علشان مفيش اي خروف يضحك عليكم
تركيا ليها مساحات شاطئيه واسعه عليه بس اليونان وبناء على اتفاقيه لوزان اللي اتوقع سنه ١٩٢٣ بعد الحرب العالميه الأولى اللي انهزمت فيها الإمبراطورية العثمانيه كان من نصيبها تقريبا ٦٠٠٠ آلاف جزيره بتحيط بتركيا الجديده وحدودها اللي وقعت بناء على اتفاقيه لوزان
القانون الدولي لترسيم الحدود المائيه بين الدول بيقول ان المسافه المائيه بتقتسم بالنصف بين الدولتين المطلتين على نفس المساحه المائيه
بس في نفس القانون بيقول ولو وجد جزر تابعه لاحد الدول يتم التقسيم عند آخر جزيره
فلو حضرتك تعبت وفتحت الخريطه هتلاقي كل مساحه شواطي تركيا على بحر أيجه اللي هو امتداد للبحر المتوسط متحواطه بجزر يونانيه اشبه بالحصار وكده تركيا مالهاش اي مخرج بناء على اتفاقيات ترسيم الحدود المائيه الدوليه (كروكي رقم ١)
.......
تركيا طبعا شايفه قبرص واليونان ومصر وإسرائيل عمالين ينقبوا ويطلعوا غاز وهي قاعده زي اللي كبت طبيخها في السوق
قالت لا ياجدعان القانون ده مايلزمنيش انا هعمل قانون لوحدي واقول ان الجزر اصلا هي اقتطاع من اليابسه يبقى احنا نقتسم المياه وخليكم السياده على الجزر(كروكي رقم ٢ قانون ام ترتر)
فطبعا اليونان وقبرص قلتلهم ده عند ام ترتر
تركيا ايام مبارك عرضت عليه بشكل مباشر وقلتله بص يامعلم تعالي احنا نقسم مع بعض وكأن قبرص دي مش موجوده وجزيره كريت اليونانيه مش موجوده ونقسم النحتايه دي مع بعض
مصر وقتها كانت كده كده مستفاد من الاتفاقيه مع اليونان وقبرص اللي هي بشكل قانوني ايه اللي يخليها تاخد حقها بالبلطجه وتخالف القانون الدولي طالما كده كده مستفيده بردو مبارك حلق لاردوغان وقاله شوفلك كلبه
وطبعا ايام المجلس العسكري اترفضت وأيام خيال المآته مرسي الجيش قاله لو فكرت تعملها هنركبك حمار بالمقلوب
وجه مولانا الامام المتغلب مش بس قاله شوفلك كلبه زي مبارك لا راح قاله انا منوفي ياجدع لازم أقلبك في مصلحه كمان انت كنت عشمان تبقى انت المركز الإقليمي للغاز في المتوسط
طيب بقي ماعطلكش راح عامل اتفاقيه اساله الغاز الاسرائيلي عندنا وعمل اتفاقيه مع قبرص على اساله الغاز بتاعهم وبيعمل اتفاقيه مع اليونان وخد منه الدور اللي كان طمعان يعمله في المتوسط لان احنا في الأساس عندنا البنيه التحتيه بتاعت محطات الغاز
فاردوغان لقى ان اليونان وقبرص بحوار الجزر قلعوه ملط والسيسي بحوار المركز الإقليمي لغاز المتوسط قعده على خازوق
فقال مابدهاش بقى انا هنفذ سياسه الأمر الواقع َوهرسم حدود بيني وبين ليبيا اللي اصلا مفيش حدود بيني وبينها لا انا هعتبر ان جزيره كريت دي مش موجوده واللي كنت عايز اعمله مع مبارك ورفضه اعمله مع السراج بتاعي في ليبيا (كروكي رقم ٣)
طبعا أردوغان كده بيعمل حاجه مخالفه للقانون الدولي وبيحك بشكل مباشر في حقوق اليونان اللي اساسا هي دوله عدوه من قديم الأزل لتركيا واللي هي عضو في حلف النيتو والاتحاد الأوروبي وبيحك معانا في حوار الغاز وبيقول فيها يا اخفيها من الاخر كده انا هخليلكم المنطقه منطقه نزاع ووروني هتقنعوا ازاي الشركات تيجي تنقب في منطقه نزاع
ادي القصه بايجار من طقطق لسلام عليكم
منقول
مشاهدة المرفق 221027مشاهدة المرفق 221028مشاهدة المرفق 221029
