همسه في حب مصر

[Amoon]

السلام عليكم إخوانى الأعزاء
فى الموضوع ده الكل مدعوا للمشاركة بكتابة همسه أو بيت شعر أو معلومة أو موقف إيجابى يعبر به عن حبه لمصر .
و بالتأكيد المشاركة دى مش هى التعبير عن حبنا لمصر فحبها لا تصفه ولا تكفيه مجرد كلمات و لكن هو تسجيل حضور و علشان في ناس بتوجعهم مصر .
شخصياً هبدأ بكلمات الرائع الراحل صلاح جاهين

على اسم مصر التاريخ يقدر يقول ما شاء​

أنا مصر عندي أحب وأجمل الأشياء​

باحبها وهي مالكه الأرض شرق وغرب​

وباحبها وهي مرميه جريحة حرب​

باحبها بعنف وبرقة وعلى استحياء​

واكرهها وألعن أبوها بعشق زي الداء​

واسيبها واطفش في درب وتبقى هي ف درب​

وتلتفت تلقيني جنبها في الكرب​

والنبض ينفض عروقي بألف نغمة وضرب​