السيسي: الأمن في مصر لا ينبغي أن يأتي على حساب الحرية

[الامير احمد]

بالنسبه للحريات في مصر فهي غير موجودة اصلا والي يقول غير كده يبقى كداب فيه اختفاء قسري وفيه ناس مظلومه كتير في السجن بدون أحكام ودي نقطة السيسى السوداء

في ناس معتقلة بس لان احد المقربين منها مطلوب.. لا يحدث هذا إلا في الدول القمعية.. ذنب ايه شخص انه يعتقل لان اخوه مثلا مطلوب!!

 

[الامير احمد]

الفديو ده سبب حبس اشرف حمدي كان فديو قديم كل الحكاية انو عملو شير على صفحته على فيس بوك اتقبض عليه تانى يوم تخيل

الالاف الناس معتقلين بس لكلمة رأي

زي الشاب اللي كان في التحرير قبل سنة أو أكثر رفع لافتة ارحل ولحد الان معتقل!!

 

[madodedo]

المفروض انو الموهوبين يتلقون دعم من الحكومة عشان يطبقون افكارهم على ارض الواقع يعني في كل العالم وخاصة في الدول المتطورة الدولة تقوم بالضغط على البنوك من اجل تمويل استثمارات وخاصة خريجي الجامعات والمهندسين وحتى تقوم بدفع الفوائد بدلا منهم بالاضافة الى امتيازات ضريبية وسهولة في التسديد القروض وغيرها من المساعدات الادارية الى حد ان اصبحت لديهم صناعات عملاقة ومتطورة واخرهم الهند والبرازيل الي طبقو هالبرنامج ومولو المشاريع الصغرى والمتوسطة ودعمو شباب وخريجي الجامعات والمهندسين الى حين ان قامت ثورة صناعية في البلدين وتحول البلدين الى اهم القوى الناشئة الجديدة
للاسف ماتقوله هو نفسه موجود في تونس وموجود في الكثير من الاقطار العربية وهو واقع ملموس

ده الى المفروض يحصل بس لعقود طويلة بعض الدول العربية طورت آلية لخنق الشباب وحسهم على السفر والعمل خارج الدول دى لغرض واحد جلب العمله الصعبه للدول دى وده طبعا تفكير ضيق جدا علشان الشباب دول لو تم دعمهم جوه البلد هيدخلو عمله صعبه اكتر للدولة وغير انو هيوطن صناعات كتير بتستوردها الدول دى وبتدفع عمله صعبه اكتر فى مقابلها و دوخينى يا لامونه

 

[Aymanop1709]

الالاف الناس معتقلين بس لكلمة رأي

زي الشاب اللي كان في التحرير قبل سنة أو أكثر رفع لافتة ارحل ولحد الان معتقل!!

الامير احمد وبتطاب بالديمقراطية ياخي طبقها انتا الاول

 

[الامير احمد]

الامير احمد وبتطاب بالديمقراطية ياخي طبقها انتا الاول

لا تخلط الأمور.. دا مجرد اسم ليس إلا.. خليك في الموضوع ايمن بيه

 

[Aymanop1709]

لا تخلط الأمور.. دا مجرد اسم ليس إلا.. خليك في الموضوع ايمن بيه

ماشي استاذ احمد كل سنة وانتا طيب

 

[lصفوان 22]

ده الى المفروض يحصل بس لعقود طويلة بعض الدول العربية طورت آلية لخنق الشباب وحسهم على السفر والعمل خارج الدول دى لغرض واحد جلب العمله الصعبه للدول دى وده طبعا تفكير ضيق جدا علشان الشباب دول لو تم دعمهم جوه البلد هيدخلو عمله صعبه اكتر للدولة وغير انو هيوطن صناعات كتير بتستوردها الدول دى وبتدفع عمله صعبه اكتر فى مقابلها و دوخينى يا لامونه

الحكومة اتخذت الطريق الاسهل وهو السياحة +المهاجرين للعملة الصعبة فقط وهي حلول سهلة ولكنها لاتخلق ثورة ولاتبني بلدا ولاتحقق ثروة

 

[الجوكر 88]

قريت خبر ان السيسي امر بحالة طوارى مجددآ
ياترى هذه المره الكم الذي يامر السيسي بحالة طواري

وانت مالك الي يسأل الي خايف أو عليه قضيه أو حكم أو إرهابى هما الي يخافو

 

[الجوكر 88]

بالنسبه للحريات في مصر فهي غير موجودة اصلا والي يقول غير كده يبقى كداب فيه اختفاء قسري وفيه ناس مظلومه كتير في السجن بدون أحكام ودي نقطة السيسى السوداء

لو إرهابيين يستاهل أن بيتقتلو مش يختفون بس

 

[الامير احمد]

لو إرهابيين يستاهل أن بيتقتلو مش يختفون بس

ذنب واحد اخ مطلوب ايه؟؟ ليه يعتقلوه

 

[الجوكر 88]

ذنب واحد اخ مطلوب ايه؟؟ ليه يعتقلوه

لو جريمه إرهاب أو علي قوائم جماعات محظوره عادي يعتقلون في أي وقت مش هو بس لا والي بيمسي معاه كمان اكيد لوثه هو كمان لو أنا هعمل كده

 

[Diespitze]

ذنب واحد اخ مطلوب ايه؟؟ ليه يعتقلوه

الارهابى اللى فجر نفسه امام معهد الاورام ألتقى اسرته قبل الحادثة بيوم واحد لتوديعهم ولم يبلغوا عنه.. اهل الارهابى لا يختلفوا كثيرا عن الارهابى نفسه.

فيديو| لحظة توديع إرهابي «تفجير معهد الأورام» لأسرته بحديقة الأزهر

بوابة أخبار اليوم الإلكترونية

akhbarelyom.com

 

[حازم عمر احمد]

اعرف شاب ممسوك بقاله 3 سنين من غير ميتحاكم ولا اهله عارفه طريقه

 

[عزت]

لو جريمه إرهاب أو علي قوائم جماعات محظوره عادي يعتقلون في أي وقت مش هو بس لا والي بيمسي معاه كمان اكيد لوثه هو كمان لو أنا هعمل كده

لا طبعا لا شرع ولا دين يسمح بكده ومن يفعل هذا هو أكبر داعم للإرهابيين لانه يثبت صحة بعض ما يقولون

 

[عزت]

الارهابى اللى فجر نفسه امام معهد الاورام ألتقى اسرته قبل الحادثة بيوم واحد لتوديعهم ولم يبلغوا عنه.. اهل الارهابى لا يختلفوا كثيرا عن الارهابى نفسه.

فيديو| لحظة توديع إرهابي «تفجير معهد الأورام» لأسرته بحديقة الأزهر

بوابة أخبار اليوم الإلكترونية

akhbarelyom.com

كلامك غير صحيح ومش معنى أن حالة حصلت بالصدفة يبقى كله كده

 

[الجوكر 88]

لا طبعا لا شرع ولا دين يسمح بكده ومن يفعل هذا هو أكبر داعم للإرهابيين لانه يثبت صحة بعض ما يقولون

الكلمه سلاح صعب ممكن تؤذي بشر ملهوش ذنب

 

[عزت]

الكلمه سلاح صعب ممكن تؤذي بشر ملهوش ذنب

صحيح وظلم الناس واخدهم بجرائم فعلها آخرون حتى لو اقرب الأقارب هو بداية انهيار اى مجتمع

 

[Diespitze]

كلامك غير صحيح ومش معنى أن حالة حصلت بالصدفة يبقى كله كده

هو مش كلامى،، ده خبر مدعوم بفيديو للارهابى واهله. ممكن توضح الكلام مش صحيح فى ايه بالظبط؟

 

[Egyptian Stud]

لو جريمه إرهاب أو علي قوائم جماعات محظوره عادي يعتقلون في أي وقت مش هو بس لا والي بيمسي معاه كمان اكيد لوثه هو كمان لو أنا هعمل كده

الكلمه سلاح صعب ممكن تؤذي بشر ملهوش ذنب

أهل التكفيري عادتا "أصوليين" يشاركونه الفكرة عالمستوى النظري لكن مش بالضرورة شركاء معه في الجريمة

 

[خبير استراتيجي في اى حرب]

مصر تحت الحكم العسكرى سبعين سنه .. ومحافظين لواءات جيش رؤساء شركات لواءات جيش رؤساء احياء لواءات جيش ..

عبد الناصر للسادات لمبارك للسيسي ..

الواحد كان متامل خير في السيسى ... بس طبيعه البشر وغريزه حب السلطه والحكم تعمى القلوب ...

ايه الفرق بينا وبين الحكم الملكي .. لاحياه سياسيه ولا نقد مسموح للحاكم العسكرى والا تهمه قلب نظام الحاكم العسكرى جاهزه .. تزوير انتخابات شغال .. .اتاوات اجباريه على التجار ايام الانتخابات .. برلمان مطبلاتي قمع معارضه موجود ... نيابه عامه مسيسه ... حبس احتياططى سنين بدون محاكمه عادى جدا سنين حبس بدون محاكمه وفى الاخر يخرج بعد سنين حبس طويله بدون محاكمه والامثله موجوده ... تعديل الدستور على مقاس الخاكم العسكرى وغيره وغيره من مبررات الانظمه الديكتاوريه واسالبيهم من قديم الازل

السؤال ايه الفرق بينه وبين مايسمى خليفه ديني ..

ناس خدعوا الناس باسم الدين الى يخرج عليا كافر .. واطيعوا الله واولى الامر الى هو الخليفه حتى انه يورث الحكم لابنائه باسم الدين ... و جنرالات مستاثرين بالحكم سبعين سنه ومتمكنين من مفاصل الدوله مش بالكفاءه ابدا ليس الا تكريما للفريق او اللواء فلان ... كلهم ديكتاوريات اتباعهم مغيبه عقولهم واحد باسم الدين والتاني باسم الامن القومي لنظام الخاكم العسكري



وفي الاخر يجى الحاكم العسكرى يدينا نصايح في حريه الراي
الحمد لله على نعمه تحرر العقل من عباده البشر وتأليههم