الناس الى بتتكلم على ارهاب الدوله
فى على فكره ارهاب مواطنين اوسخ من ارهاب الدوله
ترسخ فى عقول كثير من الناس ان كل ملتحى هو ارهابى
وكل منتقبه هى ارهابيه
هل تعلم ما يعانيه الملتحين والمنتقبات فى مصر
مش بتكلم عن الدوله على فكره بتكلم عن المواطنين العادين
انا ملتحى قاربت على 13 سنه والحمد لله لا ليا فى اخوان ولا حزبيين
ومع الدوله قلبا وقالبا جيش وشرطه وقضاء
كل مواقفى الزفت كانت مع ناس عاديه
اترفضت فى اكتر من 400 شركه عشان ملحتى ( والله الرقم صحيح ويمكن يكون اكبر من كده )
عشان عندنا فى مصر عقول مريضه
مش بنشغل حد ملتحى ولا واحده منتقبه
ليه بعض مثلا
مصاص دماء انا لا فيه عليا ملاحظات امنيه ولا ليا سوابق
ليه ترفض تشغلنى وليه دايما شايفنى انى ارهابى
انت كده بتخلينى فعلا اكون ارهابى
من ضمن الشركات الى قدمت فيها ومعظم الى شغالين فيها خوان على فكره ومحدش فيهم ملتحى
السكرتيره دخلت قالت لهم بالنص فى ارهابى جاى يقدم على وظيفه عندنا والله بالنص
يا ريت الناس تفوق وتبطل تقول الدوله بتصنع ارهاب
لان المواطنين برده بيصنعوا ارهاب اوسخ منه
مش هتعرف مثلا انى فضلت ادور على شغل 5 سنين لدرجه انى قدمت على اوفيس بوى واترفضت لانى ملتحى
ولحد يومنا هذا بترفض بمجرد النظر
وصلت لــ 30 سنه ومن يوم ام اتخرجت لحد يومنا هذا 10 سنين اهو الفتره الى اشتغلتها كانت 3 سنين ونص بعد معاناه ولف على شركات بعدد شعر راسى
الناس العاديه بترفضنا والاخوان الى بنقول عيهم اهل بدع بتحاربنا وتشوه صورتنا
والدوله مش بتشغلنا
منتظر منى ايه لما تضيق عليا كل الطرق
الضعاف الى فى وضع زى وضعى
لو اتعرض عليه انه يبيع البلد دى هيبعها
ويولع فيها وفى اهلها بجاز كمان هيولع من غير تردد
لكن يا اخى سبحان الله اتعرض عليا انى ابيع البلد دى وبفلوس كويسه ورفضت عشان بلدى وأهلى الى بيعاملونا معالمه اقل من معامله الحيوان
معلش يعنى على الكمتين دول بس عشان نوضح جزء مخفى من الصوره .
فى ارهاب داعشى اخوانجى قذر
وفى ارهاب دوله قذر
وفى ارهاب مواطنين قذر