- إنضم
- 7 مارس 2022
- المشاركات
- 11,607
- التفاعل
- الدولة
بسم الله الرحمن الرحيم
الكلام الاتي عباره عن بوست قراته و الكلام الي فيه عجبني و اتوافق معه الا حد ما فده مش رائي شخصي بل كلام انا ناقله و في انتظار معرفه رائيكم فيه
= بخصوص الجدل حول المفروض ان دول الخليج تساعد مصر بشوية مليارات كجزء من اللى حصدها ترامب ... احب اذكر الحقائق التالية:الكلام الاتي عباره عن بوست قراته و الكلام الي فيه عجبني و اتوافق معه الا حد ما فده مش رائي شخصي بل كلام انا ناقله و في انتظار معرفه رائيكم فيه
= بلغ حجم المساعدات الخليجية لمصر من ٢٠١١ وحتى ٢٠٢٢ مبلغ ٤٧،٥ مليار دولار ... وطبعا الرقم ده زاد في اخر ٣ سنوات.
= ده حجم المساعدات الخليجية بخلاف القروض الميسرة والودائع الدولارية اللى اتحطت في البنك المركزى وبخلاف الاستثمارات المباشرة زي رأس الحكمة (٣٥ مليار دولار وحدها) .. وعشرات المشاريع اللى اشتروها بعشرات المليارات ..
= يعني الخليج ضخ في مصر بعد ٢٠١١ ما يزيد عن ٢٠٠ مليار دولار (وفي بعض التقديرات اكتر من ٣٠٠ مليار دولار) ..
= ماذا كانت النتيجة على المواطن المصري ؟ ما النتيجة على حجم الديون ؟ ما النتيجة على سعر الدولار والخدمات؟
= وعلى الجانب الآخر ايه المقابل اللى مصر قدمته للخليج ؟ ماذا اخذوا في المقابل ؟؟
= امريكا مقابل المليارات دى كلها بتقوم بحماية دول الخليج الغنية والضعيفة اللى عندها عقدة زادت بعد استيلاء العراق على كامل الكويت في كام ساعة واللى حررتهم امريكا برضة ... بكل صراحة هل تستطيع مصر حماية الخليج من اطماع الدول الاقليمية الكبرى زى ايران وتركيا وإسرائيل؟؟
= في الصفقات الاخيرة اتعلمت دول الخليج الدرس وركزت على توطين التكنولوجيا والذكاء الصناعي وشراء احدث الاسلحة والمنتجات التكنولوجية وسنرى الفارق الضخم بيننا وبينهم بعد كام سنة (اللى ابتدا فعلا يظهر) ... هل انت عندك اى منتجات ممكن تصدرها لهم؟
= مش عاوز اقولك ان مناخ الاستثمار في مصر طارد للشركات وليس جاذب ... هل تعرف ان عدد الشركات اللى اسسها مصريين في السعودية قفز من 500 إلى 4 آلاف شركة. وتضاعف رأس مال الشركات دي من 5 مليارات ريال إلى 50 مليار ريال في اخر ثلاث سنوات ..
= هل تعلم ان %30 من تصاريح الاستثمار السعودية خلال الربع الأول من عام 2024 حصلت عليها شركات مصرية. ونفس الشئ في الامارات .. هل تعلم ان نص شركات المنطقة الاعلامية الحرة في الاردن هي شركات مصرية.
= دي الحقائق للاسف ... سهل اوووى اقعد اتكلم عن الجزية والريادة ومكانة مصر و ... و... كل الهري اللى بنكرره ... ولكنه الواقع هو الاضمحلال الشامل اللى احنا عايشينه اضمحلال اقتصادي سياسي فني رياضي واجتماعي تعليمي وللاسف اخلاقي ... ده اللى لازم نغيره
