فعلا" معاك حق وهوا ده من احد العوائق الى لسه باقيه للاقتصاد بس الكل عارف ان مستحيل حلها والشعب نسبه كبيرة منه خايفه من انسحاب الجيش و الدولة من التجارة علشان على قد ما هوا نقمة في بعض الأحيان ىبيكون نعمة في أوقات تانية الشركات في مصر لما بتدرك ان مفيش منافس بترفع الأسعار بشكل جنوني شكارة الاسمنت وصلت لأرقام فلكية بعد الثورة بسبب تقليل الإنتاج من مصانع الدولة او الجيش وده نتيجة ان اول لما الشركات دي بتدرك انها لوحدها بيتحدو للبيع بتسعيرة واحدة ويغلو الأسعار بشكل لا يحتمل وده بيوقف مشاريع كتير وبيرفع التكلفة وياريت رفع الأسعار ده بينعكس على موظفين الشركات دي لا ده بالعكس بينعكس على أصحاب الشركات فقط ونفس الموال في منتجات كتير منها لبن الأطفال فى 2017 كنا طول عمرنا ماعندناش مشكلة فيه الشركات قامو مخبين المخزون ومنعو إخراجه للسوق وعملو ازمة في مصر كلها لدرجة ان حتى لو معاك فلوس متقدرش تشترى والناس قعدت سنه و الجيش اتدخل واستورد 30 مليون عبوة للسوق الى استهلاكة 16 مليون لحل الازمه بشكل فورى وساعتها الحكومة مكنتش تعرف ان مصر عندها مصنع لبن أطفال ملك الدولة اسمه لاكتو مصر بينتج 35 مليون عبوة لكن كان كل إنتاجه بيتم تصديرة لأوروبا علشان لا ينافس القطاع الخاص داخل مصر وساعتها كان موضوع مضحك جدا" ان الدولة عندها مصانع عملاقة ووحوش بمعنى الكلمة فى كل المجالات لا تعلم عنها شئ شركات فى دول بتحلم انها تملكها وغير مستغله لاعتبارات حماية الاقتصاد ولما اكتشفت الشركات ان المصنع هيرجع يضخ للسوق المحلى حصلهم حالة هلع وبقو عمالين يخرجو المخزون زي المجانين الموضوع ده حصل في كل الصناعات زي السكر والدولة شغلت مصنع السكر بعد ماكانو مخبينه لخلق ازمه لكن لحسن الحظ ان مفيش مصنع غير لما تلاقى الدولة بتملك واحد زيه يقدر يكفى على انتاج السوق المحلى بالكامل نعمة ونقمه حل ده ايه ان الدولة تشوف اليه للسيطرة على الأسعار في السوق بشكل ما ومراقبة المخزون ومنع احتكار الأسعار من الآخر مفيش حد فيهم ملاك
ده البتروكيماويات و الاستزراع السمكي والتعدين البحث عن المعادن... بس انا شايف ان الشركة فشلت في انها تاخد جزء من السوق المصري وده فشل داخل الشركة ...( معلومه ) الصين يوم ما قالت انا عاوزه اعمل منافسة لشركات السيارت الكهربائية الصينية راحت جبتلهم إيلون ماسك ( شركة تسلا ) خلت الشركات تقف علي رجليها متعوضش .. لكن انا شايف ان الشركة فشلت وده مش عيب وبيحصل في اي سوق في العالم.. زاي سيطرة ( علي بابا) في الصين وخروج شركة ( اي بي) الامريكية من السوق الصيني خسرانه وكذا شركة خرجت بسبب جبروت الشركات الصينية في الاستحواذ علي الاسواق...من الاخر الشركة فشلت في مصر وزعلانه علي الخساره
بالفعل توجد دعوة تم رفعها من Vicat France ل International centre for settlement of investment disputes بتاريخ 22 يونيو ضد الحكومة المصرية لكن الذى يعرف وضع تلك الدعاوى انها تستهلك وقت كبير يمتد لسنوات وتحتاج لاثبات قوى وواضح بخرق لعقود والمنافسة وهذا غير متوفر فى حالة مصر .... Vicat نفسها رفعت دعوة على الحكومة السنغالية وكانو يمتلكو حجج اقوى لخرق التعاقد بفساد واضح لصالح شركة نيجرية وامتدت لسنوات وانتهت بدون حكم وتسوية وسحب الدعوة فالسبب الرئيسى ليس تعويض ولكن نوع من توجيه دعاية سلبية بشكل دولى وقانونى لعدم وجود قواعد منافسة فى السوق المصرى وفى الاغلب ستنتهى بتسوية فالشركة تعمل منذ 17 عاما فى مصر
هو الغريب ماهو علاقة نزاع تجارى محدود بمنتدى عسكرى ليتم عرضه ومناقشته؟! فى اى اطار فنى يتم نشره المفروض على الاقل يتم عرضه فى الموضوع المجمع للشأن الاقتصادى المصرى وليس خبر ذى حيثية ؟؟!!!
بس انا سمعت الكلام ده من شركات اسمنت كتير وحتي المهندسين العاملين فيها بيشتكوا ان منافسة الجيش قضت علي القطاع والعاملين فيهبلح، تلاقي المدير اللي فشل عايز يبرر فشله فقام كاتب اي كلمتين وحط فيهم احتكار وحقوق انسان والشريط ده وبعت ايميل للبنك الدولي وشكرا علي كده
الطرف فيه الحكومة المصرية حسب الدعوة نفسها والاهم الموضوع تجارى اقتصادى بحت ....فنقله للموضوع الاقتصاد المصرى ملائم
تمام
شايف انه هذا امر صحي؟ اقصد تدخل القوات المسلحه في السوق المدني؟
ليه؟
