- إنضم
- 16 نوفمبر 2013
- المشاركات
- 1,352
- التفاعل
- الدولة
خبر قنبله !!
انباء عن احتمالية تعديل مسار خط غاز ايستميد ( شرق المتوسط) بحيث يعبر مصر بدلا من قبرص !!
اللى كاتب الخبر هو الصحف القبرصيه نفسها ، وفيه اصداء مماثله فى الصحف اليونانيه
المسار الاصلى لخط ايستمد كان من اسرائيل الى قبرص ثم كريت ، ثم اليونان
لكن ، لو حضرتك متابع معايا من فتره ، هتفتكر انى قلت وبشكل لا يدع مجالا للشك ، ان المسار ده فيه مشاكل فنيه (( وامنيه وسياسيه )) ، و ان المسار بيفترض انه يمشى فى مناطق عميقه جدا فى البحر تقارب 3 كم ، و فيها نشاط زلزالى ( غير المناكفه التركيه والصدامات المتوقعه حتى لو غير قانونيه) ، وبالتالى فالمشروع ممكن يبقى مكلف جدا ، و فى نفس الوقت غير امن ، وتنفيذه صعب !!
المسار الاصلى هو اللى باللون الازرق ، انما المسار المقترح الجديد ، انا رسمته باللون البرتقالى
باختصار ، الغاز يجى من اسرائيل ( وقبرص لان فيه خط فعلا تم الاتفاق عليه لتمديده بين البلدين ) ، و يمر بريا فى مصر ، لحد المنطقه الغربيه ( ناحية السلوم ) ، و بعدين يمتد شمالا الى كريت ، و يعتقد انه كده هيبقى تجاوز المنطقه شديدة العمق اللى بين قبرص و كريت ، وبالتالى تفادى الاشكاليه الفنيه المذكوره ( يقلل التكاليف طبعا ويزود الامان)
لو تذكرنا من شهر فكان وزير البترول المصرى فى زياره للسلطه الفلسطينيه و اسرائيل ، وخد موافقه ان مصر تبقى مسئوله عن تنمية الحقل الفلسطينى وتصدير الغاز اذا لزم الامر ( اذا اكتشفنا غاز ) ، اضافة الى (( ربط حقل ليفاثيان العملاق بوحدات الاساله المصريه )) يعنى دمياط على اقل تقدير
تقدر تراجع الخبر من هنا https://tinyurl.com/5894tnmd
انا يومها استغرب شويه ، لاننا فعليا بنجيب غاز من اسرائيل من خلال خط عسقلان - العريش ، عشان الاساله ، و اتفقنا خلاص مع قبرص على انشاء خط من حقل افروديت الى منشات الاساله المصريه ، طيب خلاص ، هنعمل ايه بقى بغاز ليفاثيان ؟!! يعنى منشات الاساله هتبقى متشبعه فعلا ؟ ولا احنا هنبنى محطات اساله جديده ؟!!
ثم ظهر هذا الخبر ، ليلقى الضوء على خطه ربما تكون جديده تماما ولم تعلنها مصر كالعادة ، لكن ربما تكون هى سبب الاتفاق الجديد مع اسرائيل و قبول اسرائيل مسأله المياه الفلسطينيه امام غزة !!
مصر لا تعلن الا بعد انتهاء الامور رسميا ، لكن ان صحت هذه الانباء وهذه الفكره ( التى تزعج قبرص بعض الشىء ، لكن فى نفس الوقت ، السياسه هى فن الممكن ، وربما يكون خط ايستمد مستحيلا فى مساره السابق ، وربما المسار الحالى سيكون افضل البدائل المتاحه فعلا ، باعتبار ان تركيا خارج اللعبه )
وربما كل ده يفسر حالة الاناضوليين الحاليه ، والرغبه العارمه السريعه فى اخذ اى قطعه من تورته الغاز بعد ان تسربت لهم هذه الاخبار التى ستنهى نهائيا ، اى دور تركى فى غاز شرق المتوسط ، وربما ايضا هذه الرغبه التركيه فى المصالحه مع مصر نظير دور ما فى الغاز ، يكون لها دور فى الاسراع القبرصى اليونانى ، للموافقه على هذا الاقتراح باعتباره افضل ما يمكن الحصول عليه خوفا من اى تقارب مصرى - تركى ، اذا تقدمت تركيا لمصر بعرض يصعب رفضه !!
حتى لو رفضت قبرص ، فان هذا لا يعنى اسرائيل كثيرا ، لان التصدير بالنسبه لها سيبقى موجودا ، كما ان مصر تستطيع انشاء الخط بريا ، وبحريا مع اليونان والتى لن ترفض باى حال خط مماثل باعتباره حلا منطقيا ، يفيدها ، ويفيد حليفتها القويه مصر
اذا صحت هذه التوقعات ، فستكون ضربه قاضيه بحق
مش هيبقى جول جبناه يا مصريين ، لا ، دى هتبقى القاضيه فعلا
