انسى موضوع "شمال مصر"
وركز على امكانيات سلاح الجو المصري و كيف ممكن نصب كمين للاتراك
لماذا دائما بعضكم يركز على الجزء الفارغ من الكأس ؟
استاذي الفاضل
تركيا فى ليبيا من 2011، وليس من 2019، ونقل السلاح والارهابيين دا جسر شغال من ليبيا لـ سوريا وبالعكس من 2011 وليس من 2019 او 2020
انما الجديد هو تسخين الموضوع اعلاميا ومحاولة تسخين الشعب وانتوا فين يا مصريين وانت فين يا جيش.. صناعة ازمة بالاعلام وبالضغط الشعبي، ع امل انه تركيا تحقق هدف مهم من اول يناير 2017 بيحاولوا فيه بلا جدوي .. انه مصر تقبل الذهاب لمائدة تفاوض مع تركيا حول غاز المتوسط وملفات سوريا وليبيا وغيرها بدون شروط او بقبول ورقة تركية مبدئية
هتلاحظ كل ما الاتراك يتزنقوا يقولوا كلام بالمعني دا، التعاون افضل للكل، نقعد ونتكلم، مصر كبيرة وهتستفيد اكتر لو اتعاونت معانا
تركيا قعدت مع ايران ومع روسيا ومع الاسد بعد سنوات من التطاول الساذج فى ملف سوريا وامنية حياة اردوجان جلسة مماثلة مع المصريين
اسلوب الضغط بالاعلام لخلق رأى عام شعبي يضغط ع الدولة مش جديد، فى مايو 1967 ادعي النظام البعثى السوري انه الحشود الاسرائيلية ع الحدود وبقا اعلام دمشق كله نغمة واحدة، فين جيش مصر فين بطل العروبة فين جمال.. الزبون سخن وكان ما كان
بعد ما الحرب انتهت حصل تحقيق مصري وطلع لا كان فيه حشود اسرائيلية ع الحدود ولا نيلة، والتواطؤ السوري البعثي العلوي فى يونيو 1967 واكتوبر 1973 مفهوم ومعروف واتكلمنا عنه فى مقالات سابقة
عقب ثورة 30 يونيو 2013، كان هنالك اتفاق مبدئي بين قوي دولية وإقليمية، والإقليمية هنا على رأسها تركيا وايران، انه مصر ذاهبة للفوضى السورية والاقتتال الداخلي، وانه مصر عن قريب سوف تتحول الى ملعب إقليمي كما الحال مع سوريا والعراق وليبيا واليمن والصومال وأفغانستان وأوكرانيا، وان الموضوع مش محتاج غير شوية تسخين وشوية دم ونبدأ لعبة تقاسم النفوذ داخل مصر.
اللى عرقل خطة تحويل مصر من لاعب إقليمي الى ملعب إقليمي ودولي الى جانب عوامل كتيرة منها الشعب واصطفافه مع الجيش والدولة والرئيس، كان هذا التسليح المكثف، العائق الأول انه البحرية التركية كانت تعمل فيك النهاردة زي ما بتعمل دلوقتي مع طرابلس
عقب 30 يونيو 2013 قلت لولا هذا السلاح لكانت تركيا تدخلت عسكريا في مصر بدعوى انه تركيا حريصة على عودة نظام شرعي للحكم في مصر، البعض استهان بكلامي بس دي حقيقة، ولولا انك قوي وعفي بسلاحك وشعبك كان دا حصل
وعقب 30 يونيو 2013 برضو كتبت وقلت في حلقة خاصة عن سيناء انه لولا التسليح القوي اللى حصر الإرهاب في سيناء لنطاق ضيق شمال شرق سيناء، كانت إسرائيل اللى طيرانها ضرب سوريا والعراق والسودان وليبيا في سنوات الربيع العربي كان اتدخل في سيناء بدعوي حماية امن إسرائيل من دواعش سيناء.
بس مع سيناء الموضوع كان هيبقا اكبر، وكلنا عارفين خطة قطع جزء من سيناء عبر احتلال إسرائيلي بدعوى حماية امن إسرائيل
ولولا قوة تسليحك كانت القوى الإقليمية التي تسيطر على بنغازي – قبل تطهيرها بمساعدة الطيران المصري في عملية علنية سنة 2017 – وغزة وعلى راسها ايران قد اجتاحت حدودك بتنظيمات إسلامية
وبالتالي فأن التسليح القوي الرهيب اللى حصل، وفكرة انك معاك غواصات وفرقاطة وحاملة طائرات في مناطق حقول الغاز في شرق المتوسط وقريبا في البحر الأحمر، دا منع انك تتسرق
ومنع انه تركيا بقوة السلاح تحط ايدها ع غاز المتوسط اللى عندك
ومنع تركيا انها تكرر في مصر سيناريو التدخل التركي في سوريا وليبيا والعراق
ومنع انه مصر تتحول الى سوريا الثانية
ومنع انه مصر تتحول الى ملعب إقليمي
و تركيا متقدرش تعدى من فوق اليونان او قبرص الوقتى خصوصا فى مناورة .. ف دة الطريق فوق المياة الدولية ..
