Arab Defense المنتدى العربي للدفاع والتسليح

أنا متى احزن لما اشوف مجموعه من الشباب طالعين بدراجات وانا مب وياهم? ، دراجة ال بي ام دبليو غالية و قطع غيارها نار و شكل المحرك قبيح و منبطح طالع للخارج و احلى صوت دراجة خذها قاعده ، يكون المحرك كاربيتر و تبريد هوائي ويكون الاقزوز طويل لين الآخر

والله تبي الصراحة المحرك البوكسر معجبني مره خصوصا على ذا البايك وشكله دخل مزاجي
بالنسبة للسعر ياخي الوكالات هنا نصابة مره مبالغين باسعارهم مره
يعني انا كنت ابغى بايك من هارلي رحت للوكاله لقيتهم بمية الف!
على اي اساس حاطينه بذا المبلغ!

احس محرك البوكس يضايق الواحد لما يكون في الزحمة و منخش بين السيارات جرب هذه الوكالة اسعارهم دائما ارخص من دراجات هارلي Victory Motorcycles أو اطلب دراجة مستعملة من امريكا

فيكتوري وقفوا للاسف صاروا ينتجون انديان بس
شكلها اصلا بطلب من امريكا لو ذا بس محتار للحين مدري وش اشتري

هل هذه اول دراجة تشتريها

يب ولا اتوقع قريب
يعني يبيلي ابو سنة كذا

اختيار الدراجة الاولى اصعب اختبار ، اتذكر واحد من الاصدقاء نشف ريجي وانا أقوله لا تأخذ هذه الدراجة لكنه ماسمع كلامي وبعد كذا شهر باع الدراجة وخذ دراجة من نفس الفئة اللي كنت انصحه فيها ، هو كان خايف من الدراجات الكبيرة و لهذا خذ صغيرة لكن الواحد لما يعرف يسوق الدراجة راح يسوق الكبيرة و الصغيرة

انا كنت افكر اشتري سبورستر يا 883 او 48 بس بعدها غيرت رأيي
السوفتيل عاجبني مره

بعطيك فكرة اجر الدراجة من الوكالة و جرب سواقتها اول ما نزلت الڤي رود اجرناها وكانت سوقاتها غير ممتعة و تشرب بترول لأن المحرك حاكر ، احلى دراجتين في فئة السوفتيل بنسبة لي الديلوكس و الفات بوي

اووه الفي رود ضمن الخيارات
صراحة السوفتيل فيه بايكات كثيره ودي فيها
الفاتبوي والفات بوب والبريك اوت
والسوفتيل سليم