بس بدون تعب التاشيرات و الرسوم و تعليمه اللغه و المهنه وهذي ميزه كبيييره ، وتسمى وظايف ابتدائيه يستطيع من خلالها الشخص التطور بالسلم الوظيفي

طالما توظيف السعودي يتطلب راتب اكثر من الاجنبي فاكيد راح الاجنبي يسرق العمل وولاسف الحل مو بانك ترفع راتب الاجنبي او رسومه زي ما جربنا لانك بتدخل الاقتصاد المنكمش بغلاء اسعار ومصايب
لكن بانك تخفض راتب السعودي الى ١٠٠٠ ريال شهري بدون رسوم وبدون تعقيدات و بمزايا وصدقني التاجر و الشركات بتسعود بدون مطارده من الحكومه ( صح الراتب قليل ولكن هذا الاقتصاد وهذا الواقع ولو صبرنا لين بس يروحون ال٩ مليون اجنبي راح تتحسن الامور وينسى التاجر ثقافه الاجنبي و تبقى مليارات البلد بالبلد تدور و تدخل ضرايب للحكومه وبعدها نفكر نرفع الاجور )


اما انك تركز على توظيف المهن العليا فقط فهي تشكل 10% من السوق ولن تكفي لخفض نسبه البطاله حتى لو سعودتها ١٠٠% لقلتها

الف ريال منت بعيد عن مدير شؤون الموظفين عندنا والرئيس يتعاقدو مع سعودين وسعوديات براتب ١٨٠٠ عشان يرفعو نسبه السعوده للتحايل لاصدار تأشيرات

 

[the blamed]

الوظائف من قبل خطة 2020 والاتجاه فيها نحو التقليل و الخصخصة والاعتماد ع الشركات الحكومية لكن المعضلة الرئيسية ولازالت وهي الرواتب تأخذ من الميزانية اكثر من 60% والى الآن لم يخفضوا منها وتم تأجيلها الى 23

يارجل ارحمنا الله يرحمك رواتب السعوديين اساسا ضعيفة مقارنتا بمستوى المعيشة الي تضاعف عدة مرات......فشل المسؤولين في ادارة اقتصاد البلد لا يتحمله جيب المواطن الضعيف!

 

[تكتيكي]

عموما لازالت الدوله تدفع ثمن التخبط الحاصل من ١٢ سنه مضت وتضخم رواتب حكوميه وفشل في اداره الفائض

 

[رٍسِـــلآنٍ]

اوك لكن هناك عجز والعجز يصرف جزء منه للرواتب

طيب هنا تعال للمشاريع والجدوى الاقتصاديه منها كم صرفت فيها بمقابل كم دخلت منها

مثلا واجهة الدرعيه بتصرف عليها ٦٤ مليار
كم بتدر لك مدخول خلال عشر سنوات مثلا ؟

 

[Pre-Med]

طيب هنا تعال للمشاريع والجدوى الاقتصاديه منها كم صرفت فيها بمقابل كم دخلت منها

مثلا واجهة الدرعيه بتصرف عليها ٦٤ مليار
كم بتدر لك مدخول خلال عشر سنوات مثلا ؟

خلال عشر سنوات اقل شي لازم يسترجع راس المال ٦٤ مليار

 

[الراية]

٣.٥ مليون

اعتقد 2 مليون .

 

[Hegesias]

ايه عرفت نظامك الحين ، انت من حقون "انتم جيل كسول واعتمادي " انت منت عايش معنا صدقني والوظايف انا ما تشرطت فيها انا قدمت على كل شي حرفياً حتى بالثانوي قدمت انا وجموع العاطلين معي متأكد مو انا لحالي
مع الاسف اللي نفس تفكيرك مشكلة

قلتلي انك بكالريوس انجليزي صح؟ طيب وش رأيك تفتح معهد تعليم لغه؟ ممكن تحصل على تمويل حكومي يصل ل 4 مليون ريال بدون فوائد تذكر و يسدد على 30 سنه و اكثر من جهه مستعده تقرضك سواء حكوميه او خاصه. صاف في الطوابير للتوظيف الحكومي ليش الله يصلحك؟

غير بس من اسلوب تفكيرك و ان شاء الله ربك بييسرها.

 

[deter]

في موضوع افلاس اكثر من ٣٢٠ شركه سعوديه بقيمه ٣٠٠ مليار قبل كم يوم

يقولون لك احسن هذي تصفيه لسوق وتصحيح ويستاهلون

وفي هذا الموضوع يقولك كله من كورونا

ابد مافيكم طب

اللي ماجرب العطالة او مهب عاطل المفروض يسكت النسبة هذي متأكد انها كذب بس ماعندي دليل

 

[رٍسِـــلآنٍ]

خلال عشر سنوات اقل شي لازم يسترجع راس المال ٦٤ مليار

يبغالك حقل غوار فيها عشان تسترجع راس المال

 

[Pre-Med]

يبغالك حقل غوار فيها عشان تسترجع راس المال

مشروع ما يرجع راس المال خلال ١٠ سنوات مو مشروع

 

[DRIVER1]

ايه عرفت نظامك الحين ، انت من حقون "انتم جيل كسول واعتمادي " انت منت عايش معنا صدقني والوظايف انا ما تشرطت فيها انا قدمت على كل شي حرفياً حتى بالثانوي قدمت انا وجموع العاطلين معي متأكد مو انا لحالي
مع الاسف اللي نفس تفكيرك مشكلة

انا جامعي جلست عاطل 4 سنوات بحثت في كل مكان سافرت خارج منطقتي ووجدت انواع العنصرية و الوظائف بالواسطات حتى في القطاع الخاص
بالنهاية الان مقدم على الافواج الامنية والامن الدبلوماسي
اي وحدة تجي منها باروح

 

[تكتيكي]

انا جامعي جلست عاطل 4 سنوات بحثت في كل مكان سافرت خارج منطقتي ووجدت انواع العنصرية و الوظائف بالواسطات حتى في القطاع الخاص
بالنهاية الان مقدم على الافواج الامنية والامن الدبلوماسي
اي وحدة تجي منها باروح

لاتنسى اليوم التقديم على المخدرات
وفي ٢٤ من هذا الشهر التقديم على الدفاع المدني وربي يوفقك

 

[طير حر]

اعتقد 2 مليون .

الاحصائيات ٣ مليون نص مليون الى ٤ مليون
القطاع الخاص ١.٥ مليون

الوظائف الحكومية مدنية وعسكرية ٢ مليون تقريبا

للتو اركز في سؤالك اعتقدت انك تسأل عن مجمل الموظفين ​

 

[Hegesias]

يبغالك حقل غوار فيها عشان تسترجع راس المال

ليش حقل غوار؟ الزبائن كفايه.

عندك خبر عن ايرادات مواسم الترفيه السابقه؟ بحثت عن الايرادات المتوقعه لهذه المشاريع و المنشوره في دراسات الجدوى؟ بحث بسيط اخ دله و تتضح الصوره.

 

[العنصر٧١]

ايش تسوي الف يبي له يستلف فوقها حق المشاوير رايح جاي للدوام

الامر الثاني الشركات والمؤسسات ماعندها مشكله تعطيك ٣٠٠٠ الى ٤٥٠٠
لكن انت مو مثل الاجنبي من ناحية ساعات عمل اكثر مجبور ولا يتكلم
ويجيب الاجنبي في اجازته ويداوم ولا ينطق حرف
هنا الإشكالية
مبلغ ٣٠٠٠ الى ٤٥٠٠ ماهي مشكله عند الشركه والمؤسسة للموظف

يا ابن الحلال الشركات مهي قادره تعطيك ١٥٠٠ و الحكومه تكملها ل ٣ والعالم جالسه تنفصل و الشركات تفلس وتبي ٤٥٠٠!!

لا خلاص اكتشفنا الحل نرفع الراتب ل ١٨ الف ونشوف هههههههه

 

[تكتيكي]

الدوله تدفع عنك ٦٠٪؜ من راتبك تعطل لمده ٦ شهور وتخسر مليارات
ولازال السبب موجود
الماده ٧٧
انتم مين واحنا مين وفي ايه