تسريب صوتي لجمال عبدالناصر

[طسم]

فاروق كان أسوأ وكان يبحث عن مجد شخصي، في حرب ال 48 أوقف شحنات ذخيرة كانت في طريقها للجيش الأردني (الذي شارفت ذخائره على النفاذ حينها) بسبب خوفه من تصاعد شعبية الهاشميين إذا تمكن الجيش الأردني من تحرير الأراضي الفلسطينية، وكملاحظة
الجيش الأردني هو الجيش العربي الوحيد الذي تفوق على إسرائيل عسكريََا في حرب ال 48 وأنصح بقراءة ما جاء بكتاب Arabs at war لكينيث بولاك عن تفاصيل الأداء الأردني في الحرب للاستزادة،ولو كان يملك الأردن جيش بتعداد أكبر آنذاك غالبََا كان ستيمكن من إنهاء إسرائيل في ال 48.

غير صحيح

بالأساس التدخل الأردني المصري في 1948 كان تنافس بينهما في السيطرة على الاراضي التي خصصها القرار 181 للدولة الفلسطينية (غزة والضفة الغربية) ولم يكن تدخل من أجل إنهاء اسرائيل

 

[Egypt2017]

يا غالي انا مش هصدق او اكذب لان ده مش لصالحنا خالص الايام دي لاننا مش ناقصين وجع دماغ و مشاكل

هي المبادره دي شغاله بقالها اكتر من 4 سنين و نزلوا اكتر من 540 فيديو الله اعلم بلاوي ايه كانت فيهم و محدش اخد بالوا الفكره ان الفيديو ده الي سمع و انتشر مره واحده والله اعلم ايه السبب بقي

هو حاليا مكتبه اسكندريه طلعت اتبرئت و قالت انه ملناش دعوه بقناه اليوتيوب ان بنعمل توثيق علي موقعنا الالكتروني و القناه المسؤول عنها عائله عبدالناصر

هو الغلط علي الي ساب الوثائق دي تتسرب من الاول و تبقي في يد اسره عبدالناصر و مش الدوله فالحل غلق الموضوع ده من قبل حدوث مصائب اكبر

السبب تعرية الشعوب الحنجوريه الي بتتهم المصريين بالتقصير وان ده مش جديد عليهم عايزين يطبقو مقولة استمرار الحرب حتي اخر جندي مصري وده من ايام عبدالناصر الي زهق منهم لدرجة انه قال احنا شعب انهزامي ورونا شطارتكم انتم وحاربو

وبالمناسبة الجمله دي قالها السادات ومبارك الي عايز يحارب يتفضل محدش حايشه

 

[m2abuassi]

لن اعفي الحكومة المصرية من مسؤولية التسريب وتوقيته.

 

[بأحث في التاريخ]

ماعليه خله يبحث
الملك دايم يخاف على الملك عكس كل رئيس وده يخزوق اللي يفكر انه يشيله او اللي يجي بعده

الرئيس بردو بيخاف علي حكمه عادي

عبدالناصر بالمناسبه كان ظابط علي جدي زمان و جدي بيحكي انه كان ظابط طيب وفي حاله و مش بيحب يعمل مشاكل و كان عبدالحكيم بيجي يسهر عنده و كده و كان جدي بيكره عبدالحكيم لانه عيل سكري و تنك بس لما عبدالناصر وصل للحكم و كده جدي اتفاجئ بمدي التوحش الي ظهر منه يعني ايام ما كان ظابط مكنش كده خالص

 

[بأحث في التاريخ]

لن اعفي الحكومة المصرية من مسؤولية التسريب وتوقيته.

الله اعلم بس غالبا ملهمش علاقه الموضوع بقاله اربع سنين اصلا مش جديد يعني

 

[m2abuassi]

الله اعلم بس غالبا ملهمش علاقه الموضوع بقاله اربع سنين اصلا مش جديد يعني

الأمن الوطني قوي ومسيطر حاليا .

 

[GBU]

الاردن عيبه انه كان يقاد من جنرلات انجليز

الفكره الافضل هو ما كان ان الحرب كانت يجب ان تقتصر علي فرق جهاديه ضد العصابات الاسرائيليه و ان الدول العربيه متخشش بشكل رسمي و فعلا ايام ما كان القتال مقتصر علي المتطوعين كان في تقدم باهر

المصادر الغربية تذكر أن أداء القادة الانجليز إلى جانب القادة الأردنيين مثل حابس المجالي وعبدالله التل ربما هو الأفضل على الإطلاق في الصراع العربي الإسرائيلي (من حيث صراع متمثل بكامل مدة الحرب).
ما أعاق الجيش الأردني حينها هو صغر حجم الجيش ونقص الذخائر في الفترات اللاحقة من الحرب.
https://books.google.co.uk/books?id=sSHYdGR_xvoC&printsec=copyright#v=onepage&q&f=false
الكتاب من الصفحة 269 وحتى الصفحة 284 يتحدث عن الأداء الأردني وأنصح بالاطلاع على ما هو مذكور.

 

[بأحث في التاريخ]

الأمن الوطني قوي ومسيطر حاليا .

يا غالي الموضوع فيه عيله عبدالناصر هل تتوقع الامن الوطني هيقف في وشهم خاصه ان الموضوع كان معمول علي اساس انه تعاون بين العيله و مكتبه اسكندريه فالغرض ممكن كان ثقافي عادي بس هو التسريب ده الي طلع و عمل ضجه

 

[deter]

الرئيس بردو بيخاف علي حكمه عادي

عبدالناصر بالمناسبه كان ظابط علي جدي زمان و جدي بيحكي انه كان ظابط طيب وفي حاله و مش بيحب يعمل مشاكل و كان عبدالحكيم بيجي يسهر عنده و كده و كان جدي بيكره عبدالحكيم لانه عيل سكري و تنك بس لما عبدالناصر وصل للحكم و كده جدي اتفاجئ بمدي التوحش الي ظهر منه يعني ايام ما كان ظابط مكنش كده خالص

مش مثل الملك
بعدين اسلوبك مش غريب علي انت عامل تاريخاخنجي

 

[DENERO]

يعني بالعقل بلد محتله من الانجليز وتنتظر خروجهم باتفاق ودي والانجليز بيساندو الصهاينه طبيعي يبقي خايف يعلن تأييده رسمي وهو لسه تحت رحمتهم

ما بلاش ياعزيزي بالعقل والكلام دة علشان انا باحترمك وباعزك
طبعاً مفيش حاجة تثبت انة كان خايف او العكس ..انا سؤالي يعني هنفترض خلاص انة الكلام كلة صدق حتى في اللي جاي ! والراجل متوفي
وهو بالمناسبة لما وقف مع مصر وسوريا في 73 لية مخافش ؟

 

[بأحث في التاريخ]

المصادر الغربية تذكر أن أداء القادة الانجليز إلى جانب القادة الأردنيين مثل حابس المجالي وعبدالله التل ربما هو الأفضل على الإطلاق في الصراع العربي الإسرائيلي (من حيث صراع متمثل بكامل مدة الحرب).
ما أعاق الجيش الأردني حينها هو صغر حجم الجيش ونقص الذخائر في الفترات اللاحقة من الحرب.
https://books.google.co.uk/books?id=sSHYdGR_xvoC&printsec=copyright#v=onepage&q&f=false
الكتاب من الصفحة 269 وحتى الصفحة 284 يتحدث عن الأداء الأردني وأنصح بالاطلاع على ما هو مذكور.

يا غالي كلام مش مقصود بيه التقليل من احد

بس العصابات الافضل كان قتالها من قبل مجاهدين غير نظامين و التكتيك ده كان ناجح بالمناسبه بس الي حصل حصل بقي

 

[بأحث في التاريخ]

مش مثل الملك
بعدين اسلوبك مش غريب علي انت عامل تاريخاخنجي

الرئيس الدكتاتوري وضعه زي الملك عادي طالما في حكم هيعمل اي شئ ليحافظ عليه و عندك بشار كمثال

قصدك ايه انا مخدش بالي منك عموما

 

[القائـد في الظل]

مش حنخلص من عبد الناصر

تركنا الجيوش والحروب ومفيش غير عبد الناصر

غيروا

جددوا

حسب المنتشر ان اسرته من نشرت هذه التسجيلات

عموماً هو كله كلام فايت وماضي
لايغير من تسلسل الاحداث شيء

 

[شخص بسيط]

 

[GBU]

يا غالي كلام مش مقصود بيه التقليل من احد

بس العصابات الافضل كان قتلها من قبل مجاهدين غير نظامين و التكتيك ده كان ناجح بالمناسبه بس الي حصل حصل بقي

تعليقي أخي الكريم كان على جزئية الضباط الإنجليز في الجيش، أداؤهم كان ممتازََا لكن اتهامهم بالتقصير كان بسبب أحداث معينة حصلت في ال 48 ومبررها هو النقص في تعداد الجنود والآليات والذخائر.

 

[القائـد في الظل]

لن اعفي الحكومة المصرية من مسؤولية التسريب وتوقيته.

جميعهم عسكر
الا اذا النظام الحالي لو فرضنا له يد
وكانه يقول من كان يعتبر نظام عبدالناصر
انه قدوه ايظاً
له اخطاء ومطمات !

 

[Egypt2017]

الله اعلم بس غالبا ملهمش علاقه الموضوع بقاله اربع سنين اصلا مش جديد يعني

بالعكس ليها مقصوده عشان الاستشراف الي البعض بيحاول يمارسه وأعتقد ان هيبقى فيه فضائح قادمه لشخصيات تاريخية ومواقف حاول البعض تلميعها
اول الضحايا هو الرئيس الجزائري بومدين الي اتهمه بأنه حنجوري ورفض ارسال طيارين بل ساوم مصر بالمال
ولسه الله اعلم مين عليه الدور

 

[deter]

الرئيس الدكتاتوري وضعه زي الملك عادي طالما في حكم هيعمل اي شئ ليحافظ عليه و عندك بشار كمثال

قصدك ايه انا مخدش بالي منك عموما

لا الصفة الملكية تختلف عن الدكتاتوري


ارسلك لك همسة

 

[The Valley]

لن اعفي الحكومة المصرية من مسؤولية التسريب وتوقيته.

انتا الخليجي الوحيد الذكي هنا

 

[2000 amr amr]

هذا مثل شعبي وليس حديث نبوي، أفعال عبدالناصر والبعثين السوري والعراقي سبب رئيسي في ما تواجهه الدول العربية من مشاكل مع إسرائيل، رجل متهور وأرعن مثله مثل صدام وبشار الأسد لا يفقهون في السياسة ويتصرفون بطرق غريبة لا تناسب ما هم عليه كرؤساء دول.

ههههه هوا لو افترضنا مثلا ان عبدالناصر
نأي بنفسه ومصر عن مايحدث واعترف باسرائيل زي تركيا مثلا هل كانت اسرائيل لن تحتل فلسطين
بالعكس كانت لتحتلها بالكامل ولم يكن ليمنعها احد من الساسه المحنكين الذين تدعون ان المنطقه كانت مليئه بهم
للمره المليون عبد الناصر كان ضرره علي دولته وشعبه
ولم يأخذ من الدول العربيه الا الجعجعه والتأمر والخيانه وتسريب المعلومات للصهاينه
فمحدش يعيش الدور علينا