هوا يراهن علي عامل الوقت
يعني هوا في كلامه سابها عايمه يعني بيقول المشاكل حتبتدي تظهر من النصف الثاني في ابريل والانهيار في مايو
علي ما اظن هوا يتكلم من واقع بعض التوقعات والدراسات اللي بتتوقع وصول مصر للذروة في الوقت ده يعني مش بيضيف حاجه من عنده عشان هوا عامل فيها روبرت كوخ
رغم ثبات عدم صحة بعض من تلك الدراسات والتوقعات زي الاخ الكندي اللي كان بيتوقع ان مصر فيها 19 الف حاله من فتره
عامة ما اظنه وربما اكون مخطئ اننا سنصل لتلك الذروة ان عاجلا ام اجلا وكل دول المنطقة والعالم عشان محدش يعيش الدور علينا
لان السبيل الوحيد لتفادي الارتفاع في الاصابات هوا باستمرار غلق الحدود والحظر لفتره طويلة قد تمتد لشهور وهوا مالن تتحمله اي دولة
طبعا كلامه المبني علي تلك الدراسات والتوقعات وبعضها سودواي مبني للاسف علي بعض السلبيات في القطاع الصحي المصري وبطء وبيروقراطية رد الفعل الحكومي والكثافة السكانية العالية مع انخفاض الوعي الصحي لدي شريحة كبيره من السكان وهيا للاسف سلبيات موجودة فعلا
وبناء عليه هوا يرشحنا للوصول للنموذج الايراني او الايطالي مع تمني شخصي منه لمجرد انه يقول انا قولتلكم وباذن الله ربنا يخيب ظنه
وهكذا سيناريو بصراحة انا مرعوب منه ولكن املي في ربنا كبير اننا مش حنوصل لمرحلة الانهيار اللي شوفناها في دول تانية زي ايران وايطاليا واميركا حاليا لاسباب منها عامل الوقت
يعني مثلا ايران وايطاليا زي ما بنقول بالعامية خدوا وش القفص بعد الصين علطول والعالم في حاله غرور وواثق في قدراته الصحية وبخاصة في اوروبا واميركا محدش كان يتصور ان يتكرر سيناريو الصين وايران هناك
بالتاكيد هناك فرق بين تحذيرات المختصين وبين رؤية ذلك علي الطبيعة وهناك فرق بين العمل تحت النار والعمل بنفس هادئ ولست تحت ضغط الاف الاصابات ومئات الوفيات يوميا
بينما نحن لدينا افضلية الوقت والتعلم من تجارب تلك الدول وتفادي سلبياتهم والاستفادة من الايجابيات والاستعداد والتجهز لتلك الذروة بتجهيز المزيد من المستشفيات والاطقم الطبية وتوفير اجهزة التنفس والمستلزمات الطبية من بدل واقية وكمامات وتجربة بروتوكولات عدة لعلاج المرضي كل ذلك مع كفاءة الكادر الطبي المصري رغم (بعض سلبيات قطاع التمريض) مع القدرات الكبيرة للمؤسسات زي الجيش تدخلها اكيد حيساعد وهو ما حدث ويحدث
كل ما سبق ازعم انه سيعطينا فرصة في مواجهة ماهوا قادم
وطبعا الاهم من كل ماسبق توفيق ربنا ورحمته بينا
وباذن الله ربنا يعدينا من الامتحان ده علي خير وباقل الخسائر
ويخيب ظن وامال كل من يتمني سوء لملايين الناس
وعذرا علي الاطالة
