الايجل بقا نسخة خاصة ظبطنالك اوباما اهو ملكش حاجه صباح الفل يا كبير فعلا العلاقات هاتتقدم جدا الناس كانت بتقول ان مفيش جديد من امريكا وشعرة معاوية مصر وامريكا مايستغنو عن بعض المصالح بتصالح والاماريكان هيدوك علي قد قدرتك علي استخدام اوراقك كويس
فعلاً متذكر الكلام ده
وده الوضع المنطقي لكن نقطة " خير " دي مش متأكد منها
الدول العظمى وخصوصاً أمريكا مبيرضوش بالمشاركة وهو ده اللي قالقني
أمريكا لو حست بإنه البساط هاينسحب من تحت رجلها في المنطقة والسبب مصر
هتبان على وشها الحقيقي الوش اللي غزى العراق وأفغانستان
وده اللي مخليني مشفق على سياستنا الخارجية والقائمين عليها هيبقوا عاملين زي
مدرب السيرك اللي مضطر يتعامل مع حيوانين مختلفين في قفص واحد
دب شرس وأسد غدار
ولمن يقرأ التاريخ يعرف ان مصر أيام الرئيس الراحل عبد الناصر
كانت في البداية بوضع مشابة في مرحلة ما بتحاول انها توازن بين القوتين ولا تنجرف لواحدة عن الأخرى
لكن دفعتها أمريكا وكلابها دفع للمعسكر الأخر طبعاً لهدف بل لأهداف كتير
وهييجي اليوم اللي نفتكر فيه ان إدارة أوباما الحالية مع كينيدي زمان
من أفضل الإدارات وأقلهم ضرراً اللي مسكوا أمريكا
وصفقة زي الأف 15 أو سو 35 مش مجرد صفقة طائرات
لأ
الموضوع أكبر من كده ولذلك أعتقد والله أعلم أمريكا وروسيا هايرموا بأكبر وأكتر كروت عندهم
عشان نختار بينهم مش نختار بين مجرد طيارتين
انا مش شايف الخبر تحسن فى العلاقات زيكم
لو اتوافق على الغاء القيود انا شايفه تغيير اوراق اللعب
خصوصا انهم ادركوا ان كارت منظمات المجتمع المدنى تم حرقه تماما منذ ثوره 30 يونيو
او ممكن يكون ده شرط مصرى لعودة مناورات النجم الساطع واسبقية مرور السفن الامريكيه ..الخ
مش متفائل بتحسن كبير فى العلاقات سواء من الاداره الحاليه او ادارة هيلارى
المعونه غالبيتها هتبقى دعم تقنى وهيل فاير وهاربون وانظمه مراقبه حدود ..الخ
معتقدش ولا عايز اى صفقات جديده كبيره للجويه خصوصا
يا إخوانا لازم نفهم امريكا بتدار ازاي كدوله موسسات حقيقيه :
كل حاجه هنا بتمشي في خطوات لازم غطاءها القانوني يكون موجود
يعنيً لو شركه X حابه تعرض علي مصر سلاح Y بيكون الكلام مجرد كلام لوجود قيود علي العلاقات العسكريه و اي اتفاق قد يتسبب في مشكله قانونيه للشركه و مصر عارفه الكلام دا
بزوال القيود تزول تلك المحاذير و تستطيع مصر مخاطبه الشركات مباشره و تستطيع الشركات الرد بمخاطباتً رسميه
في خير ان شاء الله جاي من الأمريكان
برفع القيود نقدر نتفاوض رسمي مع اللينتاجون و الشركات
مانرفعش سقف التوقعات للايجل مثلا ( هيا شبه مستحيل زي ما قلت قبل كده ) لاكن احنا محتاجين الأمريكان في عمود قواتنا الجويه الفقري و هو ال f16
محتاجنهمً في M1A1 محتاجين زخاءر محتاجين اباتشي
من الجنون ان تعتمد علي امريكا ل 30 سنه و بعدها تقول مش محتاج امريكا
العلاقات لازم ترجع لمستواها الطبيعي و اتمني أفضل من مستواها السابق بدون تبعيه طبعا
مصر اثبتت قدرتها علي الاستغناء عن الخضوع لامريكا و هما فهمه دا كويس
و زي ما قلت انتظروا اخبار جيده جدا باْذن الله العظيم