بتكلفة تتخطى نصف تريليون جنيه خلال ٣ سنوات يبدا تطوير كل قرى مصر

[egy13]

يا جماعة فيه ناس معينة لازم تعملولها تجاهل وتريحوا نفسكم .. فيه ناس الحوار معاها مضيعة للوقت وعقولها غير قابله للفهم اصلا .. متضيعوش وقتكم

 

[EL-3kaad]

انا من اسيوط وبقولك القري باستثناء الملاصقه للمراكز الباقي شبه معدوم
المراكز جيده كمستوي معيشه لكن القري اغلبهم معدوم

مشكله توزيع الثروه في مصر الكل بيصب في القاهره لو كل محافظه ليها قوانينها واستثمراتها الخاصه ودخلها يعود لتطويرها الدنيا هتبقي تمام الحل انها تصبح لا مركزيه

 

[Bright sky]

كلام اهل اسيوط وسوهاج في المعيشه جيدين
المشكله هجره الشباب من القري والابتعاد عن مجال الفلاحه والارض طبعا و مشاكل العشوائيات التي تبني علي الاراضي الخصبه دمرت كثير من الزراعه واصبح في صعوبه في ادخال بنيه تحتيه محترمه
مشكله مصر المركزيه وتعيين المحافظين لو اصبحت المحافظات كنظام فيدرالي كامريكا وكندا والمانيا بالانتخاب 90% من مشاكل المحافظات وقراها ستحل

انت بتغني و ترد علي نفسك ، ايه سبب هجرة الشباب من الارياف للمدن ، اهم الاسباب مفيش بنية تحتية قوية و بالتالي مفيش استثمارات ، اغلب محافظات الصعيد بيتم بناء مدن جديدة لها في الظهير الصحرواي زي اسيوط الجديدة و اسوان الجديدة و المنيا الجديدة الخ ،

النظام انتخاب المحافظين او نظام فيدرالي لا يصلح في مصر و الحمد الله ان الفكرة طرحت وتم رفضها لان مفيش مفهوم الديمقراطية الحقيقية عند الكثير من الشعب يعني لو فيه مرشح علي منصب المحافظ و كانت عائلته كبيره سينجح و هذا ما يحدث في مجلس الشعب في مناطق كثير في مصر، و منصب محافظ الاقليم مهم جدا لتطبيق سياسيات الدولة

 

[The scorpion.]

مشكله توزيع الثروه في مصر الكل بيصب في القاهره لو كل محافظه ليها قوانينها واستثمراتها الخاصه ودخلها يعود لتطويرها الدنيا هتبقي تمام الحل انها تصبح لا مركزيه

دوله لا مركزيه ف الشرق الاوسط وفي ظل الصراعات دائما وفي بلد جزء كبير منها جاهل والفقر فيها يزيد عن النصف ستنتهي بتقسيم الدوله فيما بعد وستكون نقطه ضعف ومتقوليش هتتقسم ع اساس ايه
انت مش امريكا ولا المانيا علشان الا مركزيه تنجح معنا

 

[الأرطبون]

ماشاءالله تبارك الله
مشاريع ضخمة ربي يتممها

هذا سيقلل الضغط أيضا على المدن الرئيسية ممايسبب نزول التضخم

الكل مستفيد

دائما أقول....مصر يجب أن تكون دولة عظمى
أقل من ذلك يعتبر خطيئة وتقصير

 

[Bright sky]

اهو دي المشاريع الممتازه وياريت ان يبني مصانع صغيره الحجم ف القري او مشاغل خياطه حتي

بالضبط المشاريع العملاقة في الموضوع ده مش هتكون حل ، لازم مشاريع متوسطة و صغيرة زي الاسر المنتجة كده ، لازم يبقي في مشاريع صغيرة للقري تحت اشراف الدولة لتحسين الدخل ، خاصا ان المشاريع الكبري مع تقدم التكنولوجيا مش محتاجة ايد عاملة كثير

 

[EL-3kaad]

انت بتغني و ترد علي نفسك ، ايه سبب هجرة الشباب من الارياف للمدن ، اهم الاسباب مفيش بنية تحتية قوية و بالتالي مفيش استثمارات ، اغلب محافظات الصعيد بيتم بناء مدن جديدة لها في الظهير الصحرواي زي اسيوط الجديدة و اسوان الجديدة و المنيا الجديدة الخ ،

النظام انتخاب المحافظين او نظام فيدرالي لا يصلح في مصر و الحمد الله ان الفكرة طرحت وتم رفضها لان مفيش مفهوم الديمقراطية الحقيقية عند الكثير من الشعب يعني لو فيه مرشح علي منصب المحافظ و كانت عائلته كبيره سينجح و هذا ما يحدث في مجلس الشعب في مناطق كثير في مصر، و منصب محافظ الاقليم مهم جدا لتطبيق سياسيات الدولة

الهجره ان ما فيش شغل وده في مصر كلها مش في القري بس ف حتي الاراضي الزراعيه اتبني عليها والاستثمارات الصناعيه شبه معدومه لانها بتتركز في مناطق القاهره الكبري
اما الانتخابات للبلديه والمحافظين فانا مع الفكره دي جدا المحافظ الوحش لو بتغير ذي اعضاء مجلش الشعب ما بيتغيرو الناس مش هتنتخب حد مبيشتغلش عشان من عيله فلان
جربنا نظام التعينات للمحافظين والبلديات من 70 سنه ومجبش نتيجه بالعكس خرب الدنيا
نجرب نظام الانتخابات ونقيم الموضوع

 

[The scorpion.]

بالضبط المشاريع العملاقة في الموضوع ده مش هتكون حل ، لازم مشاريع متوسطة و صغيرة زي الاسر المنتجة كده ، لازم يبقي في مشاريع صغيرة للقري تحت اشراف الدولة لتحسين الدخل

اهو ده كلام الناس العاقلين

انا مش مجنني غير فشخره اكبر واطول برج ف افريقيا والمباني اللي ع النمط ده
لو بنيت بيهم مصانع متوسطه او صغيره مش هيكون افضل ويعود لك بمقابل مادي ويحسن من دخل الفرد ويرفع الاقتصاد ويقل الاعتماد علي التصدير
لكن اقول لمين اجيي اتكلم هنا قربوا يرجموني

 

[الأرطبون]

بالضبط المشاريع العملاقة في الموضوع ده مش هتكون حل ، لازم مشاريع متوسطة و صغيرة زي الاسر المنتجة كده ، لازم يبقي في مشاريع صغيرة للقري تحت اشراف الدولة لتحسين الدخل ، خاصا ان المشاريع الكبري مع تقدم التكنولوجيا مش محتاجة ايد عاملة كثير

كل المشاريع ستفشل اذا انعدمت البنية التحتية
الذي اراه في الموضوع هو اللبنة الاولى للنهضة......بنية تحتية محترمة

 

[Lion84]

اهو ده كلام الناس العاقلين

انا مش مجنني غير فشخره اكبر واطول برج ف افريقيا والمباني اللي ع النمط ده
لو بنيت بيهم مصانع متوسطه او صغيره مش هيكون افضل ويعود لك بمقابل مادي ويحسن من دخل الفرد ويرفع الاقتصاد ويقل الاعتماد علي التصدير
لكن اقول لمين اجيي اتكلم هنا قربوا يرجموني

ايه المشكلة يعمل أطول برج في العالم ويكلف حتي ١٠٠ مليار دولار
هو بيدفع من الموازنة
دي مشروعات استثمارية
صحرا لا تساوي قرش تحولت إلي أبراج بمليارات
واللي هيدفع هو اللي هيشتري في مكان زي ده وعارف قيمته

 

[EL-3kaad]

دوله لا مركزيه ف الشرق الاوسط وفي ظل الصراعات دائما وفي بلد جزء كبير منها جاهل والفقر فيها يزيد عن النصف ستنتهي بتقسيم الدوله فيما بعد وستكون نقطه ضعف ومتقوليش هتتقسم ع اساس ايه
انت مش امريكا ولا المانيا علشان الا مركزيه تنجح معنا

لا مش معني ان تنتخب محافظ او البلديه انه يستقل ويعمل دوله

بالضبط المشاريع العملاقة في الموضوع ده مش هتكون حل ، لازم مشاريع متوسطة و صغيرة زي الاسر المنتجة كده ، لازم يبقي في مشاريع صغيرة للقري تحت اشراف الدولة لتحسين الدخل ، خاصا ان المشاريع الكبري مع تقدم التكنولوجيا مش محتاجة ايد عاملة كثير

اتفق قروض بدون فوايد لا صحاب المشاريع وبدون ضرايب اول خمس سنوات

 

[The scorpion.]

نجرب نظام الانتخابات ونقيم الموضوع

ف الصعيد الانتخابات كمجلس النواب محسومه لل عائلات الكبيره (باستثناء القوائم للي بيدفع فلوس )
واذا عملت انتخابات للمحافظات سيكون نفس النظام

 

[EL-3kaad]

اهو ده كلام الناس العاقلين

انا مش مجنني غير فشخره اكبر واطول برج ف افريقيا والمباني اللي ع النمط ده
لو بنيت بيهم مصانع متوسطه او صغيره مش هيكون افضل ويعود لك بمقابل مادي ويحسن من دخل الفرد ويرفع الاقتصاد ويقل الاعتماد علي التصدير
لكن اقول لمين اجيي اتكلم هنا قربوا يرجموني

كلامك صح اكبر كنيسه واكبر جامع واعرض كوبري واطول برج مش هيأكل الناس عيش

 

[egy13]

بالضبط المشاريع العملاقة في الموضوع ده مش هتكون حل ، لازم مشاريع متوسطة و صغيرة زي الاسر المنتجة كده ، لازم يبقي في مشاريع صغيرة للقري تحت اشراف الدولة لتحسين الدخل ، خاصا ان المشاريع الكبري مع تقدم التكنولوجيا مش محتاجة ايد عاملة كثير

اهو ده كلام الناس العاقلين

انا مش مجنني غير فشخره اكبر واطول برج ف افريقيا والمباني اللي ع النمط ده
لو بنيت بيهم مصانع متوسطه او صغيره مش هيكون افضل ويعود لك بمقابل مادي ويحسن من دخل الفرد ويرفع الاقتصاد ويقل الاعتماد علي التصدير
لكن اقول لمين اجيي اتكلم هنا قربوا يرجموني

اولا الابراج وغيرها دي المشاريع اللي بتجيب دخل وبتصرف على المشاريع الاجتماعية

ثانيا الاغنيا والطبقة المتوسطة دول مواطنين برده وليهم حقوق في الدولة والنظرة الناصرية الاشتراكية العفنة الكارهة لكل ناجح هي سبب ما نحن فيه من جهل وتخلف

ثالثا انا نفسي افهم ليه كل الناس عايزة تكون صاحبة شغل .. مفيش حد عنده استعداد يكون بيشتغل عند حد كله عايز يبقى صاحب الشغل .. من اول الميكروباظ للتوكتوك للباعة الجائلين لكل المشاريع متناهية الصغر اللي هي اساس كل الفساد وانعدام الجودة والمراقبة .. كله يتم تحت شعار انا غلبان وعايز دعم ومتواكل ومستني الرضعة من الحكومة

 

[Hero ago]

بالتوفيق لمصر

 

[The scorpion.]

ايه المشكلة يعمل أطول برج في العالم ويكلف حتي ١٠٠ مليار دولار
هو بيدفع من الموازنة
دي مشروعات استثمارية

لا اله الا الله
هو المشروعات دي بتتعمل بقرض لحد المشروع اما يتجح ويسسد تمنه ف عز ارتفاع الدين وانت ف حاجه لاي جنيه وتخفيض حاجتك للدولار ليه مبنيش بيها مصانع ع الاقل هتجيب فلوس اسرع ونسبه نجاحها اكبر وهتقل من البطاله
ي سيدي لو عاوز تبني بعد كده ابقي ابني بس اما البلد تتحسن ويكون فيما بعد المصانع اولويه اما البرج يعتبر رفاهيه

 

[EL-3kaad]

ف الصعيد الانتخابات كمجلس النواب محسومه لل عائلات الكبيره (باستثناء القوائم للي بيدفع فلوس )
واذا عملت انتخابات للمحافظات سيكون نفس النظام

كانو بينزلو علي قوائم الحزب الوطني ولما تعملت انتخابات نزيه الناس فلسعتهم

 

[Lion84]

لا اله الا الله
هو المشروعات دي بتتعمل بقرض لحد المشروع اما يتجح ويسسد تمنه ف عز ارتفاع الدين وانت ف حاجه لاي جنيه وتخفيض حاجتك للدولار ليه مبنيش بيها مصانع ع الاقل هتجيب فلوس اسرع ونسبه نجاحها اكبر وهتقل من البطاله
ي سيدي لو عاوز تبني بعد كده ابقي ابني بس اما البلد تتحسن ويكون فيما بعد المصانع اولويه اما البرج يعتبر رفاهيه

لو فكرت هتعرف أن من البداية بعد ترفيق العاصمة يتم بيع الأراضي التي كانت لا تسوي شئ بمليارات يتم بها الإنفاق علي المشروع عموما
من الآخر السيسي صرح ان العاصمة لا تكلف موازنة الدولة أي جنيه وانا اصدقه

 

[Ahmedkhaled3455]

مش هيكون مكلف زي الصرف الصحي نهائيا .. بخلاف ان جزء كبير من التكلفة في الحفر وهم هيحفروا بالفعل .. انا متاكد انهم هيعملوا كده

في قريه جنب بلدي وصلوا ليها ftth فعلا بس التعاقد كان ب4500 وده رقم كبير جدا الصراحه زائد ان التكلفه مش كلها هتكون نتيجه الحفر فيه بنيه تحتيه لازم تتظبط الاول والكابلات بتكون مكلفه وفنيين معينين اللي بيشتغلوا فيها ولازم تتلحم بالليزر مش لحام عادي
ده كلام فني شغال في السنترال عندنا
ممكن لو دخلوه يبقي في المدن الرئيسيه الاول وعواصم المحافظات

 

[The scorpion.]

اولا الابراج وغيرها دي المشاريع اللي بتجيب دخل وبتصرف على المشاريع الاجتماعية

البرج بمليار مثلا يجيب دخل اسرع ولا عشر مصانع بنفس المليار ده هيديك دخل مستمر (مهو المصنع مش هيشتغل سنه واحده) ويقلل البطاله وهيصرف برضه علي المشاريع الاجتماعيه وكل حاجه