تحطيم جدار لسفارة اسرئيل بالقاهرة

[EgyScorpion]

رد: تحطيم جدار لسفارة اسرئيل بالقاهرة

تعال بالراحة نشوف مين مش عاوز الثورة دى تنجح اسرائيل امريكا اوروبا لان نجاح ثورة مصر معناه استقلالها عن الغرب خنجر فى ضهر ربيبتهم اسرائيل وكمان اعوان النظام السابق تفتكر مع كل دول ممكن يحصل انتقال سلس للسلطة

يا ريت الناس تفهم ده

والناس اللى كانت مستفيدة من نظام مبارك بالسرقة والنهب والرشاوى والعمولات

ان اللى كنت بتاخده بالحرام يايام مبارك قسما بالله لو مصر اتحركت قدام هينوبك اضعاف اضعاف بس بالحلال بدل ما انتوا معادين الثورة ااقفوا لمصلحة مصر

والحدق يفهم :close_tema[1]::close_tema[1]::close_tema[1]:

 

[sam_007]

رد: تحطيم جدار لسفارة اسرئيل بالقاهرة

ههههههههههههههههه
ما تسيبوش يا حبيبى
خليك ماسك فيه قوى
عشان محدش يخطفه منكم

ورائى نقفلوا عليكم عشان

تاخدوا راحتكم فيه
وتعرف تثوروا كويس
وبرضه عشان ما تاخدووش علقه زى علقه العباسيه
ههههههههههههههههه
سبحانك يااارب
ناس بتفكر فى مستقبل بلد ودوله
وازاى ننتقل من مرحله الثوره لمرحله البناء
وناس خلاص تجمد تفكيرهم على الثوره والميدان وعايزين يقضوها كده للابد
واستحلوا الحكايه
وزى ماقال القردافى
غنوا وارقصوا وامرحوا فيه
خخخخخخخخخخخخخخخخخخ

​

مالك هيبر كدة؟ براحة على نفسك احسن تدلدق
انفخوا انتم فى عجلة الانتاج المخرومه من 30 سنه و روحوا ابنوا و اعملوا مصانع و و و و عيشوا فى دور عبد الناصر ..احنا مش هنرضى بنصف ثورة

 

[رٍسِـــلآنٍ]

رد: تحطيم جدار لسفارة اسرئيل بالقاهرة

هل يوجد سفاره مصريه في اسرائيل ؟

 

[الحـاكــم العسكــرى]

رد: تحطيم جدار لسفارة اسرئيل بالقاهرة

هل يوجد سفاره مصريه في اسرائيل ؟

للاسف طبعا يا أخى فيه سفارة مصرية فى إسرائيل
​

 

[mody100]

رد: تحطيم جدار لسفارة اسرئيل بالقاهرة

مالك هيبر كدة؟ براحة على نفسك احسن تدلدق
انفخوا انتم فى عجلة الانتاج المخرومه من 30 سنه و روحوا ابنوا و اعملوا مصانع و و و و عيشوا فى دور عبد الناصر ..احنا مش هنرضى بنصف ثورة

هيبر ؟؟؟؟
لا هيبر لا هيبو
لا اتعاطى المنشطات بانواعها حقيقه
وخليكم استظرفوا كده وعيشوا فى النظررياات الثوريه وانفصلوا اكثر واكثر عن الواقع والناس
لغايه ما هتقضوا على انفسكم بايديكم
وتصحوا على واقع مر
وناس هتاكلكم من كتر الجوع والمعاناه


​

 

[sam_007]

رد: تحطيم جدار لسفارة اسرئيل بالقاهرة

هيبر ؟؟؟؟
لا هيبر لا هيبو
لا اتعاطى المنشطات بانواعها حقيقه
وخليكم استظرفوا كده وعيشوا فى النظررياات الثوريه وانفصلوا اكثر واكثر عن الواقع والناس
لغايه ما هتقضوا على انفسكم بايديكم
وتصحوا على واقع مر
وناس هتاكلكم من كتر الجوع والمعاناه


​

نظرية الثورة؟ اومال ديه كانت ايه؟ مظاهرة بس كبرت حبتين مثلا مش ثورة؟
الناس هتاكلنا احنا من الجوع و المعاناه؟ اومال تعمل ايه فى سفالة ووساخه الشرطه؟
اومال تعمل ايه فى الفاسدين اللى فى البلد؟ اومال تعمل ايه فى الظباط اللى قتلوا اولادهم و طلعوا براءة؟
اومال تعمل ايه فى حبيب العادلى و مبارك؟ انت مقتنع حتى باللى انت بتقولوا؟
لما المظاهرات بتطالب اصلاح فساد و المجلس العسكرى يرضخ لطلبتنا تهللوا و تقولوا الحمد لله....اه بس كفايه كدة بقى المصانع واقفه ههههه
نفسى اعرف مصانع ايه اللى بتشتغل يوم الجمعه قبل الصلاة!
ان شاء الله هنبنى و نعمر و ننفخ العجلة و ربنا يقدرنا و نجيب توكتوك بدل العجلة قريب...لكن لما الثورة تكمل
و ياريت تكمل لانك و الله ظريف و ممتع جدا
كل لما ببقى مخنوق بفتح الدفاع استنى ردك عشان اضحك شوية :ANSmile04[1]:

 

[mody100]

رد: تحطيم جدار لسفارة اسرئيل بالقاهرة

نظرية الثورة؟ اومال ديه كانت ايه؟ مظاهرة بس كبرت حبتين مثلا مش ثورة؟
الناس هتاكلنا احنا من الجوع و المعاناه؟ اومال تعمل ايه فى سفالة ووساخه الشرطه؟
اومال تعمل ايه فى الفاسدين اللى فى البلد؟ اومال تعمل ايه فى الظباط اللى قتلوا اولادهم و طلعوا براءة؟
اومال تعمل ايه فى حبيب العادلى و مبارك؟ انت مقتنع حتى باللى انت بتقولوا؟
لما المظاهرات بتطالب اصلاح فساد و المجلس العسكرى يرضخ لطلبتنا تهللوا و تقولوا الحمد لله....اه بس كفايه كدة بقى المصانع واقفه ههههه
نفسى اعرف مصانع ايه اللى بتشتغل يوم الجمعه قبل الصلاة!
ان شاء الله هنبنى و نعمر و ننفخ العجلة و ربنا يقدرنا و نجيب توكتوك بدل العجلة قريب...لكن لما الثورة تكمل
و ياريت تكمل لانك و الله ظريف و ممتع جدا
كل لما ببقى مخنوق بفتح الدفاع استنى ردك عشان اضحك شوية :ansmile04[1]:

مصمم تخلينى من حزب الفلول والفلافل
لا حول ولا قوه الا بالله
شكلك صدقت فعلا !!!!
وشرطه ايه ؟؟ووساخاتها ايه؟؟؟قصدك اللى مستخبيين فى الاقسام وبيعتدى عليهم مره ورا مره واذا ضربوا نار الحق وهات يا سلخ ولا خيالات الماته اللى فى الشوارع ؟؟؟؟
بيحسسوا على الاخوه المواطنيين لا يطلع واحد فيهم من ائتلافات الغبره فيسلخوه؟؟؟
ولا القيادات المرميه فى السجون وبتتحاكم؟؟؟
ايه اللى بقى فى الشرطه وعاوزيين تقضوا عليه ؟؟؟
ده حتى انتم مش سايبينهم فى حالهم لا عاوزيين تشتموهم وتضربوهم وهما يقولوا كماان!!!!!!
قمتم بتبديل الادوار ولم تقوموا بالاصلاح للاسف
واخداكم النفخه الثوريه وطايحين شمال ويمين لا عارفيين من عدوكم من حبيبكم
حبيب ومبارك فى السجون بيتحاكموا طبعا مش على هواكم
المحاكمات العادله فى نظركم هى من تنتهى بالاعدام !!!!!!
عجبى
ومجلس ايه اللى بيرضخ؟؟؟؟
المجلس واضح ومحدد من اول ما مسك وخطته معروفه لتسليم الحكم وقالها من اول يوم
لكن لما عرفتم ان مش هيفصل الامور على هوى قادتكم وعلى راسهم البرادعى وباقى شله الغفله
وان البوصله هتتجه ناحيه تيار اخر وخصوصا بعد الاستفتاء
هات يا مظاهرات وقفل مياديين واعتصامات
وتشجيع للاضرابات
وترصد الساقطه واللاقطه
لتهييج الامور وياريت المظاهرات بتخلص فى نهايه يوم الجمعه بسلام
يا اما تخلص بمصيبه وكارثه
يا اما باعتصام وقفل مياديين
ومتوقعيين فى ظل جو التوتر والاضطراب اللى انتم بتشيعوه فعلا وخليتوا طريقه شرعيه لفرض المطالب
وبقى اى شويه بشر تعبانه عايزه تفرض طلبات غير شرعيه تتجمع وتفقل طريق وتعتصم
والمثل الاعلى لشباب ائتلافات الثوره الناصح الفالح القدوه الحسنه
هيبقى فى بناء ونهضه؟؟؟
وسلملى على احترام القانون وهيبه الدوله
وخليها ثوره ثوره زنجه زنجه
رحمتك يااااارب
اااه قبل ما انسي هبقى اقول نكت ليك عشان تضحك شويه وتقضيها استظراف
وتتسلى
بس بره الموضوع ده
عشان الاستظراف ما بستحملوش فى كلام جد
فخلينا جد دلوقتى احسن لك وليا


​

 

[sam_007]

رد: تحطيم جدار لسفارة اسرئيل بالقاهرة

مصمم تخلينى من حزب الفلول والفلافل
لا حول ولا قوه الا بالله
شكلك صدقت فعلا !!!!
وشرطه ايه ؟؟ووساخاتها ايه؟؟؟قصدك اللى مستخبيين فى الاقسام وبيعتدى عليهم مره ورا مره واذا ضربوا نار الحق وهات يا سلخ ولا خيالات الماته اللى فى الشوارع ؟؟؟؟
بيحسسوا على الاخوه المواطنيين لا يطلع واحد فيهم من ائتلافات الغبره فيسلخوه؟؟؟
ولا القيادات المرميه فى السجون وبتتحاكم؟؟؟
ايه اللى بقى فى الشرطه وعاوزيين تقضوا عليه ؟؟؟
ده حتى انتم مش سايبينهم فى حالهم لا عاوزيين تشتموهم وتضربوهم وهما يقولوا كماان!!!!!!
قمتم بتبديل الادوار ولم تقوموا بالاصلاح للاسف
واخداكم النفخه الثوريه وطايحين شمال ويمين لا عارفيين من عدوكم من حبيبكم
حبيب ومبارك فى السجون بيتحاكموا طبعا مش على هواكم
المحاكمات العادله فى نظركم هى من تنتهى بالاعدام !!!!!!
عجبى
ومجلس ايه اللى بيرضخ؟؟؟؟
المجلس واضح ومحدد من اول ما مسك وخطته معروفه لتسليم الحكم وقالها من اول يوم
لكن لما عرفتم ان مش هيفصل الامور على هوى قادتكم وعلى راسهم البرادعى وباقى شله الغفله
وان البوصله هتتجه ناحيه تيار اخر وخصوصا بعد الاستفتاء
هات يا مظاهرات وقفل مياديين واعتصامات
وتشجيع للاضرابات
وترصد الساقطه واللاقطه
لتهييج الامور وياريت المظاهرات بتخلص فى نهايه يوم الجمعه بسلام
يا اما تخلص بمصيبه وكارثه
يا اما باعتصام وقفل مياديين
ومتوقعيين فى ظل جو التوتر والاضطراب اللى انتم بتشيعوه فعلا وخليتوا طريقه شرعيه لفرض المطالب
وبقى اى شويه بشر تعبانه عايزه تفرض طلبات غير شرعيه تتجمع وتفقل طريق وتعتصم
والمثل الاعلى لشباب ائتلافات الثوره الناصح الفالح القدوه الحسنه
هيبقى فى بناء ونهضه؟؟؟
وسلملى على احترام القانون وهيبه الدوله
وخليها ثوره ثوره زنجه زنجه
رحمتك يااااارب
اااه قبل ما انسي هبقى اقول نكت ليك عشان تضحك شويه وتقضيها استظراف
وتتسلى
بس بره الموضوع ده
عشان الاستظراف ما بستحملوش فى كلام جد
فخلينا جد دلوقتى احسن لك وليا


​

معقول الشرطه بردة
ديه رقم 1 فى العالم يا راجل قبل و بعد الثورة
ربنا يخللنا رجال الشرطه فعلا حتى قبل الثورة "عشان ما تقوليش بعد الثورة بقى يخافوا" لو فيه خناقة بالاسلحة النارية و فيه ناس معرضة للخطر فى النص تسبهم يولعوا فى بعض و تيجى بعدها بعشر ساعات..و الله مصلحه نقلل من عدد السكان و لحد دلوقتى مافيش فساد ولا رشوة ولا تعذيب فى الشرطة
و برادعى ايه اللى جبته دلوقتى ولا هو اى ملوخية و السلام و لا عشان انا حاطط صورتة
مالة البرادعى يا محترم؟ ممكن تقولى عيوبة؟ و قارنة بالفلاح مبارك اللى ماكانش ليه اى علم بالسياسة؟ و اى تيار تقصد؟ التيار الاسلامى اللى احنا ضده؟ يبقى انت كدة بتناقض نفسك لان المجلس نفسه قال انها مش هتبقى دولة اسلامية
و ممكن اعرف الكوارث اللى بتحصل على رايك بعد يوم الجمعة سببها ايه؟ مش اولاد المخلوع و اذنابهم اللى انت ناسييهم خالص و تغاضى الجيش الكااااامل عن تعدياتهم مع ان قائدهم السبرسجى معروف و بيظهر على القنوات؟
و هترجع تقولى احترام القانون و هيبة الدولة...
بردة بتفكرنى باعلام مبارك..دول شوية عيال صايعه عاوزين يولعوا البلد بدون هدف بدون مبادىء و عاوزين يضيعوا هيبة الدولة..نجحت الثورة الكل هللهم
و مش لازم تقول نكت لان كلامك كله نكت اساسا فانت عامل الواجب و زيادة و الله :f010[1]:

 

[mody100]

رد: تحطيم جدار لسفارة اسرئيل بالقاهرة

معقول الشرطه بردة
ديه رقم 1 فى العالم يا راجل قبل و بعد الثورة
ربنا يخللنا رجال الشرطه فعلا حتى قبل الثورة "عشان ما تقوليش بعد الثورة بقى يخافوا" لو فيه خناقة بالاسلحة النارية و فيه ناس معرضة للخطر فى النص تسبهم يولعوا فى بعض و تيجى بعدها بعشر ساعات..و الله مصلحه نقلل من عدد السكان و لحد دلوقتى مافيش فساد ولا رشوة ولا تعذيب فى الشرطة
و برادعى ايه اللى جبته دلوقتى ولا هو اى ملوخية و السلام و لا عشان انا حاطط صورتة
مالة البرادعى يا محترم؟ ممكن تقولى عيوبة؟ و قارنة بالفلاح مبارك اللى ماكانش ليه اى علم بالسياسة؟ و اى تيار تقصد؟ التيار الاسلامى اللى احنا ضده؟ يبقى انت كدة بتناقض نفسك لان المجلس نفسه قال انها مش هتبقى دولة اسلامية
و ممكن اعرف الكوارث اللى بتحصل على رايك بعد يوم الجمعة سببها ايه؟ مش اولاد المخلوع و اذنابهم اللى انت ناسييهم خالص و تغاضى الجيش الكااااامل عن تعدياتهم مع ان قائدهم السبرسجى معروف و بيظهر على القنوات؟
و هترجع تقولى احترام القانون و هيبة الدولة...
بردة بتفكرنى باعلام مبارك..دول شوية عيال صايعه عاوزين يولعوا البلد بدون هدف بدون مبادىء و عاوزين يضيعوا هيبة الدولة..نجحت الثورة الكل هللهم
و مش لازم تقول نكت لان كلامك كله نكت اساسا فانت عامل الواجب و زيادة و الله :f010[1]:

بقيت القضيه فلاح ومش فلاح
والله مصر نصها فلاحيين وللعلم البرادعى اصوله ريفيه
برضه
وبما انك شايف كلامى نكت يعنى تهريج فاحسن لى ما اتعبش نفسي
لان البرمجه عاليه وصعب تعديلها
وشوف حد تانى اتسلى عليه انا مش فاضى
للتهريج ده
سلام
​

 

[ألب ارسلان]

رد: تحطيم جدار لسفارة اسرئيل بالقاهرة

:a023[1]::a023[1]:رسالة الى الاخ مودى روح عيش فى المريخ احسن بتقولى المحاكمات العادلة فى نظرنا هى التى تنتهى بالأعدام معلش احنا بنحاكمهم طبقا لقانون هما اللى وضعوه و صنعوه اعتراضى على هذا القانون انه قانون وضعت ثغراته قبل ان يوضع القانون نفسه .
نحن نريد محكمة ثورة نريد ان نخلص انفسنا كما خلص الرومانيين انفسهم من تشاوشيسكو و قذارته .
الجميع يعلم ان مبارك و من معه اما سياخذون برأة او احكام مخففة لأن القوانين الفاسدة التى وضعوها لن تورطهم فى شئ مما اقترفوه بايديهم الاثمة .
نحن جميعا كشعب مصر زهقنا من مبارك و زهقنا من المجلس العسكرى و ايضا زهقنا من عبدة الحكام المتخصصين فى هذا :h034[1]::h034[1]::h034[1]::h034[1]::h034[1]::h034[1]::h034[1]::h034[1]::h034[1]::h034[1]:

 

[sam_007]

رد: تحطيم جدار لسفارة اسرئيل بالقاهرة

بقيت القضيه فلاح ومش فلاح
والله مصر نصها فلاحيين وللعلم البرادعى اصوله ريفيه
برضه
وبما انك شايف كلامى نكت يعنى تهريج فاحسن لى ما اتعبش نفسي
لان البرمجه عاليه وصعب تعديلها
وشوف حد تانى اتسلى عليه انا مش فاضى
للتهريج ده
سلام
​

بردة كالعادة بتمسك فى كلمة و تعمل فيها حوار و تسيب الموضوع كله
ياااا محترم البرادعى مالة؟؟ سؤال بسيط اهوه! ممكن اجابة؟

 

[الحـاكــم العسكــرى]

رد: تحطيم جدار لسفارة اسرئيل بالقاهرة

أحلى حاجة فينا جميعا

ممكن حد يقول كلمة بسيطة يغير مسار الموضوع 360 درجة

لو إحنا عيزين نتكلم فى موضوعات عامة ونرد على بعض ليه منعملش قسم للشات فى المنتدى

يكون أفضل

يعنى مثلا موضوع السفارة أظن ان احنا طلعنه منه واتكلمنه فى 13 موضوع تانى ملهاش اى علاقة باللى حصل للسفارة الاسرائيلية

ها يا أخ حسام ايه رأيك والاخ mody100 أيه رأيك ؟؟؟

مفيش تفرقة أهه سألتكم أنتم الـ 2 ههههههه لا نفرق بين أحد على حساب الاخر

اهم شئ ان فى الاخر يا اما يقتنع أحد بوجهة نظر الاخر يا إما كل شخص له وجهة نظره تحترم دون أى زعل ونفضل أخوات وأصدقاء


​

 

[mody100]

رد: تحطيم جدار لسفارة اسرئيل بالقاهرة

:a023[1]::a023[1]:رسالة الى الاخ مودى روح عيش فى المريخ احسن بتقولى المحاكمات العادلة فى نظرنا هى التى تنتهى بالأعدام معلش احنا بنحاكمهم طبقا لقانون هما اللى وضعوه و صنعوه اعتراضى على هذا القانون انه قانون وضعت ثغراته قبل ان يوضع القانون نفسه .
نحن نريد محكمة ثورة نريد ان نخلص انفسنا كما خلص الرومانيين انفسهم من تشاوشيسكو و قذارته .
الجميع يعلم ان مبارك و من معه اما سياخذون برأة او احكام مخففة لأن القوانين الفاسدة التى وضعوها لن تورطهم فى شئ مما اقترفوه بايديهم الاثمة .
نحن جميعا كشعب مصر زهقنا من مبارك و زهقنا من المجلس العسكرى و ايضا زهقنا من عبدة الحكام المتخصصين فى هذا :h034[1]::h034[1]::h034[1]::h034[1]::h034[1]::h034[1]::h034[1]::h034[1]::h034[1]::h034[1]:

مش بقول
الامر تحول لتبديل ادوار وليس اصلاح وارساء دوله الحق والعدل والقانون !!!!!!
القانون المخرم موضوع منذ 100 سنه فى ال 100 سنه الجايه ورينى هتحط قاون شكله ازاى !!!!!!
ان يطبق القانون على الظالم لهو قمه العدل والانجاز للثوره
وقمه التحقير و العار لمن تعدوه وخرموه
وجعلوه اداه لظلم معارضيهم
المحاكم الثوريه
بتاخد العاطل بالباطل تحكم بالاعدام على السارق
وبالمؤبد على القاتل وعلى حسب اهواء الثوريين
احكام جزافيه تعتمد على الهوجه
وليست على بينه قاطعه واسلوب تقاضى محترم يفتخر به اولادنا بعد كده ويجعلوه مثل وقدوه ليهم قدام العالم عشان
يعرف حضاره مصر ورقيها
ثوره 52
اعتمدت اسلوب المحاكم الثوريه
فوصل الحال لايه؟؟
لثوره 25 يناير
وللاسف لا بنقرا ولا بنتعلم
العالم كله بيتفرج على اسلوب مصر والمصريين فى محاكمه جلاديهم
العالم العربى خصوصا يراقب الامر
هل سيتاخذه قدوه له ام سيستحقره و يستحقر المصريين معه؟؟
ولا مؤاخذه لا تقارن اسلوب دوله بلقانيه لم
يتجاوز عمرها فى الدنيا عشرات السنين
ببلد متحضر وراقى يتجاوز عمرها الالاف السنين
علم الدنيا ماهو القانون والضمير ومعنى الدوله الحقه
لم يعرف عنا اساليب الانتقام الهمجيه تلك
التى لا تنتسب لمصريتنا باى حال من الاحوال
نتركها لدول اخرى الهمجيه هى عنوانها
​

 

[mody100]

رد: تحطيم جدار لسفارة اسرئيل بالقاهرة

أحلى حاجة فينا جميعا

ممكن حد يقول كلمة بسيطة يغير مسار الموضوع 360 درجة

لو إحنا عيزين نتكلم فى موضوعات عامة ونرد على بعض ليه منعملش قسم للشات فى المنتدى

يكون أفضل

يعنى مثلا موضوع السفارة أظن ان احنا طلعنه منه واتكلمنه فى 13 موضوع تانى ملهاش اى علاقة باللى حصل للسفارة الاسرائيلية

ها يا أخ حسام ايه رأيك والاخ mody100 أيه رأيك ؟؟؟

مفيش تفرقة أهه سألتكم أنتم الـ 2 ههههههه لا نفرق بين أحد على حساب الاخر

اهم شئ ان فى الاخر يا اما يقتنع أحد بوجهة نظر الاخر يا إما كل شخص له وجهة نظره تحترم دون أى زعل ونفضل أخوات وأصدقاء


​

الحكايه عامله زى احجار الدومينو
بتكر بعضها
​

 

[الحـاكــم العسكــرى]

رد: تحطيم جدار لسفارة اسرئيل بالقاهرة

الحكايه عامله زى احجار الدومينو
بتكر بعضها
​

هى دى حال الدنيا
​

 

[رايه الاسلام 2]

رد: تحطيم جدار لسفارة اسرئيل بالقاهرة

لاحول ولاقوه الا بالله

 

[الحـاكــم العسكــرى]

رد: تحطيم جدار لسفارة اسرئيل بالقاهرة

إسرائيل تستدعى السفير المصرى بعد تصريحات "شرف" حول "كامب ديفيد"


الجمعة، 16 سبتمبر 2011 - 15:26

السفير المصرى لدى تل أبيب ياسر رضا



ذكرت صحيفة "يديعوت أحرونوت" الإسرائيلية، على موقعها الإلكترونى، أن وزارة الخارجية الإسرائيلية استدعت اليوم، الجمعة، ياسر رضا، السفير المصرى لدى إسرائيل، لبحث تصريحات رئيس الوزراء عصام شرف حول إمكانية إعادة فتح المفاوضات حول اتفاقية "كامب ديفيد" للسلام.

وقالت الصحيفة، إن الاجتماع استغرق 30 دقيقة بين السفير المصرى ورافى باراك، المدير العام لوزارة الخارجية الإسرائيلية، الذى شدد على أن إسرائيل لا تنوى من جانبها إعادة فتح المفاوضات فى اتفاقية كامب ديفيد تحت أى ظرف من الظروف.

ونقلت الصحيفة عن المدير العام بوزارة الخارجية الإسرائيلية قوله، إن إسرائيل ليست سعيدة من تلك التصريحات، مشيرة إلى أن اتفاقية كامب ديفيد الموقعة فى عام 1979 تتضمن بنداً يسمح لكل من الطرفين الموقعين عليها بتجديد المداولات حول كل مادة فى الاتفاقية.​

 

[prog_ahmed]

رد: تحطيم جدار لسفارة اسرئيل بالقاهرة

الشعب السوري منذ 6 اشهر يذبح من مجرمي بشار الاشد ولا حياة لمن تنادي من قبل المجتمع الدولي اقتحام السفاره الاسرائيليه قبل ساعه اتصال مباشر بين اوباما ونتنياهو خوفي عليكم يا مصر ابناءها يجرونها الى الهاويه والوصايه الدوليه على مصر تلوح بالافق والدوله القبطيه في الجنوب تقول لكم نحن قادمون .... ​

المسيحيين والمسلمين فى مصر أخوه و مفيش الأحتقان الكبير أوى ده ألا عند ناس معينه و الأعلا بيهيج الدنيا ديه حاجه


تانى حاجه المسلمين فى كل شبر فى وادى النيل يعنى هما جزء لا يتجزء من المجتمع مش متجمعيت فى الجنوب

 

[prog_ahmed]

رد: الان اقتحام سفارة إسرائيل في القاهرة - فيديو

ليه لا يكون صرنا اسرائيل و احنا ما ندري

لا حابيبى السعوديه فوق راسنا من فوق بس دايمن فى بلطجيه ( مأجورين ) بيدخلو وسط أى مظاهره عشان يبوظوها فيقوم يقولو هما دول شباب الثوره هجموا على سفاره السعوديه دول هاجمو على أفراض الجيش و صوره الشباب تبقى وحشه أنا كنت هناك وحضرت الموضوع كله :b070[1]: