امبارح حصل اشتباكات عسكريه بين القوات البحريه اليونانيه والتركيه .. وهى واحده من سلسلة مناوشات حصلت قبل كده كلها تتعلق بما لم يذكره القرد صراحتا وهى جزر شرق ايجه .. وهو مرتبط تماما باللى بيحصل فى ليبيا ومؤتمر النهارده
لا يمكن تتكلم على اللى حصل امبارح فى البحر والنهارده وكلمة الرئيس والحل المقترح للقضيه الليبيه دون فهم شىء مهم جدا , وهو ما كتبته وانا باشرح ملف الغاز, لما فصصت لك اطماع القرد حته حته , من ساعة مشروع القرد اللى قدمه لبرلمانه وهو رئيس وزرا اللى سماه " تركيا 2023 " .. وقال انه مشروع حيعمل ” نقلة نوعية ” في تركيا , وحكيت حكاية خريطة الميثاق الملى .. واهمية عام 2023 بالنسبه لتركيا عشان اهمية جزر شرق ايجه اللى حاجبه عنه الوصول الى العمق فى البحر المتوسط تبعا للقانون الدولى , وقلت لك عن الضجه اللى سببتها فى الاعلام القبرصى فى 2012 وعايشته كله بردود افعاله القبرصيه واليونانيه لما اتنشرت فى الجريده الرسميه التركيه , ودى اللى قال عليها ( الحدود القلبيه لتركيا ) , وهى لا قلبيه ولا زفت , هو عاوز يحتل كل الاسماء اللى ذكرتها او تكون تحت نفوذه بما فيهم دلوقتى بالضروره طرابلس واللى سمى ليبيا " ارث اجداده "
ما لم يستطيع القرد ان يذكر اسمه بصراحه فى ( الحدود القلبيه لتركيا ) هو "جزر شرق بحر ايجه" لأنه جبان .. اللى أكدت انها هى الطموح الاهم للقرد بعد انتهاء اتفاقية لوزان فى 2023 وحيكون مر 100 سنه على تاسيس الدوله التركيه , او بمعنى اصح اعادة ترسيم الدوله التركيه تبعا لمعاهدة لوزان عل وعسى انه يعيد تقسيم حدوده البحريه
لو خسر ليبيا يبقى مافيش غاز ....
ليبيا هى طريقه يبلطج بيها على خط ايستميد عشان يبقى الوضع سايل لحد 2023 فيما يتعلق بتصدير الغاز ..
مصر عارفه كويس جدا اللى بيحصل على الارض , بحذافيره , عارفه توازنتها واتفاقاتها وميزان القوى ومصالح الاطراف الدوليه
انت تعمل معروف فى الدوله انك تسيب الملف للناس اللى فاهماه كويس جدا , وهى الدوله .. ما تقعدش انت تطبل او تسود الصوره على طريقة المعددين والمندبه عشان تبان انك مثقف وفهيم وبتجيبها وهى طايره ... لو انت مثقف فعلا يكفيك تعرف الهدف الاستراتيجى للحدوته
كان يوم اسود يوم ما سيبنا حاجه اسمها اخوان تكبر وتربرب عشان تشوف القرف ده كله
www.trtarabi.com
