ياجماعة مااكذب عليكم لو قلت لكم ان الشيبان اهبل من الشباب المراهقين.
انا الوالد امس يوم سمع عن الحظر الكامل انجن وخرج من البيت لان عنده بيت ثاني فيه اخواني واغلبهم صغار. من لطف الله ان بيت الوالد الثاني في الحارة اللي جنبنا والا لو شافته الدوريات ان يلزخوه بغرامة.
اثنين من شيباننا واحد منهم في بداية الحجر المنزلي من اللعانة مسوي عرس بنته في بيته! عياله قالوا له وشوله ومعنطز هالشايب الا ابي يحضرون الجماعة الله يلعنك انت وجماعتك.
الشايب الثاني عاد ذا لو توريه النار وتقول له ترى ذي نار ماصدقك .. مواظب على المشي عشان عنده سكر ومسكوه الشرطة بالحارة ورحموه يحسبونه مايدري وقالوا له مارس المشي اول الصبح احسن لك ويعاند يطلع يتمشى برجوله.. لين زقت مع العسكري ويلزخه بعشرة الالف وقال له من اليوم ابفرش فرشة قدام بيتكم لو اشوفك واقف عند الباب بلزخك بـ ٢٠ الف.
