اعتقد ان البنية التحتية المصرية افضل بكثير مما كانت علية قبل 2010
وعلى 2030 هتكون افضل بكتير مما هيا علية الان
لا اعتقد ان البنية التحتية من طرق وملاعب جديد وحديثة وفنادق مشكلة لدى مصر الان
واعتقد انة كان هناك مقترح لتنظيم كأس العالم 2030 بين مصر والمغرب
مين قال ؟ ... عاصمة جديدة و تطوير في البنية التحتية اللي بتحصل الآن لا تقارب ما يحتاجه تنظيم كاس عالم لسه كتير
معندناش ملاعب عالمية قادرة و لو في مخططات فهو واحد او تلاتة بالكتير
الطيران الداخلي مش احسن احواله و غالي و اغلب المطارات الداخلية محتاجة اعادة تفكير في التشغيل و التكلفة مش افتتاح فقط
الفنادق قليلة جدا و اغلبها باهظ الثمن و الرخيص ميدخلش الصراحة .. الساحل هما 5 ل 15 فندق و كلهم جوا قرى معزولة
امنيا السيطرة على كل هذه الاجماهير بدون مشاكل داخلية و كيفية التعامل مع المشاكل عندما تظهر لان حتظهر مش من نقاط قوتنا
تطوير الطرق الحالي شئ رائع جدا دي نقطة بلس لحركة الجماهير + القطارات الكهربية المعلقة و السريعة دي peace
مبنعرفش نماركت منتجاتنا يعني فردين جاين ماتش بمبلغ ممكن جدا تزود المبلغ 30% و تحطله رحله لشرم او دهب و اسوان .. او لو لما يوصل يقدر ينظم رحلة زي دي بسهولة من اي منفذ موضوع و مصمم في الفنادق و الملاعب لكدا على سيستم واحد .. بس احنا عشان يا ايما كل جهة في ناحية مع نفسها حاليا يا اما بتسرق و مصدرة الطرشة في القطاع الخاص فا مش حيحصل تعاون
مولات التسوق قليلة و مركزة على الاستيراد و الجمارك تعطل كل شئ و منتجاتنا المحلية العالية الجودة مش منتشرة بسهولة لتحقيق ميزان عالي قدام الاستيراد
مثلا اغلب الكوكب مولع بالتصوير شخصيا قبل مهنيا سوشيال ميديا انستجرام تيك توك و في منتجات كتير لو شفتها كرجل امني حتمنعها لان مش قادر تستوعب ان هوا دا العادي (مش فصدي درونز) الآن فحتلاقي جمارك المطارات عمالة تحوش في عدسات كانون و stabilizers لحد ما حنصدرهم و لسه الحركة بيهم في الشارع ريسك تاني
رجال الامن محتاجين تدريب للتعامل مع السياح خصوصا العساكر و الامناء و الموظفين (مداف عفاف مش حتنفع خالص)
الخطوط الساخنة لحل المشاكل و الازمات و التواصل للمعلومات قليلة جدا و مش مدربة و مستواها زفت و مبتظهرش الا للحاجة
البنية التحتية المقصودة كمان مش شرط منشآت ممكن جدا قصدها سياسات امنية و حقوق انسان و التعامل مع الاقليات من LGBTQ+ اللي مصر تحظرها تماما
و اهم اهم اهم شئ ملناش اي وزن يذكر في مجتمع الكورة الدولي مجهول لا بافراد ذات صلة اللي اغلبهم شبهة و فساد و عمرهم ما خرجو بره حدود القاهرة بتاثير و لا بصلات وثيقة او تواجد ثقيل في الفيفا و المجتمع الكروي عموما .. فمحدش حيصوتلك
