- إنضم
- 7 أغسطس 2020
- المشاركات
- 1,456
- التفاعل
- الدولة
"بيت هيجست".. مذيع سابق في فوكس نيوز من مواليد 1980.. جندي سابق في الجيش الأمريكي خدم في الحرس الوطني واشترك في حرب العراق سنة 2005 ضمن قوات العمليات الخاصة .. في حرب العراق خد وسام النجمة البرونزية "ده وسام يمنح لأفراد الجيش الأمريكي اللى عملوا عمليات بطولية في الحرب".. اترقي بعدها الى رتبة رائد.. موصلش لرتبة جنرال ولا عميد لكن ملف خدمته العسكرية متضخم جدا.. خصوصا بعد ما كان قائد فصيلة في معتقل جوانتانامو وكان مسئول عن معاملة المعتقلين الغير ادمية أسرى طالبان والقاعدة في غوانتانامو الأميركية".. كان له موقف قوى جدا في الدفاع عن جنود امريكان قتلوا مدنيين بالعمد في العراق..
بيت هيجست كان متطوع ضمن القوات الامريكية في أفغانستان.. كان بيدرب قوات الامن الأفغانية الموالية للأمريكان.. القوات اللى هربت بعد كده متشعلقه في عجل الطيارات لما ترامب قرر يسلت ايده من أفغانستان واللى فيها سنة 2021..
هيجست هو مؤلف "كتاب الحملة الصليبية الامريكية.. طريقنا للبقاء أحرارا".. وده كتاب كارثي مينفعش ابدا يتصنف انه صليبي متطرف خالص.. ريتشارد قلب الأسد ورينو دى شاتيون نفسهم لو قاموا من تربتهم وحبوا يكتبوا كتاب يوثقوا فيه كراهيتهم للإسلام والمسلمين مش هيكتبوا كتاب زى ده ابدا.. الراجل ده عدى كل مراحل الكراهية ووصل الى مرحلة مرعبة غير مسبوقة.. انا مشفتش ولا سمعت في حياتي عن حد بيكره الإسلام كديانة للدرجة المرعبة دى.. في الكتاب ده خصص هيجست الفصل ال 12 كله لتوثيق نظرته وكراهيته وعداوته للإسلام.. الناس اللى قبله كانوا بيلعبوا بالألفاظ ويقولوا الإسلام حلو بس في بعض المسلمين متطرفين ووقت الجد بياخدوا الحابل بالنابل.. لكن الجدع ده مختلف.. هو عنده مشكلة وكراهية للإسلام نفسه كديانة .. هو شايف الإسلام نفسه دين وحش.. كراهية عنيفة عمرك ما سمعت عن حاجه زيها قبل كده
بيت هيجست هو الموثوق فيه من ترامب لمنصب وزير الدفاع.. مجرد ترشيحه عمل قلق وخرم في دماغ أمريكا نفسها.. صحيح ان ترامب له دراويش من جماعة "تحيا أمريكا" ماشيين وراه زى قطيع الخرفان.. ومع ذلك موصلتش معاهم لسه لحد الموافقة على اختيار واحد زى ده..
ليه بقى؟
الكلام اللى جاى ده مش كلامي خالص.. ده مجرد تفسير للوشوم اللى ماليه جسمه.. نقلت التفسيرات دى من موقع اسمه رسائل دينية في مقال اتنشر بتاريخ 16 يناير 2025 بعنوان "لم يتطرق أي عضو في مجلس الشيوخ إلى الجزء الأكثر خطورة في خلفية بيت هيجست: علاقاته بالقومية المسيحية البيضاء ..
القومية المسيحية البيضاء دى ملخصها كده انها في حالة عداء مع كل افراد الكوكب الا الصهاينة.. والعداء عندهم ملوش الا تفسير واحد.. القتل..
على صدر هيجست في وشم صليب القدس او الصليب الاورشليمي.. ده عبارة عن صليب كبير متحاوط ب 4 صلبان يونانية صغيرة.. كل صليب منهم يمثل واحد من الاناجيل المسيحية الأربعة.. مفيش اى مشكلة مع الشعار ده الا انه كان الشعار الرسمي لمملكة القدس اللاتينية اللى قامت في القدس سنة 1099م بعد الحملة الصليبية الأولى "حملة الامراء".. الحملة بتاعة ريمون دو سانت جيل وجودفرى دى بوايون وبلدوين اوف بولونيا وبوهيموند الاول وروبرت اوف كورتز وستيفان دى بلوا.. الحملة الرهيبة اللى انتهت بالصليبيين راكعين في محراب كنيسة القيامة في القدس بيشكروا ربنا على منحه إياهم الأرض المقدسة بينما اياديهم تقطر دم الكفار "اللى هما احنا" بينما في خارج الكنيسة تغوص رجول خيولهم لحد الركب في دماء 70 الف ضحية قتلوهم في يوم واحد حسب ما حكى اميرهم ريمون دو سانت جيل في كتابه "تاريخ الفرنجة غزاة بيت المقدس".. مذبحة معرة النعمان اللى شووا فيها الأطفال واكلوهم كانت مجرد مذبحة صغيرة اوى من مذابح الحملة دى..
اهو وزير دفاع أمريكا ده حاطط شعار الحملة دى على صدره.. مش شعار ليفربول ولا حاجه..
طيب ماهو ممكن ميكونش فاهم ايه ده بالظبط.. جايز يكون لقى شكل الصليب حلو فراح عامل الدق ده.. ماهو الصليب ده كمان موجود على علم جورجيا يعنى مهواش جديد ولا حاجه.. والناس دى اغلبها جهلة بياخدوا الحاجه بالشكل..
وارد برضه.. لكن ينفى وجهة النظر دى الوشم الثاني المكتوب فيه "Deus Vault".. ودى جملة لاتينية معناها "انها إرادة الرب".. ده نفس الشعار اللى طلعت بيه الحملات الصليبية كلها من أوروبا للشرق.. البابا اوربان لما حب يسخن الجو ويزق الناس علشان تحارب.. قالهم روحوا هناك الناس دى عندها ارض مليانه لبن وعسل.. وراح رازع وراها الجملة دى.. انها إرادة الرب.. فالناس اتجننت وخرجت تهتف وراه.. انها إرادة الرب..
في كتابه الحملة الصليبية الامريكية كتب بيت هيجست فصل كامل بعنوان "اشكروا الصليبيين".. اقتبس منه اول سطرين فيه..
"مثل إخوتنا المسيحيين قبل ألف عام، يتعيّن علينا أن نقاتل، نحن في احتياج إلى حملة صليبية أميركية، ونحن المسيحيون، إلى جانب أصدقائنا اليهود وجيشهم الرائع في إسرائيل، في احتياج إلى حمل سيف أميركا بلا اعتذار والدفاع عن أنفسنا"..
ملخص الفصل ده أن كل الناس اللى عايشه في عز الحضارة الغربية دلوقتي لازم يشكروا الصليبيين لانهم السبب في كل ده.. وطبعا السبب هنا هو العنف اللى انتهجته الحملات الصليبية من اول ما خرجت.
بمناسبة الكتاب الكارثي ده.. في كاتب اسمه حسن قطامش ترجم الفصل ال 12 بس من الكتاب.. الفصل اللى بيطرش فيه الراجل ده كل كراهيته للإسلام والمسلمين..
في ديسمبر 2024 اتنشر مقال في مجلة نيويوركر عبارة عن شكوى من واحد كان بيشتغل في منظمة غبر ربحية بيديرها بيت هيجست.. بيحكي الراجل وبيقول ان بيت هيجست في حفل رسمي شرب لحد ما سكر وبعدها بدأ يصرخ ويقول "اقتلوا كل المسلمين" بشكل كان مرعب للحضور..
مين اللى بيقول ومين اللى بيحكي ومين اللى بيشتكي ومين اللى خايف؟؟
مواطن امريكي مسيحي.. الكلام ده نقلا عن مقال في مجلة نيويوركر كتبته الصحفية جين ماير..
ايه نوع التواصل او الاتفاقات اللى ممكن تحصل معاهم في وجود شخص زى ده؟؟
مش قادر اشوف اى حاجه..
كان الله في عون الكوكب من امثال هؤلاء المجانين..
منقول ..
بيت هيجست كان متطوع ضمن القوات الامريكية في أفغانستان.. كان بيدرب قوات الامن الأفغانية الموالية للأمريكان.. القوات اللى هربت بعد كده متشعلقه في عجل الطيارات لما ترامب قرر يسلت ايده من أفغانستان واللى فيها سنة 2021..
هيجست هو مؤلف "كتاب الحملة الصليبية الامريكية.. طريقنا للبقاء أحرارا".. وده كتاب كارثي مينفعش ابدا يتصنف انه صليبي متطرف خالص.. ريتشارد قلب الأسد ورينو دى شاتيون نفسهم لو قاموا من تربتهم وحبوا يكتبوا كتاب يوثقوا فيه كراهيتهم للإسلام والمسلمين مش هيكتبوا كتاب زى ده ابدا.. الراجل ده عدى كل مراحل الكراهية ووصل الى مرحلة مرعبة غير مسبوقة.. انا مشفتش ولا سمعت في حياتي عن حد بيكره الإسلام كديانة للدرجة المرعبة دى.. في الكتاب ده خصص هيجست الفصل ال 12 كله لتوثيق نظرته وكراهيته وعداوته للإسلام.. الناس اللى قبله كانوا بيلعبوا بالألفاظ ويقولوا الإسلام حلو بس في بعض المسلمين متطرفين ووقت الجد بياخدوا الحابل بالنابل.. لكن الجدع ده مختلف.. هو عنده مشكلة وكراهية للإسلام نفسه كديانة .. هو شايف الإسلام نفسه دين وحش.. كراهية عنيفة عمرك ما سمعت عن حاجه زيها قبل كده
بيت هيجست هو الموثوق فيه من ترامب لمنصب وزير الدفاع.. مجرد ترشيحه عمل قلق وخرم في دماغ أمريكا نفسها.. صحيح ان ترامب له دراويش من جماعة "تحيا أمريكا" ماشيين وراه زى قطيع الخرفان.. ومع ذلك موصلتش معاهم لسه لحد الموافقة على اختيار واحد زى ده..
ليه بقى؟
الكلام اللى جاى ده مش كلامي خالص.. ده مجرد تفسير للوشوم اللى ماليه جسمه.. نقلت التفسيرات دى من موقع اسمه رسائل دينية في مقال اتنشر بتاريخ 16 يناير 2025 بعنوان "لم يتطرق أي عضو في مجلس الشيوخ إلى الجزء الأكثر خطورة في خلفية بيت هيجست: علاقاته بالقومية المسيحية البيضاء ..
القومية المسيحية البيضاء دى ملخصها كده انها في حالة عداء مع كل افراد الكوكب الا الصهاينة.. والعداء عندهم ملوش الا تفسير واحد.. القتل..
على صدر هيجست في وشم صليب القدس او الصليب الاورشليمي.. ده عبارة عن صليب كبير متحاوط ب 4 صلبان يونانية صغيرة.. كل صليب منهم يمثل واحد من الاناجيل المسيحية الأربعة.. مفيش اى مشكلة مع الشعار ده الا انه كان الشعار الرسمي لمملكة القدس اللاتينية اللى قامت في القدس سنة 1099م بعد الحملة الصليبية الأولى "حملة الامراء".. الحملة بتاعة ريمون دو سانت جيل وجودفرى دى بوايون وبلدوين اوف بولونيا وبوهيموند الاول وروبرت اوف كورتز وستيفان دى بلوا.. الحملة الرهيبة اللى انتهت بالصليبيين راكعين في محراب كنيسة القيامة في القدس بيشكروا ربنا على منحه إياهم الأرض المقدسة بينما اياديهم تقطر دم الكفار "اللى هما احنا" بينما في خارج الكنيسة تغوص رجول خيولهم لحد الركب في دماء 70 الف ضحية قتلوهم في يوم واحد حسب ما حكى اميرهم ريمون دو سانت جيل في كتابه "تاريخ الفرنجة غزاة بيت المقدس".. مذبحة معرة النعمان اللى شووا فيها الأطفال واكلوهم كانت مجرد مذبحة صغيرة اوى من مذابح الحملة دى..
اهو وزير دفاع أمريكا ده حاطط شعار الحملة دى على صدره.. مش شعار ليفربول ولا حاجه..
طيب ماهو ممكن ميكونش فاهم ايه ده بالظبط.. جايز يكون لقى شكل الصليب حلو فراح عامل الدق ده.. ماهو الصليب ده كمان موجود على علم جورجيا يعنى مهواش جديد ولا حاجه.. والناس دى اغلبها جهلة بياخدوا الحاجه بالشكل..
وارد برضه.. لكن ينفى وجهة النظر دى الوشم الثاني المكتوب فيه "Deus Vault".. ودى جملة لاتينية معناها "انها إرادة الرب".. ده نفس الشعار اللى طلعت بيه الحملات الصليبية كلها من أوروبا للشرق.. البابا اوربان لما حب يسخن الجو ويزق الناس علشان تحارب.. قالهم روحوا هناك الناس دى عندها ارض مليانه لبن وعسل.. وراح رازع وراها الجملة دى.. انها إرادة الرب.. فالناس اتجننت وخرجت تهتف وراه.. انها إرادة الرب..
في كتابه الحملة الصليبية الامريكية كتب بيت هيجست فصل كامل بعنوان "اشكروا الصليبيين".. اقتبس منه اول سطرين فيه..
"مثل إخوتنا المسيحيين قبل ألف عام، يتعيّن علينا أن نقاتل، نحن في احتياج إلى حملة صليبية أميركية، ونحن المسيحيون، إلى جانب أصدقائنا اليهود وجيشهم الرائع في إسرائيل، في احتياج إلى حمل سيف أميركا بلا اعتذار والدفاع عن أنفسنا"..
ملخص الفصل ده أن كل الناس اللى عايشه في عز الحضارة الغربية دلوقتي لازم يشكروا الصليبيين لانهم السبب في كل ده.. وطبعا السبب هنا هو العنف اللى انتهجته الحملات الصليبية من اول ما خرجت.
بمناسبة الكتاب الكارثي ده.. في كاتب اسمه حسن قطامش ترجم الفصل ال 12 بس من الكتاب.. الفصل اللى بيطرش فيه الراجل ده كل كراهيته للإسلام والمسلمين..
في ديسمبر 2024 اتنشر مقال في مجلة نيويوركر عبارة عن شكوى من واحد كان بيشتغل في منظمة غبر ربحية بيديرها بيت هيجست.. بيحكي الراجل وبيقول ان بيت هيجست في حفل رسمي شرب لحد ما سكر وبعدها بدأ يصرخ ويقول "اقتلوا كل المسلمين" بشكل كان مرعب للحضور..
مين اللى بيقول ومين اللى بيحكي ومين اللى بيشتكي ومين اللى خايف؟؟
مواطن امريكي مسيحي.. الكلام ده نقلا عن مقال في مجلة نيويوركر كتبته الصحفية جين ماير..
ايه نوع التواصل او الاتفاقات اللى ممكن تحصل معاهم في وجود شخص زى ده؟؟
مش قادر اشوف اى حاجه..
كان الله في عون الكوكب من امثال هؤلاء المجانين..
منقول ..
