للاسف لا يزال البعض يقع فى فخاخ المراهقة السياسية، على غرار هو مصر ساكتة ليه ع اللى بيحصل فى سوريا ، ولا مفيش تصريح ، و لا هانسيبهم يحاربوا لوحدهم ، واذا سقطت سوريا سقطت مصر
طيب سوريا ساقطة من 1979 لم حافظ سلمها ولاية فارسية ع المفتاح للفرس .. وسقطت فعليا منذ مارس 2011 .. لا مصر وقعت و لا هتقع.. يا ريت هستيريا وضع مصر فى جملة مفيدة مع الازمة السورية تنتهي لانه فى لحظة معينة كل الصفحات اللى بتحقن فى الاتجاه دا هتشتغل ع مصر اللى ساكتة ع ضرب سوريا ومصر اللى متواطئة ع ضرب سوريا ، ومصر اللى مش عارفة تحافظ ع الامن القومي العربي فى سوريا
وانت تكتب ديباجات اسباب التآمر على سوريا لازم تقول وتفتكر انه فصل حافظ وبشار لسوريا من محيطها العربي والتوجه الى الفرس كان اهم واخطر بكتير من المؤامرة على سوريا، وانه بعد ما كانت سوريا على مدار التاريخ ملعب او فناء لامن المشرق فى امتداده بالعراق ومصر والحجاز ( نعم سوريا عبر تاريخها لم تكن لاعبا بل ملعبا).. فأن اصحاب الملعب قرروا تسليمه للفرس .. وبقا المطلوب اننا باسم القومية العربية والبعث الاشتراكي العربي نحترم سوريا الفارسية وهى تتحول الى بوابة لمؤامرات الفرس ضد مصر قبل الخليج وضد العراق قبل لبنان
ووقت ما يقعوا فى شر اعمالهم يدوروا غلمانهم وطابورهم الخامس اين انت يا مصر واين انت يا جيش مصر .. جيش مصر اللى تآمروا عليه بخلية حزب الله ضد مصر سنة 2008 .. اللى تآمروا عليه بدعم لوجستي لعمليات حماس وحزب الله داخل الاراضى المصرية فى يناير وفبراير 2011 ولحد دلوقتي حماس تدار من طهران ودمشق
حكم نكسة يونيو 1967 كانت كدا برضو .. البعث السوري صرخ فى الاذاعات الحشود الاسرائيلية على الحدود اين انت يا عبد الناصر.. واخينا اتدلق دلقة القرن وبعد ما العلقة خلصت حصل تحقيق عسكري مصري واتضح انه لا كان فيه حشود اسرائيلية ولا حتى فرقة اشباح صهيونية .. طووول عمر البعث السوري دى لعبته معانا ..
خدوا بالكم بس وانتم بتتعاطفوا وتتباكوا عشان دى الخطوة الاولي للعبة سئمت التحذير منها منذ بدء ازمات بشار فى لبنان عام 2003 لليوم
محدش قالكم ترتموا فى احضان الفرس وتشكلوا اكبر شوكة فى خاصرة الخليج العربي ومصر والعراق ولبنان، مصر نجت من ويلات الربيع العربي اولا لاسباب داخلية يطول شرحها وثانيا عشان نفس خطة اكتوبر 1973.. تفعيل الدائرة العربية والتعاون المصري العربي انما اخوانا فى دمشق سلموها خلاص لايران
البعض بسذاجة مفرطة بيقول لك صراع روسي امريكي فى سوريا .. لا هو صراع ايراني امريكي فى سوريا وكل الويلات دي فوق دماغ سوريا وان كانت بسبب مؤامرة غربية طويلة الامد فلازم وانت بتكتب اسبابها تقول انه تسليم حافظ وبشار سوريا ولاية فارسية لملالى طهران هو اللى عقد الكتير والكتير وخلق حالة دعم عربية رسمية (بعض الاطراف وليس كل الدول بالطبع) وغير رسمية للمؤامرة على سوريا
ما انتا متجبش الحرس الثوري فى قلب الشام وتقولى الخليج وبعض الاطراف فى العراق ولبنان زعلان مني ليه !
طبعا الكلام غير العاطفى دا اللى مش ماشى مع كرنفاليات القومية العربية - اللى هى المرادف العلماني للاسلام السياسي وكلاهما يحمل معني واحد ووجهان لعملة واحدة بل وبعض رجالات هذا هم رجالات ذاك - بس انا بقولك ع جزء رئيسي من المشهد بيتم تغييبه عمداً عشان تبان ايران صديق عزيز وجاء لنجدة سوريا .. ايران هى المشكلة وليست العلاج
وسوريا والشعب السوري بل وشعوب المنطقة التى ضربها الارهاب الايراني انطلاقا من سوريا هى التى تدفع الثمن
طيب سوريا ساقطة من 1979 لم حافظ سلمها ولاية فارسية ع المفتاح للفرس .. وسقطت فعليا منذ مارس 2011 .. لا مصر وقعت و لا هتقع.. يا ريت هستيريا وضع مصر فى جملة مفيدة مع الازمة السورية تنتهي لانه فى لحظة معينة كل الصفحات اللى بتحقن فى الاتجاه دا هتشتغل ع مصر اللى ساكتة ع ضرب سوريا ومصر اللى متواطئة ع ضرب سوريا ، ومصر اللى مش عارفة تحافظ ع الامن القومي العربي فى سوريا
وانت تكتب ديباجات اسباب التآمر على سوريا لازم تقول وتفتكر انه فصل حافظ وبشار لسوريا من محيطها العربي والتوجه الى الفرس كان اهم واخطر بكتير من المؤامرة على سوريا، وانه بعد ما كانت سوريا على مدار التاريخ ملعب او فناء لامن المشرق فى امتداده بالعراق ومصر والحجاز ( نعم سوريا عبر تاريخها لم تكن لاعبا بل ملعبا).. فأن اصحاب الملعب قرروا تسليمه للفرس .. وبقا المطلوب اننا باسم القومية العربية والبعث الاشتراكي العربي نحترم سوريا الفارسية وهى تتحول الى بوابة لمؤامرات الفرس ضد مصر قبل الخليج وضد العراق قبل لبنان
ووقت ما يقعوا فى شر اعمالهم يدوروا غلمانهم وطابورهم الخامس اين انت يا مصر واين انت يا جيش مصر .. جيش مصر اللى تآمروا عليه بخلية حزب الله ضد مصر سنة 2008 .. اللى تآمروا عليه بدعم لوجستي لعمليات حماس وحزب الله داخل الاراضى المصرية فى يناير وفبراير 2011 ولحد دلوقتي حماس تدار من طهران ودمشق
حكم نكسة يونيو 1967 كانت كدا برضو .. البعث السوري صرخ فى الاذاعات الحشود الاسرائيلية على الحدود اين انت يا عبد الناصر.. واخينا اتدلق دلقة القرن وبعد ما العلقة خلصت حصل تحقيق عسكري مصري واتضح انه لا كان فيه حشود اسرائيلية ولا حتى فرقة اشباح صهيونية .. طووول عمر البعث السوري دى لعبته معانا ..
خدوا بالكم بس وانتم بتتعاطفوا وتتباكوا عشان دى الخطوة الاولي للعبة سئمت التحذير منها منذ بدء ازمات بشار فى لبنان عام 2003 لليوم
محدش قالكم ترتموا فى احضان الفرس وتشكلوا اكبر شوكة فى خاصرة الخليج العربي ومصر والعراق ولبنان، مصر نجت من ويلات الربيع العربي اولا لاسباب داخلية يطول شرحها وثانيا عشان نفس خطة اكتوبر 1973.. تفعيل الدائرة العربية والتعاون المصري العربي انما اخوانا فى دمشق سلموها خلاص لايران
البعض بسذاجة مفرطة بيقول لك صراع روسي امريكي فى سوريا .. لا هو صراع ايراني امريكي فى سوريا وكل الويلات دي فوق دماغ سوريا وان كانت بسبب مؤامرة غربية طويلة الامد فلازم وانت بتكتب اسبابها تقول انه تسليم حافظ وبشار سوريا ولاية فارسية لملالى طهران هو اللى عقد الكتير والكتير وخلق حالة دعم عربية رسمية (بعض الاطراف وليس كل الدول بالطبع) وغير رسمية للمؤامرة على سوريا
ما انتا متجبش الحرس الثوري فى قلب الشام وتقولى الخليج وبعض الاطراف فى العراق ولبنان زعلان مني ليه !
طبعا الكلام غير العاطفى دا اللى مش ماشى مع كرنفاليات القومية العربية - اللى هى المرادف العلماني للاسلام السياسي وكلاهما يحمل معني واحد ووجهان لعملة واحدة بل وبعض رجالات هذا هم رجالات ذاك - بس انا بقولك ع جزء رئيسي من المشهد بيتم تغييبه عمداً عشان تبان ايران صديق عزيز وجاء لنجدة سوريا .. ايران هى المشكلة وليست العلاج
وسوريا والشعب السوري بل وشعوب المنطقة التى ضربها الارهاب الايراني انطلاقا من سوريا هى التى تدفع الثمن