السلام عليكم و صباح الخير
اتمنى لو عندي نفس الامل الي عند شباب المنتدى انو العدوان راح يقف . بس الي بصير بارض الميدان غير هيك . الناس اجاها احباط من كل شيء بغزة .
حياة الناس خربت ، مافي مدارس ولا جامعات ولا زواجات و لا مناسبات . مافي اعياد ولا صلاة جمعة ولا جلسات عزا . مافي سفر ولا تجارة ولا شغل . مافي قعدات ولا روحان للبحر ولا شم هو ولا شيء .
علشان نعيد نعمر غزة بدنا نصرف ميزانيات دول . الحكومة قالت انو للحين 250 الف بيت اتدمر . لو قلنا انو سعر بناء وحدة سكنية 50 الف دولار يعني كله حيطلع علينا ب 13 مليار دولار و الوحيد الي بقدر يجيب ها المبلغ هو ربنا . طبعا هاد اقل رقم و يمكن الصح ثلاث اضعاف الرقم .
ما بدي اشمت كلاب العرب و التطبيع فينا بس المقاومة خذلتنا و طلع كلامها فالصو . كنا مفكرين انو اليهود مش حيدخلوا 1 كيلو . كنا مفكرين انو راح نشوف يوميا مئات الجنود الصهاينة مقتولين بس يلا يلا بنقتل باليوم واحد او اثنين .
اليهود دخلوا مخيم الشاطئ و الشيخ رضوان و الرمال و فش حد قادر يوقفهم . و الي بعرف غزة و كان فيها بيعرف انو هدول الاماكن كان مفروض يصير فيها اقوى من ستالين جراد بس الظاهر فص جراد .
كل هاد علشان شو ؟ علشان نطلع الاسرى من السجون؟ طيب و طز فيهم . انا عيلتي عندها كم اسير . بس شو يفيدونا الاسرى مقابل دولة مدمرة ؟ غير انو هم اعمارهم كبيرة و ماعندهم اشي يقدموه ؟ ليه انقتل 4000 طفل علشان يطلع 6000 اسير اعمارهم فوق ال 40 سنة ؟ ليه نقتل جيل علشان نطلع جيل رجل بالحياة و رجل بالقبر ؟
علشان توقف الحرب لازم يحيى السنوار يسلم نفسه و نطلق سراح أسرى اليهود كلهم بدون مقابل و 6000 اسير فلسطيني طز فيهم واحد واحد . ولو سلم السنوار نفسه مش حنحكي جبان بل هو بطل لانه وقف الحرب
و لازم محمد الضيف يتنازل عن القيادة و يعطيها لقائد صغير بالعمر شاطر في التكنولوجيا و عنده فكر استراتيجي بدل ما نظل بتفكير التسعينات للمقاومة
راح اوقف ارد هون علشان ما اضحك عليكم و على نفسي انو قاعدين نعمل شيء . الله يعينا و يعينكم
اولاً الله يعين اهل غزه ويرفع عنهم ما اصابهم ويشفي جرحاهم ويتقبل شهدائهم
ثانياً اللي يشمت هذا مشكوك في دينه وإيمانه
ثالثا موقفي من زمان ضد "قيادة"حماس وبشكل عام ضد القيادات الفلسطينيه في كل الأحزاب
رابعاً ماحصل يوم 7 اكتوبر تحدثت وقتها على مشاهد الاسرائيليين وهم مفزوعين ومطرودين من المستوطنات انها مشاهد مفرحه وتم مسح كرامة الاسرائيليين و انه لا يوجد شيء اسمه الجيش الذي لا يقهر وان ماحصل وصمة عار لن تمحى في جبين الاسرائيليين
خامساً قلت لو حصلت ردة فعل اسرائيليه ولكن محدوده تنتهي بعد كم يوم ب ايقاف اطلاق النار وافراج عن الاسرى الفلسطينيين سيكون اول انتصار فعلي تسجله المقاومه الفلسطينية منذ 50 عام
سادسا اللي حصل سكتنا عشرين يوم ننتظر ردة فعل او تخطيط من حماس او من حلفائها يضغط لإيقاف الة قتل همجيه لا ترى لا دين ولا قيم ولا اخلاق ولديها ضوء اخضر عالمي تعربد كما تشاء ، لكن اللي شاهدناه تصاريح مرتبكه من خالد مشعل وبعض القيادات الحمساويه وتصاريح مستفزه مثل الانفاق للمقاومين والمدنيين تحميهم الامم المتحده ، هذا الكلام وكأنه المدنيين في غزه مجرد ارقام لا بشر لديهم اهل وطموحات في هذه الحياة ، تركوا اهل غزه لوحدهم في هذه المواجهه اللي انسحب منها كل من كان يدَّعي انه سيمحوا اسرائيل من الوجود ، يبيعون الكلام والضربه تأتي على اهل غزه
بعد مقتل اكثر من ١٠ الاف ولو وصلوا عشرين الف او خمسين الف قتيل من يؤيد هذه المجزره راح يقولك كل الدول تحررت بالدم
صحيح ولكن ان كان مقتل الالاف نتيجته لا شيء بل عكسيه واحتلت غزه وشرد اهلها هل ذهب دم الالاف مهدورا بسبب خطوه غير محسوبة العواقب ؟
عموما انا قلت نفس كلامك قبل يومين ولكن كالعاده اتهامات الصهينه والتخوين جاهزه ..
