جميع المعلومات التى ذكرها خطئ بنسبة 100 % و لو كان فعلا رجل بيفهم كان كلف نفسه عناء البحث قليلا
لتوضيح حجم الكذب والرخص والمستوي المتدني الاخلاقي والعلمي اللى فيه
١- الناتج القومي لتركيا المسلمة عام ٢٠١٣ حوالي ترليون ومائة مليار دولار وهو يساوي مجموع الناتج المحلي لأقوى اقتصادات ثلاث دول في الشرق الاوسط؛ إيران والسعودية
كذب , تركيا ناتجها القومي مقارب لناتج السعودية , تركيا فى حدود 700 مليار دولار , السعودية ناتجها فى حدود ال 650 مليار
الاثبات :
…
…
٢- أردوغان قفز ببلاده قفزة مذهلة.. من المركز الإقتصادي ١١١ الى ١٦ بمعدل عشر درجات سنويا، مما يعني دخوله إلى نادي مجموعة العشرين الأقوياء الكبار (G-20) في العالم
كذب , تركيا فى 2002 كانت فى المركز ال25 مش ال111 وحاليا ال18
يعني تقدمت 7 مراكز مش 95 مركز زي ما بيقول
وناتجها القومي ارتفع من 300 مليار دولار وقت استلام اردوجان البلد فى 2003 ووصوله النهاردة لحوالي 700 مليار يعني تضاعف مرة وربع تقريبا
فى نفس الفترة مصر تضاعف ناتجها 3 مرات ونص
من 85 مليار دولار ل330 مليار دولار
** اي تحليل مالي محترم مينفعش اصلا تقارن فيه بين تركيا ومصر لاختلاف الظروف تماما بين البلدين خصوصا الاضطرابات الامنية والثورتين وانهيار الامن والسياحة اخر 5 سنين واللى لولاهم لاختلفت الامور تماما
مصر فى المركز 23 عالميا من حيث الناتج القومي الاجمالي مقوما بالقدرة الشرائية للجنيه المصري وتركيا فى المركز ال17
…/ranking-of-the-worlds-richest-coun…
…
…/world-gdp-ranking-2015-data-and-charts
٣- العام ٢٠٢٣ يوافق إنشاء الدولة التركية الحديثة وهو التاريخ الذي حدده أردوغان لتصبح تركيا القوة الاقتصادية والسياسية الأولى في العالم.. وسينجح والأيام بيننا..
لا دى مش معلومة اصلا عشان اكذبها او اصدقها , دة هبل وتخاريف ملناش دعوة بيها
٤- مطار اسطنبول الدولي أكبر مطار في أوروبا ويستقبل في اليوم الواحد ١٢٦٠ طائرة، فضلا عن مطار صبيحة الذي يستقبل نصف هذا العدد..
كذب , مطار إسطنبول ثامن اكبر مطار بيستقبل طائرات فى قائمة مطارات جنوب اوروبا , اما بالنسبة لكل اوروبا فهو غير مصنف اصلا
الاثبات :
…/best_airports_by_world_…
٥- الخطوط الجوية التركية تفوز كأفضل ناقل جوي في العالم لثلاث سنوات على التوالي.
دة حقيقي ولخمس سنوات كمان مش 3 فقط
٦- في عشر سنوات زرعت تركيا مليارين و٧٧٠ مليون شجرة حرجية ومثمرة!!
دة مش انجاز دة بردو هبل ملناش دعوة بيه
٧- تركيا صنعت للمرة الأولى في عهد حكومة مدنية أول دبابة مصفحة وأول ناقلة جوية وأول طائرة بدون طيار وأول قمر صناعي عسكري حديث متعدد المهام .
كل دي مبالغات , فيه تعاون تركي إسرائيلي صيني امريكي فى المجالات دى لكن مفيش حاجة نهائيا صناعة تركية 100% ومفيش حاجة تم إدخالها الخدمة رسميا فى الجيش التركي وكلها مجرد بروتوتايب ونماذج وتجارب لحد النهاردة
8 - أردوغان في عشر سنوات بنى:
١٢٥ جامعه جديدة،
و١٨٩ مدرسة،
و٥١٠ مستشفيات،
و١٦٩ ألف غرفة صفية حديثة ليكون عدد الطلاب فيها لا يتجاوز ٢١ طالبا أو طالبة.
من حيث عدد الأبنية والمنشاَت فهو غير مؤكد لكن من حيث ترتيب تركيا عالميا فى التعليم كواحد من مكونات مؤشر التنمية البشرية HDR التابع للامم المتحدة واللى استنده له لمعايرة مصر وفضحها , تركيا فى المركز ال93 ومصر ال117 وفى قائمة أسوأ 10 دول أوروبياً
بغض النظر عن اكذوبة التعليم التركي وفقا للمؤشرات العالمية اللى محدش يقدر ينكرها لكنه ترتيب مخجل جدا لمصر
الاثبات :
…/20-best-education-systems-world
…/List_of_countries_by_Human_Devel…
١٠- في عشر سنوات كان دخل الفرد في تركيا ٣٥٠٠ دولار سنويا، ارتفع عام ٢٠١٣ إلى ١١ الف دولار وهو أعلى من نسبة دخل المواطن الفرنسي في بلده. ورفع فيمة العملة التركية الى ٣٠ ضعفا..
دة هبل بس مينفعش نسيبه لكمية السخافة والكذب اللى فيه
دخل المواطن التركي كان 3500 وبقة 11 الف دى حقيقية لكن حكاية انه اعلي من نسبة دخل المواطن الفرنسي دي مينفعكش يتسكت عليها
دخل المواطن الفرنسي 4 اضعاف التركي , ويقدر ب38 الف دولار
رفع قيمة العملة دى بردو كوميدية , لان أولا تم تغيير العملة التركية وحذف منها 6 اصفار سنة 2005 من حكومة اردوجان وبالتالي لما تيجي تقارن العملة النهاردة بقيمتها ب2003 يبقة انت بتقوم بخداع واضح
كمان وضع الليرة كان جيد من5 سنين , لكن من ساعتها الليرة التركية خسرة اكتر من 80% من قيمتها امام الدولار
الدولار من 5 سنين كان ب1.8 ليرة , النهاردة ب3
وبعد محاولة الانقلاب الفاشلة حصلها انخفاض هو الاكبر من 8 سنين
وكل المحللين بيتوقعو مزيد من الهبوط
فى نفس الفترة الجنيه فقد 56% من قيمته امام الدولار
الاثبات :
تقرير الجزيرة عن حذف 6 اصفار من الليرة التركية :
هبوط الليرة لادني مستوي فى 8 سنوات :
١١- في تركيا تعمل الدولة جاهده لتفريغ ٣٠٠ ألف عالم للبحث العلمي للوصول الى عام ٢٠٢٣!
دة كلام انشا وهبل بردو ملناش دعوة بيه
١٢- في أكبر إنجاز سياسي لتركيا.. أردوغان عمل على إحلال السلام بين شطري قبرص
ومحادثات تسوية مع حزب العمال الكردستاني لوقف نزيف الدم واعتذر للأرمن وهي ملفات عالقه منذ تسعة عقود!
لا بجد كدة كتير حجم الجهل وتزييف الوعي دة !!!
تسوية ايه اللى مع حزب العمال ؟؟؟ الكلام دة حقيقي لحد كام شهر فاتو , حاليا فيه حرب طاحنة حولت الجنوب التركي لساحة حرب أهلية وبقة اشبه بحلب والرقة والموصل
قال وقف نزيف الدم قال
الاثبات !! اثبات ايه هي الحرب محتاجة اثبات ! دة معتوه عقليا اللى يكون فاكر ان فيه سلام ومصالحة بين الاكراد واردجان
١٣- في تركيا المسلمة ارتفعت الرواتب والأجور بنسبة ٣٠٠% وارتفعت أجرة الموظف المبتدئ من ٣٤٠ ليرة الى ٩٥٧ ليرة تركية وانخفضت نسبة البطالة من ٣٨% إلى ٢%..
2% ! واضح ان هيجيلي جلطة النهاردة بسببهم , تركيا البطالة فيها 10% ووصلت اعلي مستوياتها فى تاريخ تركيا فى عهد اردوجان فبراير 2009 ووصلت ل14.8%
الاثبات :
١٤- في تركيا المسلمة ميزانية التعليم والصحة فاقت ميزانية الدفاع وأعطي المعلم راتب يوازي الطبيب!
تأمّلوا أولوليات أردوغان !!!
مقدرتش أوصل لبيانات تأكد او تنفي صحة الكلام دة بخصوص الموازنة التركية , بس اللى متأكد منه ان اللى مصر بتصرفه علي التعليم (12% من الموازنة) ضعف من اللى بتصرفه علي الجيش (6% من الموازنة) , او بمعني اصح ميزانية الصحة والتعليم مجتمعتين بيمثلو 18% يعني 1/3 اللى بيتصرف علي الجيش (6%)
احنا كدة حلوين مثلا ودولة جميلة ورائعة ؟!! دى طريقة ساذجة فى الحكم علي الامور وتقييمها
الاثبات :
١٥- في تركيا المسلمة تمّ انشاء ٣٥ ألف قاعة مختبرات لتكنولوجيا المعلومات وقواعد بيانية حديثة ويتدرب الشباب الأتراك في مراكز لا تخضع لمنظمات تجسسية عالمية تشتري ولاء المتدربين من جنود جيوشنا وشبابنا بأول جولة سياحية وعشاء فاخر وكأس نبيذ!
انا مش عارف ايه حكاية تركيا المسلمة دى ولا فاهم نبيذ ايه ! ومفيش أي بيانات تأكد صحة رقم ال35 الف دة لكن العبرة مش بالعدد , فى كل الأحوال , فى مصر ضمن المشروعات القومية اللى بتتبني فى البلد مشروع وادي التكنولوجيا فى المنطقة الاقتصادية لقناة السويس ضمن المشروع القومي لمحور قناة السويس
وان التطوير والتنمية دى عشان تتم محتاجة وقت وجهد وصبر زي بالظبط الوقت والاستقرار والهدوء اللى اشتغل فيهم اردوجان فى ننفس الوقت اللى مصر كانت مشغولة بتدمير نفسها اخر خمس سنين
١٦- أردوغان سدّد عجز الميزانية البالغ ٤٧ مليار وكانت آخر دفعة للديون التركية ٣٠٠ مليون دولار تم تسديدها في يونيو الماضي للبنك الدولي السيء السمعة.
وقد أقرضته تركيا ٥ مليار بالمناسبة اقصد البنك الدولي، بل ووضع اردوغان ١٠٠ مليار في الخزينة العامة في حين كانت دول عريقة في أوروبا وأمريكا تتخبط تحت وطأة الديون والربا والإفلاس!!
دة تهريج وكذب يصل لحد السفالة فى تضليل الناس , تركيا مديونة دين محلي 250 مليار دولار مقوم بالليرة التركية ومديونة للخارج ب440 مليار دولار مقومة بالدولار واليورو ,
ونسبة الدين المحلي 60% ونسبة الدين الخارجي 55% للناتج القومي ودي نسبة خطيرة جدا , وفى عهد اردوجان تضاعفت الديون الخارجية 3 مرات من 100 مليار فى 2003 ل440 مليار دولار فى 2015
وتم التوصية من مؤسسات كبيرة بتوخي الحذر فى الدخول للسوق التركي والاستثمار فيه وكذلك اصدار اكثر من تحذير لمؤسسات التمويل الدولية بالحرص الشديد عند اقراض القطاع العام او الخاص التركي بسبب الشكوك الكبيرة ليدهم حول قدرته علي السداد من عدمه
وانها ديون تضع القطاع الخاص التركي فى المركز التاني عالميا ك ثاني اكبر اقتصاد بيقترض فى العالم بنسبة نمو فى الاقتراض 23% سنويا دون وجود اصول او غطاء كافي لضمان السداد حسب تقرير الIMF
فى نفس الوقت اللى ديوننا الخارجية نسبتها 16.5% ومصر فى قائمة افضل 30 دولة حول العالم من حيث مدي امان نسبة الديون الخارجية للناتج المحلي الإجمالي
وبردو عجز الموازنة متسددش بالكامل , عجز الموازنة التركية حوالي 2% ودة يقدر ب7.5 مليار دولار حسب اخر موازنة 2015/16
الاثبات :
تحليل اعمق للديون التركية فى النقطة رقم 6 فى البوست هنا :
١٧- تركيا كانت صادراتها قبل عشر سنوات ٢٣ مليار اصبحت ١٥٣ مليار تصل إلى ١٩٠ دولة في العالم وتحتل السيارات المركز الاول تليها الالكترونيات حيث أن كل ثلاثة أجهزة إلكترونية تباع في أوروبا هناك جهاز صناعة تركية..
دي حقيقة , موضوع الالكترونيات فيه مبالغة لان كله تجميع مش تصنيع او ابتكار تركي كامل
وموصلوش للرقم دة من الصادرات فى يومين , احتاجوا 13 سنة
١٨- حكومة أردوغان تبنّت عملية تدوير القمامة لاستخراج الطاقة وتوليد الكهرباء ليستفيد منها ثلث سكان تركيا وقد وصلت الكهرباء إلى ٩٨%من منازل الأتراك في المدن والأرياف!!
هو دة حاجة عادية بتقوم بيها اي حكومة فى ادغال افريقيا بس ماشي برافو عليكم شاطرين
١٩- أردوغان الدكتاتوري جلس مع طفلة لا تتعدى ال ١٢ من عمرها في مناظرة تلفزيونية نقلتها وسائل الاعلام على الهواء وتحدثا عن مستقبل تركيا بنديّة واحترم ذكاءها واندفاعها فأعطى الأطفال الأتراك المثل والقدوة في مناقشة ومناظرة من يحكمهم في قراءة المستقبل!
ياراجل ! هي هكذا تُقاس الديمقراطية !!! طب ما تيجي اوريك صورة لاجتماع السيسي مع شباب البرنامج الرئاسي لاعداد القادة واجيبلك فيديو لشاب عنده عشرين سنة قاعد بيهزر مع الريس وفى نفس الوقت بيتناقشو فى قضايا خطيرة وجوهرية والرئيس بيمسعلو , كدة احنا بقينا فى نظركم دولة جميلة وديمقراطية !!!
٢٠- أردوغان صديق إسرائيل حسب زعم العلمانيين العرب وجه صفعة قوية لإسرائيل وجعلها تعتذر عن ضربها لسفينة مرمرة التي كانت متوجهة إلى غزة واشترط في قبول الاعتذار أن ترفع الحصار عن غزة!
حصار ايه اللى اترفع يا فندم !!!
قال مسؤول إسرائيلي، الأحد، إن تل أبيب وأنقرة توصلتا لاتفاق في روما من أجل إعادة تطبيع العلاقات، دون رفع الحصار عن غزة.
ونقلت رويترز عن المسؤول الذي لم تذكر اسمه إن "إسرائيل لم توافق على مطلب تركيا برفع الحصار عن غزة ووافقت فقط على إدخال تركيا مساعدات إنسانية لسكان القطاع".
نتنياهو: حصار غزة لن يتغير بعد التطبيع مع تركيا
أكد رئيس الوزراء الإسرائيلي بنيامين
الاثنين أن
على قطاع
سيبقى على حاله بعد التوصل إلى اتفاق مع تركيا
.
وقال نتنياهو في روما بعيد الإعلان عن الاتفاق إن "الاتفاقية تسمح باستمرار الحصار البحري على ساحل قطاع غزة".
واعتبر نتنياهو أن استمرار الحصار "مصلحة أمنية عليا بالنسبة لنا ولم أكن مستعدا للمساومة عليها".
الاثبات:
بقية النقاط ساذجة وشديدة التفاهة وعار علي أي ذو عقل انو يبني رأيه بناءا عليها ومفيش حد بيعتمد علي المنهج العلمي المحترم التجريبي فى كتاباته ويجرأ علي كتابة التفاهات دي
كفاية بس انك ترد علي حتة يواجه معارضيه بالمياه ان تركيا ماشاءالله تصدرت قمع الاعلام والصحافة المعارضة وكانت الاولي علي العالم لسنين طويلة فى عهد اردوجان
النقطة رقم 25 بتقول "اوعز" ايه اوعز دى يعني كان بيكلم وزير فى ودنه مثلا والشيخ العريفي كان ماسكلهم المايك ؟ ولا كلام بينهم وبين بعض واتسرب لنا ! اصل مفيش قرار رسمي بكدة أصلا , ايه اللي مكتوب دة بجد !!!
طبعا مش هعلق علي الجمل والعبارات الطائفية اللى فى البوست واعتبارها انجاز يحسب لاردوجان
بيتضح طبعا من التفنيد دة ان 90% من ارقام البوست غلط
وشيره فوق الستين الف بني ادم عنده عقل , محاولش يفكر لمدة دقيقة هل الأرقام دى حقيقية ؟ ولا كله كبر مخه عشان متوافق مع مزاجه وهواه !!! هل الانصاف والتفكير العلمي دلوقتى بقة هو الاستثناء والبدعة ولكن التحيز والهوي والشعارات العنترية هي العادي والطبيعي !!
نيجي للكلام العاقل انا بعتبر اهم إنجازات اردوجان انو قدر يخفض عجز الموازنة من نسبة 9% ل2% وقدر يضاعف الناتج القومي والصادرات , الصراحة هي إنجازات ممكن نقول عليها عادية نظرا للاستقرار اللى تمتعو بيه مقارنة بينا والفوضي اللى كانت عندنا , لكن فى كل الأحوال هي إيجابيات تحسب له لكن عمل دة فى اد ايه ؟ 13 سنة مش فى يومين ولا سنة ولا اتنين
ومجهود كبير عشان يوصل للارقام دى لكن فى نفس الوقت مَول النمو فى ال3 معايير دي بمشاكل فى معايير تانية زي التضخم والبطالة وحجم الاستدانة بدون وجود أصول تغطيه وبالتالي اصدار تحذيرات دولية وانخفاض الاستثمار الأجنبي والسمعة الدولية
(شوف هنا تقرير السمعة الدولية 2016 ووضع مصر وتركيا فيه :
)
مع مشاكل الإرهاب ومشاكله الخارجية تعمقت ازمة الاقتصاد وتدهورت الليرة جدا ومقدرتش تحافظ علي النجاح اللى حققته وخسر معظم المكاسب اللى وصلها وفى طريقه للخسارة اكتر بعد الانقلاب الفاشل
احنا لو عندنا مسئول رسمي عن الدعايا الاقتصادية معندوش ضمير كنت ممكن انصحه انو يعمل زي المسئول التركي عن نفس الملف كدة ,
يعني بكل سهولة اقدر استغل شوية مؤشرات حلوة مصر متفوقة فيها واسلط الضوء عليها واعمل للناس طحينة بالمهلبية زي الشيخ العريفي
وارمي النشرة دى لكل وسائل الاعلام واجيب لجان الكترونية واشتغل يا معلم واقعد اكرر اكرر فى المعلومة المقطوعة من سياقها
واعرضها فى شكل نضيف ومحترف واجيب خبراء وادفعلهم فلوس عشان يقعدو يثنو ويمدحو بشكل اقتصادي علي انجازات الزعيم الملهم الذي لا يأتيه الباطل من بين يديه ,
كل دة لازم يكون متواكب مع شوية اصلاحات حقيقية لمسها الناس وفى الحالة المصرية ممكن استغل التحسن الملموس فى المرافق خاصة الكهربا ومنظومة التموين والعيش والطرق والاستثمارات الاجنبية والتدفقات النقدية من الخارج والمشروعات القومية ومشروع الاسكان الاجتماعي والقضاء علي العشوائيات والمشروع القومي للقضاء علي فيروس سي ... الخ
الوصفة كدة : شوية انجازات حقيقية ملموسة + شوية بروباجندا لمؤشرات تم اقتطاعها من سياقها وتعتبر مؤشرات غير كافية للحكم علي اقتصاد ما + التغاطي وغض الطرف عن مؤشرات سلبية كتير
بس الحقيقة احنا معندناش أصلا مسئولة عن الدعايا الاقتصادية زي تركيا واي دولة بتحاول تكبر
انا فعليا اقدر اكتب بوست اسوقلك فيه مصر واقنعك انها جنة , دى شغلة التسويق بس الحقيقة فى كل المواضيع اللى كتبتها كنت بكلم عن السلبيات والمشاكل بالتوازي مع الإيجابيات والإنجازات ولما اكلمت عن المشاكل اتكلمت عن الحل مش مجرد نقد فارغ
ابسط حاجة هقولك كمبرر اخلاقي للتصرف الغير شريف دة : اشمعنة الصين عملت بروباجندا بسبب تفوقها علي امريكا فى معيار الناتج القومي الاجمالي مقوما بالقدرة الشرائية لعملتها المحلية GDP per PPP لما حصل اول مرة تفوق صيني فى المعيار السنة اللى فاتت ؟؟؟ والفرح والمهرجانات الصينية اللى كانت مصاحبة للخبر
اشمعنة تركيا عملت كل التضليل دة باستخدام نفس الاسلوب !
المعيار بتاع قياس الناتج القومي باستخدام القدرة الشرائية للعملة المحلية ... الاقتصاديين بيسموه انه هو التعبير الحقيقي للناتج القومي
وحجم وترتيب الناتج القومي تم اعتباره اكاديميا وعلميا وعمليا فى الاقتصاد الكلي من عقود طويلة انه افضل مؤشر علي قوة اقتصاد اي دولة
اشمعنة انا مستغلهاش زيهم ... واقولك ان مصر فى المركز ال23 عالميا وسط اكتر من 190 دولة باجمالي ناتج قومي 1.048 تريليون و48 مليار دولار يعني ما يساوي بالعملة المحلية 9.3 تريليون جنيه مصري (مانا هحول للجنيه زي ماهما بيحولو لليرة واليوان عشان اكمل ظيطة وشغل تسويق واعملك ابهار بالارقام)
, وبذلك تعتبر مصر متفوقة علي دول كبيرة كتيرة جدا منها علي سبيل المثال لا الحصر :
هولندا جنوب افريقيا السويد سويسرا النرويج
نيجيريا + كل دول الخليج عدا السعودية (الاغنيا بالنفط)
سنغافورة وهونج كونج وماليزيا (النمور الاسيوية العملاقة)
متفوقين علي :
كل دول اوروبا ال47 عدا 6 دول
كل دول اسيا ال48 عدا 7 دول
كل دول امريكا الجنوبية ال12 عدا البرازيل
كل افريقيا بلا استثناء
كل الشرق الاوسط عدا 3 دول هم السعودية وايران وتركيا
وكل البيانات دى وفقا لصندوق النقد الدولي ومجموعة البنك الدولي يعني محدش هيعرف يطعن فيها لانها مستمدة من بيانات رسمية لوزارة مالية والبنك المركزي لكل دولة علي حدي
هيقولك الناس مش حاسة بالايجابيات دى , يعني هو انت اللى عايش فى تركيا بقالك عشرين سنة وادركت الفرق بين فترة ما قبل اردوجان وما بعدها عشان تتكلم بكل ثقة عن إنجازاته اللى ممكن تبقة بردو عالورق بس ومحدش حاسس بيها زي ماهو بيصدرها لينا ؟؟؟
كلكو بقيتو اتراك وعايشين فى تركيا كمان ومعاكم الجنسية ؟!!
بس لاننا مش عايزين نبني وطن علي اوهام ولا نقتطع الحقيقة ولا نضلل الناس عشان مكسب سياسي وتحقيق شعبية زائفة مبنية علي الكذب والتدليس واستغلال ثقة الناس بغير محلها استغلال غير شريف
ف انا مقدرش انصح حد انه يعمل نفس الاسلوب الرخيص دة , لاني عارف كويس ان البلد مليانة مشاكل وان المعيار دة غير كافي تماما للحكم علي قوة اقتصادنا اللى فعلا قوي وصمد اودام زلازل ومصايب من يناير 2011 لحد النهاردة
لكن يظل بيعاني من عيوب كتيرة لو سكتنا عليها هيتحول لاقتصاد متوسط القوة وهش سهل اسقاطه بشوية معوقات لو تراكمت علينا
اقتصادنا محتاج اصلاحات جذرية وعميقة والاصلاحات دي محتاجة وقت وصبر ودعم شعبي وتحمل مسئولية من الجميع ولو احنا فى المركز ال23 فى المعيار دة ف احنا فى مراكز متأخرة جدا فى معايير اخرياهمها التعليم ومراكز متوسطة فى معايير تانية وفيه تحسن بيحصل فى معايير كتير أهمها الاستثمار والسمعة الاقتصادية والنفوذ السياسي والتاثير حول العالم وتراجع بيحصل فى معايير اقل
اتمني بس محدش يتسرع فى تصديق اي كلام خاصة لو مش مكتوب فيه مصادر عالمية وموثوقة ومحترمة
