الرئيس يعلن إلغاء حالة الطوارئ في مصر

[Nashab]

تحبس شخص لمجرد اشتباه حلوة اوي دي.

بالقانون يعرف بالإعتقال الإداري

 

[Ahmad falcon]

كل التوفيق لمصر في الايام القادمه
عندي ما يقارب 11 صديق يدرسون في مصر ومتواجدين في القاهره و6 اكتوبر والاسكندريه والمنصوره وكلهم مرتاحين ومبسوطين هناك والوضع ليس بالسوء الذي يتصوره البعض

 

[أبو يعقوب]

بلاش امريكا تتكلم عن فساد الشرطة ، علي الاقل بيحبسوه مش بيضربوه بالرصاص لمجرد الاشتباه علشان لونه اسود

شتان الفارق بينا و بين أمريكا في هذه الناحية

 

[Hunter2018]

انا كمصرى فخورررررررررررررررررررر جداااااا بالتقدم الذى يحدث لمصر فى جميع المجالات
تحيامصر
ولا عزاء للحاقدين

الجمهورية الجديدة ​

 

[hazemomier]

العيال الهوبأت هتتجن السيسي هيجبلهم جلطة والله
مانا عايش بقالي 33 سنة في مصر ومفيش حد من الشرطة قل أدبه عليا ولا أشتباه ولا غيره العيال دي هتموت من التطورات الايجابية اللي بتحصل كل يوم

مصر بتكبر وهتفضلوا تتنقطوا يوم وراء يوم

 

[احمد.32]

بصراحه وبعيد عن اى حاجه ..انا كمصرى مبسوط .مكنتش متخيل اننا هنقوم تانى بعد الى عمله الاخوان و30سنه حكم مصر ادمرت فيهم وكمان الاصلاح الإقتصادى الى حولنا نعمله كذا مره وفشلنا .والان نحن نوقف قانون الطوارئ وكمان بنبحث عن اسم للعاصمه الاداريه وعملين ليها مسابقه ..كنا فين وبقينا فين..هذا بفضل الله أولا وثانيا بفضل ابناء مصر الذين ضحو بروحهم الطاهر من اجل الشعب .وشعب صبور .وحكومه وطنيه تعمل من اجل مصر (اولا)

 

[General X]

يعني ايه إلغاء حالة الطواريء؟

ناس بتسأل عن ماهو قانون الطواريء الذي ألغاه الرئيس السيسي النهاردة ... وايه تبعات إلغاؤه ... وإحنا إستفدنا ايه؟

أولا : قانون الطواريء تم وضعه من قبل عبد الناصر ستة ١٩٥٨ (قانون رقم ١٦٢) وتم تفعيله في حرب ١٩٦٧ واستمرت حالة الطواريء حتى سنة ١٩٨٠ عندما ألغى تفعيله الرئيس السادات لمدة ١٨ شهر وعاد مرة أخرى سنة ١٩٨١ عقب إغتياله ... واستمر حتى ٣١ مايو ٢٠١٢ عندما ألغى المجلس العسكري حالة الطواريء ... وعاد مرة أخرى عقب أحداث فض رابعة والنهضة سنة ٢٠١٤ واستمر حتى الغاه الرئيس السيسي اليوم

ثانيا : قانون الطواريء هو قانون وقتي ومرتبط بحدث معين وحتى دستور ٢٠١١ (غزوة الصناديق) تم تعديل قرار مده تلقائيا كل ٣ سنوات ونص الدستور وقتها على إستفتاء الشعب لتمديده ولكن هذا الدستور تم إيقافه وتعديله بعد ٣٠ يونيو ٢٠١٣

ثالثا : قانون الطواريء بيعطي الدولة وأجهزتها الأمنية سلطات واسعة إستثنائية لتحقيق الأمن وفرض السيطرة لو كانت البلاد تتعرض لخطر إرهاب أو حرب أو حاجة مماثلة ... وينظر له الغرب نظرة ريبة وشك ... وطبعا المنظمات الحقوقية بترفض حالة الطواريء لأنها بتسمح بالتحفظ على بعض الأشخاص بدون محاكمات ... ولا بد عند إستمرار تفعيله أو تجديده أن يذكر صاحب القرار مدته وسببه ... وهو غير محبب لدى العديد من الدول المتقدمة لما فيه من فتح باب للظلم أو التعسف والقبض على المتظاهرين وما شابه من تصرفات ترى فيها الدولة تهديدا لأمنها

رابعا : ماذا يعني إلغاء العمل بقانون الطواريء اليوم ؟ هي رسالة للخارج والداخل أن مصر تعيش في أمن وأمان وأنها ستعود لتطبق القانون الطبيعي في كل إجراءاتها ... وهو يصعد بمصر للدول المحترمة في تصنيف الأمم المتحدة أو أي هيئة بتصنف الحاجات اللي زي دي ... والمفروض إن هيومان رايتس واتش تتحزم وترقص ... لكن دول غلاويين وحايلاقوا أي سبب يتلككوا بيه علينا

خامسا : ماهو تأثيره على حضراتكم؟ ولا حاجة لو إنتوا بني آدمين طبيعيين زي حالاتي ... ماشيين جنب الحيط ... ومع الدولة ... ومش بتوع مشاكل ... الناس اللي ستتأثر هم المحموقين دائما والثوار ومن شابههم ... فهي تعطي مساحة أكبر للتعبير "السلمي" عن المعارضة والرغبة في التغيير ... الخ ... والناس اللي مقبوض عليهم تحت مظلة قانون الطواريء لخطورتهم على الأمن القومي قد يتم إطلاق سراحهم (أعتقد مش متأكد) ...

هو خبر جيد ومبشر بالخير لكن معظمنا لن يشعر بأي تغيير في حياته

 

[حُذَيفة بن اليَمَانِ]

الاهم من الغاء قانون الطوارئ هوا وضع حد أقصي لفترات الحبس الاحتياطي
اسوء قانون في تاريخ مصر سيحاسب عليه عدلي منصور امام الله

ممكن تفضل سنتين محبوس 15 في 45 في 45 وهكذا وبعدين تطلع براءه ببقا هاين عليك تطلع تفجر قسم الشرطه علي اللي فيه

هههه عدلي منصور هو كان ليه لازمه أصلا

 

[Hunter2018]

العيال الهوبأت هتتجن السيسي هيجبلهم جلطة والله
مانا عايش بقالي 33 سنة في مصر ومفيش حد من الشرطة قل أدبه عليا ولا أشتباه ولا غيره العيال دي هتموت من التطورات الايجابية اللي بتحصل كل يوم

مصر بتكبر وهتفضلوا تتنقطوا يوم وراء يوم

عاملهم حالة من جنون البقر
مش عارفين يلاحقو من فين ولا فين
كل شوية السيسى بيفجر مفاجأة اكبر من الى قبلها
هم مرعوبييين حرفييا من الى ممكن توصل لية مصر بالمستوى دة خلال 10 سنين القادمة
السيسى بيفتح حرفيا كل الملفات الحساسة والى مكانش فى حد قبل كدة ممكن يتخيل ان ممكن حد يقربلها

مصر منطلقة بقوة الصاروخ ولن يستطيع احد ايقافها
​

 

[حُذَيفة بن اليَمَانِ]

عاملهم حالة من جنون البقر
مش عارفين يلاحقو من فين ولا فين
كل شوية السيسى بيفجر مفاجأة اكبر من الى قبلها
هم مرعوبييين حرفييا من الى ممكن توصل لية مصر بالمستوى دة خلال 10 سنين القادمة
السيسى بيفتح حرفيا كل الملفات الحساسة والى مكانش فى حد قبل كدة ممكن يتخيل ان ممكن حد يقربلها

مصر منطلقة بقوة الصاروخ ولن يستطيع احد ايقافها
​

تقريبا ومصر منطلقه الشعب هيقع من الصاروخ بالمنظر ده

 

[أبو يعقوب]

أعوذ بالله من الغلو​

 

[hazemomier]

تقريبا ومصر منطلقه الشعب هيقع من الصاروخ بالمنظر ده

دمكم يلطش يا خربيت تقل الدم

 

[احمد.32]

هههه عدلي منصور هو كان ليه لازمه أصلا

ممكن تختلف مع السيسى فى حجات كثير ولكن لا تستطيع ان تنكر حق الرجل

تقريبا ومصر منطلقه الشعب هيقع من الصاروخ بالمنظر ده

كان وقع فى عز الازمه صديقى (2014..2018) مصر اصبحت قويه وسوف تصبح اقوى ...انتقد بس لا تجعل كرهك لشخص يعميك عن الحقيقه او تنكر فضل أحد..من شيم الرجال الوقف فى الوسط وقول الحق

 

[Nighthawk]

انا مش مصدق نفسي يا لمبي

 

[Nighthawk]

لا يخضع شئ لمزاج الظابط ولا يستطيع اي ما كان احتجاز مواطن اكثر من 24 ساعه الا وجب العرض علي النيابه قصه مزاج او موش مزاج هذا لم نسمع عنه الا لو تقصد حالات الاشتباه فهذا امر اخر

يبقي أنت أكيد مش عايش معانه في المحروسة

 

[اندروبوف]

أفضل خبر سمعته عن مصر في ٢٠٢١.

الحمد لله ❤

 

[EL-3kaad]

حتى بقانون الطوارىء لا يمكن ان تحبس دون سبب

قانون الطوارىء يتيح احتجازك لمدة معينه ثم يطلق سراحك ..لا ان تلفق لك تهمه تضعك في السجن سنوات

اصبح لدينا قانون للارهاب يحاكم على اساسه الناس

والله انك كوميدي خطير يا جدع

 

[The Egyptian history]

كذب يا صديقي... هو يكرر ما يسمعه لا اكثر من المجرمين الابرياء المظلومين

قانون الطوارئ لا يطبق الا علي من هم خطر علي أمن الدولة أو النظام من وجهة نظر النظام طبعا إنما المجرمين والقتلة والبلطجية فالشوارع ملئ بهم ولا تجد من يردعهم

 

[EL-3kaad]

مصر اكتر بلد فيها قوانيين لكن لا تطبق علي أرض الواقع

 

[EL-3kaad]

تصفيه خمسه مواطنيين مصريين بتهمه قتل ريجيني

لو سمحت عايزين حقهم