الدعم الإداري
  • سوف يخضع الموقع لعملية ترقية شاملة و قد لاتعمل بعض الخصائص الا بعد الانتهاء من الترقيه بشكل كامل

بعد 15 سنه من ثوره يناير هل حصل تغيير سلبي و لا ايجابي للبلد

هل كانت ثورة يناير الخيار الصحيح ؟

  • نعم

  • لا

النتائج قابلة للعرض فقط بعد التصويت.
بأحث في التاريخ

بأحث في التاريخ

طاقم الإدارة
مشرف عام
إنضم
7 مارس 2022
المشاركات
18,339
التفاعل
28,569 606 13
الدولة
Egypt
تمر اليوم الذكرى ال15 لثوره 25 يناير 2011, فهل بعد الاحداث الي مرت بيها البلاد طوال ال15 سنه الي فاتوا دول و التقلبات الي مرت فيها و التغييرات الي شهدتها البلاد سواء اقتصاديا و سياسيا و على السياسه و العلاقات الخارجيه و كمان التغيرات الي حصلت في مجتمعنا سواء اخلاقيا و اجتماعيا و فنيا و رياضيا و غيرها من الأمور، هل فعلا كان يجب أن يقوم الشعب بالثوره دي ، و لا الغلط مكنش في الثوره ذات نفسه و كان في عوامل أخرى
 
سمير فرج قال:
اذكر كان في مصر ازمة غاز قبل الازمة بقليل
أنقر للتوسيع...
ملف الغاز ايام مبارك ده لوحده مصيبه يعني بدأ بتصدير غاز برخص التراب لاسرائيل و ختمها بازمه غاز لا نزال نعاني من تبعتها و آخرها الصفقه الي حصلت مع إسرائيل مؤخرا
 
المعلم .
ملك القلوظه.
شغل المحترفين 👌
كيف ترفع الاسعار في ثلاثة أيام بدون معلم بطريقة مبارك.
الفصل الثالث ( باب الدخان والمكيفات).
..
في أواخر التسعينات كان ثمن علبة السجاير كليوباترا (كينج سايز ) 150 قرش، جنيه ونص.
وكانت هي السيجارة الشعبية رقم 1 عند اغلبية الشعب المصري .

والدولة كانت بتتعامل مع السجاير كسلعة إستراتيجية، المساس بها ﻻزم يكون بحساب.

في الوقت دة قررت الدولة أنها تزود سعر العلبة من 150 الى 160 قرش ،يعني بالبلدي مجرد بريزة.

ورغم تفاهة المبلغ اﻻ ان الدولة كان عندها خطة ﻻمتصاص الغضب وعملية الزيادة في السعر.
خطة استراتيجة مدروسة للمحترفين .

اﻻول منعوا نزول السيجارة للسوق ونزل مكانها سيجارة بحجم اصغر (كليوباترا ريجوﻻر سايز ) بنفس السعر 150 قرش.

وبعدها طلعوا إشاعات ملت البلد ان السيجارة الريجوﻻر دي اسرائيلي، وانها مسرطنة وبتضعف القدرة الجنسية وبتجيب عقم وتضربلك عفشة المياه 😀

فطبعا الناس ساعتها كانوا خرمانين، بس خايفين على صحتهم الانجابية وقدراهم الجنسية (كله إلا دي يا محيي) 😀

فطبعا ابتدوا يتعاملوا مع السيجارة دي بحذر شديد ، واتجه من استطاع للسيجارة ال LM ، واللي كان سعرها ب 280 قرش للعلبة وقتها.

اما من لم يستطع فكان في حيرة من أمره، ومش عارف يشرب ايه .

لغاية ما الحكومة طرحت في السوق علبة سجاير جديدة اسمها توشكى وكانت علبة 10 سجاير فقط ، ب 85 قرش .

يعني الي متعود يشرب 20 سيجارة في اليوم ، أصبح بيشتري علبتين توشكى ب170 قرش ، ويقول مش مهم الريال الزيادة بس نبعد عن السيجارة اﻻسرائيلي اللي بتجيب العقم .

وبعد اسبوعين تلاته ، وفترة الحرمان ، رجعت تاني العلبة الكليوباترا الكينج سايز في ثوبها الجديد، 20 سيجارة بس المره دي بالسعر الجديد 160 قرش.

وﻻقت حفاوة ما بعدها حفاوة ، والناس فرحت بيها جدًا ، ولا كأنها جزء من العائله، والناس هللوا وهيصوا وتقبلوا السعر الجديد .

وبعدها بدأت السيجارة الريجوﻻر والتوشكى في اﻻختفاء تدريجيا ، بعد ما قاموا بدورهم على اكمل وجه ، والزيادة مرت على الشعب بسعادة وسرور .

الماركتينج ف اجمل اشكاله♥️

أيام ما كان عندنا معلمين محترفين وليس مجموعة من الهواه.

ملك الأنفاس .
حبيب الفلاتر.
معشوق الخرمانين.
كينج سايز العصر الحديث .
...

منقول بس ده مثال على الفرق بين عقليه الحكومه ايام مبارك و العقليه دلوقتي
 
الثورة كانت تونسية لاسباب مختلفة لكن لا أعلم لماذا ثارت الدول الأخرى فليبيا مثلا تحطمت أما مصر لا ينفع معها ثورات لانها كتب عليها أن يحكم الجيش
 
اخر عهد مبارك الله يرحمه حصلت نكسة سياسية واقتصادية والدنيا ضاقت والناس فعلا كانت عايزه اي حاجة تحركها
ولما اتحركت انفجرت على الجميع فعليا الثورة كان لابد منها مصر كبيرة وعندها امكانيات تقدر تنهض بنفسها
النكسة اللي بعدها هي اختيار الاخوان وانتخاب مرسي الله يرحمه وجماعته وحصلت لخبطة سياسية واقتصادية علينا وتوتر من اللي حوالينا عشان اللي يحصل عندنا
كان لابد من ثورة اخرى ماينفعش نستنى الاخوان لحد ماينتهي الحكم
النكسة اللي بعدها لخبطة سياسية و اقتصادية سوا داخليا او على مستوى الاقليم
 
بكل صراحة الوضع اسوء .. ليه .. لان ما قامت لاجله الثورة لم يتم و شكرا

بس للامانه لازم احي الجيش على اللعب طويل المدى اللي قام بيه لو وضعت نفسك مكانه فهوا حرفيا مر من اعناق زجاجات مش زجاجه واحده
 
batteryneon قال:
اول واحد حيروح حيفتن على الكل اصلا دا دا لازم نقضي عليه 👏
أنقر للتوسيع...

مش عارف الاخ باحث في التاريخ على قد ماهو محترم جدا وطيب خايف يقبل يشتغل مخبر علينا في الحبس مع اول بصه خشنة من محسن بيه
 
police قال:
مش عارف الاخ باحث في التاريخ على قد ماهو محترم جدا وطيب خايف يقبل يشتغل مخبر علينا في الحبس مع اول بصه خشنة من محسن بيه
أنقر للتوسيع...
يبقى نقوم احنا بضربه استباقيه و نبقى المخبرين
 
حسب وجهة نظري المتواضعه

أرى حسني مبارك الله يرحمه كان وضعه أحسن من الاثنين اللي بعده
نعم كان سئ لكن نقول سوءه كان أحسن شوي ​
 
batteryneon قال:
انت عايزنا نقابل محسن بيه :ROFLMAO:
أنقر للتوسيع...
batteryneon قال:
اول واحد حيروح حيفتن على الكل اصلا دا دا لازم نقضي عليه 👏
أنقر للتوسيع...
police قال:
مش عارف الاخ باحث في التاريخ على قد ماهو محترم جدا وطيب خايف يقبل يشتغل مخبر علينا في الحبس مع اول بصه خشنة من محسن بيه
أنقر للتوسيع...
لا ما انا لو هروح مش هروح لوحدي لنعيش احنا الكل لا نموت احنا الكل 😂
 
زلزال قال:
حسب وجهة نظري المتواضعه

أرى حسني مبارك الله يرحمه كان وضعه أحسن من الاثنين اللي بعده
نعم كان سئ لكن نقول سوءه كان أحسن شوي ​
أنقر للتوسيع...
حسني مبارك كان بيخبي العفن بشويه دهان فكان صعب تاخد بالك منه لغايت ما العفن خلاص تمكن و بقى من الصعب تجاهله حاليا
 
police قال:
اخر عهد مبارك الله يرحمه حصلت نكسة سياسية واقتصادية والدنيا ضاقت والناس فعلا كانت عايزه اي حاجة تحركها
ولما اتحركت انفجرت على الجميع فعليا الثورة كان لابد منها مصر كبيرة وعندها امكانيات تقدر تنهض بنفسها
النكسة اللي بعدها هي اختيار الاخوان وانتخاب مرسي الله يرحمه وجماعته وحصلت لخبطة سياسية واقتصادية علينا وتوتر من اللي حوالينا عشان اللي يحصل عندنا
كان لابد من ثورة اخرى ماينفعش نستنى الاخوان لحد ماينتهي الحكم
النكسة اللي بعدها لخبطة سياسية و اقتصادية سوا داخليا او على مستوى الاقليم
أنقر للتوسيع...
الثوره تعتبر حكمت على نفسها بالاعدام اول ما سمح للأخوان بالحكم بس احنا كشعب الي نستاهل لان مكنش في بديل واضح وصريح و صاحب رؤيه و هدف لقياده البلد
 
زلزال قال:
حسب وجهة نظري المتواضعه

أرى حسني مبارك الله يرحمه كان وضعه أحسن من الاثنين اللي بعده
نعم كان سئ لكن نقول سوءه كان أحسن شوي ​
أنقر للتوسيع...

بدايات حكم حسني مبارك حسب ما اسمع بالميديا انها كانت جيدة
لكن دخول المال للسياسة خربط الدنيا وضيق على الناس
الجميل في ابو علاء ماعنده محسوبيات
 
batteryneon قال:
بكل صراحة الوضع اسوء .. ليه .. لان ما قامت لاجله الثورة لم يتم و شكرا

بس للامانه لازم احي الجيش على اللعب طويل المدى اللي قام بيه لو وضعت نفسك مكانه فهوا حرفيا مر من اعناق زجاجات مش زجاجه واحده
أنقر للتوسيع...
خبره 70 سنه يا غالي و كان بيلعب قصاد عيال معلش فطبيعي ينجح
 
يجب تسجيل الدخول أو التسجيل كي تتمكن من الرد هنا.
عودة
أعلى