البنك المركزي المصري : تحرير سعر الصرف و رفع الفائدة 2%

[deter]

اطمن لا اخوان و لا غيرهم سي جمال بيتم تجهيزو كبديل محتمل من قبل الجيش ل امتصاص الغضب الشعبي و الالتفاف على اي تحرك امريكي قد يكون غير مرغوب به

تعارض محور المنوفية مع محور الجمالية

 

[viber 90]

هو لسه في ناس بتدافع!!!!!
لا إله إلا الله

اكيد دي بيسموها حلاوة الروح

 

[🅢︎🅤︎🅗︎🅐︎🅘︎🅛︎]

يا لؤي الكلام دا بيتم بعد زيادة دخل الدولة تنتج وتصدر وتكسب وتقلل العجز التجاري
و بعدين تطور بلدك وبنيتها التحتية

الصين دلوقتي من احسن بلاد العالم في البنية التحتية ولكن الكلام دا متعملش بالديون

الصين بتحقق فائض تجاري يقترب من 500 مليار دولار واصرف ياسيدي براحتك
او استدين وطور واحتفظ بالكاش لو عندك فلوس تسدد شوف الاحتياطي الاجنبي للصين كام او اليابان مثلا

نمو الاقتصاد المصري ذي ما قلت قبل كدا هوا نمو غير صحي لانه نتيجه استثمارات حكومية في البنية التحتية
وبديون هي الاعلي فوائد عالميا وغير مستمرة ولو استمرت بتكون بديون جديدة

فالصادرات بتاعتك محلك سر والاستيراد عمال يزيد فالعجز التجاري عمال يزيد



الدولة محتاجة 40 مليار دولار علشان تسدد الديون وتغطي الواردات فرق الميزان التجاري للعام المالي الحالي فقط

تقريرك الحكومية غير دقيقة لان الدولة قفلة معظم الاستيراد تخيل لو الاستيراد مفتوح الدولار هيكون بكام النهارده

كلام سليم مليون في الميه و زي ما قولت كتيرررررر قبل كده كتاب التنمية و النهوض الاقتصادي ليه اساسيات لازم و مرغم تطبقها اما التفاصيل بين السطور اهبد فيها زي ما انت عايز و حتي موضوع الانتاج عن طريق القطاع الخاص او جذب الاستثمار ده وهم كبير صعب جدا يتحقق علي ارض الواقع كل النماذج السابقة كان الانتاج اما بالمشاركة بين القطاع العام و الخاص او يتحمل القطاع العام الانتاج مؤقتا لدفع عجلة الانتاج و بناء الثقة في السوق .

 

[abdo 22]

ما افهم بالاقتصاد صراحة

لكن وش الفايدة من هذا الاجراء !

وماهي سلبيات هذا الاجراء !

الفائدة لا أعلم بها غير ان صندوق النقد وافق انه يدينا قرض تقريبا.
السلبيات هي خازوق للمواطن.

 

[abdo 22]

اعان الله الاخوة في مصر .. الوضع صعب معدل التضخم يفوق 13% و مع تحرير سعر الصرف الوضع سيكون أصعب ..

بلومبيرغ تعتقد ان سعر الصرف العادل هو 24.6 جنيه للدولار.. من المتوقع احتياج مصر لسداد 41 مليار دولار عام 2023 لسداد ديونها وسداد عجز الحساب الجاري ..

ولكن تاريخيًا.. كان خفض سعر الجنيه محفز للتصدير …

هتصدر ايه وانت مش عارف تستورد مستلزمات انتاج علشان تعرف تشغل المصانع اللي عندك بكفاءة عالية!

 

[Ozone]

 

[لؤى النوبى]

لؤي انت سمعت مكالمة الرئيس السيسي مع يوسف الحسيني و الخطاب الافتتاحي للمؤتمر الرئيس السيسي اعترف ضمنيا بفشله و فشل المسار اللي اختاره ارحم نفسك ياصديقي الاخوان لو هيرجعوا تاني يكون ليهم متنفس دعني اقول مجرد متنفس شعبي علي الساحة السياسية لا قدر الله هيكون بسبب السيسي لكن حاليا ده غير وارد ركز علي المنافس اللي بيحاول يظهر و يأثر علي الناس و السوشيال الفلول التايم لاين كله بيترحم علي زمن مبارك هو ده المنافس مش الاخوان مع اني عندي يقين كامل ان السيسي مكمل ل ٢٠٣٠ علي الاقل .

يا صديقى حاول تفهم وجهه نظرى....انا مع معارضة السيسى بس نعارض صح
مش عيل فى قناة مموله مخابرات اجنبية هو اللى نمشى وراه
و انا بالفعل قولت ان انا ضدد اجرائات كتيرة خدتها الخكومة ليه محدش بينتبه لكلامى؟
الشعب بيتعملو عمليه استغفال كبيره لو نجحت قول على بلدك السلام
هو احنا خلاص مش عارفين نعمل اى حاجة بنفسنا و بقينا مستنين اللى يعلمنا
انا كنت من اصحاب فكره الغط مع الاغلبية و الفكره دة اثبب فشلها على الاقل بالنسبة ليا و انا يستحيل ارجع لها تانى ده موقف شخصى مش موقف من تويتر ولا فيس بوك......مفيش حاجة اسمها ثورة فى الوقت ده تقدر تخليك تطلع قدام
لو انا قناعتى اللى هى بتقول ان الحل بيكون فى مصر مش بره مش موافق مع اغلب اراء الناس هنا يبقى so be it و تقبلوها زى ماهى زى ما انا متقبلك قناعتكم رغم اختلافى عليها

 

[آل قطبي الحسني]

معلومه بما ان العمله طرحت للعرض والطلب
كيف سيتم طلبها ماذا ستصدر مصر !

هذي الحركه تليق بالصين لانها تعتمد على سعر عمله رخيص مقابل سعر دولار عالي وهنا يعني الصانع الصيني يغلب الغرب بسبب فرق العملات وانخفاض الرواتب مقارنه بدولار

انتج بالصيني وادفع رواتب بالصينيه واستلم مبلغ بالدولار

 

[madodedo]

تعارض محور المنوفية مع محور الجمالية

والله لو دورت فى الاخر هتلقي بتاع الجمالية ده منوفى برضو

 

[sousse]

جوهر الموضوع الذي يتغافل عنه البعض :
ما حصل من تعويم ليس حل أو طريقة لتعافي الاقتصاد
بل مجرد قربان للحصول على -مسكنات - لحظية فقط لمشكل تراكمي

 

[لؤى النوبى]

يا لؤي الكلام دا بيتم بعد زيادة دخل الدولة تنتج وتصدر وتكسب وتقلل العجز التجاري
و بعدين تطور بلدك وبنيتها التحتية

مهو ماكنش فى بنيه تحتية تساعدك تعمل اللى انت بتخطط ليه

الصين دلوقتي من احسن بلاد العالم في البنية التحتية ولكن الكلام دا متعملش بالديون

الصين بتحقق فائض تجاري يقترب من 500 مليار دولار واصرف ياسيدي براحتك
او استدين وطور واحتفظ بالكاش لو عندك فلوس تسدد شوف الاحتياطي الاجنبي للصين كام او اليابان مثلا

هما حطو خطة ومشو عليها...النمور الاسيوية نجحت بفكرها و بعملها مع بعض
احنا مش بنعمل مع بعض و كل واحد ماسك التانى و هاتك يا خناق
ده كفاية مشكلة طارق شوقى تبينلك قد احنا مش عارفين احنا عاوزين ايه

نمو الاقتصاد المصري ذي ما قلت قبل كدا هوا نمو غير صحي لانه نتيجه استثمارات حكومية في البنية التحتية
وبديون هي الاعلي فوائد عالميا وغير مستمرة ولو استمرت بتكون بديون جديدة

فالصادرات بتاعتك محلك سر والاستيراد عمال يزيد فالعجز التجاري عمال يزيد

الصادارات زادت زيها زى الواردات.....احنا حسبنا كل حاجة بس محسبناش الكوارث زى كورونا و الحرب الروسية و زيادة الفدرالى الامريكى كا ده مشاكل محدش بيتكلم عنها فى اعلام الزقت....عشان لو فهمو الناس.الناس ده مش هتاكل من كلامهم تانى
فى مشكلة ؟ اه فى مشكلة...بس الشطارة انك تقول ان فى مشكلة الشطارة انك تحك حل للمشلكة وده اللى كان ممكن ناس كتيرة تقدمه فى السنين اللى فاتت احسن من التقليل من المشروعات و الزاقها كلها فى بعض الجيد بالسئ فقط لتشويه النظام...النظام مسيرة يمشى بس الدولة لو وقعت يا عالم قد ايه هتبنى فيها عشان بس ترجعها للحال الحالى

الدولة محتاجة 40 مليار دولار علشان تسدد الديون وتغطي الواردات فرق الميزان التجاري للعام المالي الحالي فقط

تقريرك الحكومية غير دقيقة لان الدولة قفلة معظم الاستيراد تخيل لو الاستيراد مفتوح الدولار هيكون بكام النهارده

كله بيعانى مش احنا بس.....بس هنعمل ايه لازم نحط حلول مش كفاية اننا نقول ان فى مشكلة و نكتفى

 

[madodedo]

جوهر الموضوع الذي يتغافل عنه البعض :
ما حصل من تعويم ليس حل أو طريقة لتعافي الاقتصاد
بل مجرد قربان للحصول على -مسكنات - لحظية فقط لمشكل تراكمي

دى الحقيقة للأسف ولا السيسي هيبطل قروض ولا هيستخدم القروض دى فى حاجة مفيده ونقعد نعيد كل مرة فى دايرة لا تنتهي ومعدل حرقه للفلوس فى كلام فاضي هيعلى بص بس عليه اول لما ياخد القرض هيعمل ايه وشوف حجم المؤتمرات والاحتفلات الى هيعملها علشان يرضي غرورة ده للأسف مش آمين على مال الشعب بيدفع مئات الملاين مقابل دقائق من الظهور الإعلامي

 

[لؤى النوبى]

ماهو "الهطل ده" هو اللى ودانا فى اللى احنا فيه ده ......بدل مايحط خطة اصلاح لمصر زود على غلطة السادات اللى تراجع عن الخطة الاصلاحيه اللى مصر كانت فى حاجة ليها بعد ما كان اقتصاد البلد اقتصادر حرب بعد انتهاء حرب اكتوبر بس تراجع عنها لغاية مابقت كهن بسببهم هما الاتنين عشان كده الناس ابتدت تخرج و تهاجم مبارك فى 2008

 

[access1]

فيه مواصلات عامه في الرياض وجده ومكه واكيد في الشرقيه لكن اكثر من يستخدم المواصلات العامه مدينة جده ومكه اما باقي المدن المواصلات فيها برستيج (يعني باصات فاضيه)





الموضوع كله ان السعوديه مساحتها كبيره وصعب تغطيتها

مش مبرر ابد ابد ابد

 

[troy007]

مهو ماكنش فى بنيه تحتية تساعدك تعمل اللى انت بتخطط ليه

وهي المليارات اللي اتصرفت علي التفريعه والعاصمة والعالمين وجميع المدن الجديدة هي اللي بتساعد علي زيادة الانتاج والتصدير
البلد كانت قادرة علي سداد التزامتها لما كان الدين الخارجي 50 مليار دولار ولا يتم استنذافة في مشاريع فنكوشية لرفع الروح المعنوية واللي يتعمل في 3 سنين يخلص في سنة واحد و يلا يا هيءة يا هندسية خشي برجلك اليمين

هما حطو خطة ومشو عليها...النمور الاسيوية نجحت بفكرها و بعملها مع بعض

احنا مش بنعمل مع بعض و كل واحد ماسك التانى و هاتك يا خناق
ده كفاية مشكلة طارق شوقى تبينلك قد احنا مش عارفين احنا عاوزين ايه

حجج فارغة والله يا لؤي

الصادارات زادت زيها زى الواردات.....احنا حسبنا كل حاجة بس محسبناش الكوارث زى كورونا و الحرب الروسية و زيادة الفدرالى الامريكى كا ده مشاكل محدش بيتكلم عنها فى اعلام الزقت....عشان لو فهمو الناس.الناس ده مش هتاكل من كلامهم تانى
فى مشكلة ؟ اه فى مشكلة...بس الشطارة انك تقول ان فى مشكلة الشطارة انك تحك حل للمشلكة وده اللى كان ممكن ناس كتيرة تقدمه فى السنين اللى فاتت احسن من التقليل من المشروعات و الزاقها كلها فى بعض الجيد بالسئ فقط لتشويه النظام...النظام مسيرة يمشى بس الدولة لو وقعت يا عالم قد ايه هتبنى فيها عشان بس ترجعها للحال الحالى

كله بيعانى مش احنا بس.....بس هنعمل ايه لازم نحط حلول مش كفاية اننا نقول ان فى مشكلة و نكتفى

لا يا استاذنا السيسي رفع الديون من اقل من 50 مليار دولار الي 157 مليار دولار في حكمه دا غير الدين الداخلي اللي زاد من 1.7 تريليون ل 4 تريليون جنية
غير منح الخليج في بداية حكمه السيسي خد دعم من الدولة العميقة والجيش و الاعلام لم يحصل علية اي رئيس دولة في العالم

ولكن زي ما هو قال بنفسة في المؤتمر الاقتصادي بيعمل مشاريع تليق بقيمة مصر دون النظر للعائد الاقتصادي
تفريعه السويس اللي خلصت في سنة و طلع هشام رامز وقتها قالك الدولار موجود بس لا يستخدم في طرق الصرف الصحيحة
ويتشال هشام رامز ويجي طارق عامر علشان تمام يا فندم وتغرق البلد في الديون
وزي ميناء السخنة اللي تكلفت 40 مليار ويلا يا هيئة يا هندسية اشتغلي وانا هدفع
ومشروع الطريق اللي تكلم عليه مع كامل الوزير يقولة 15 مليار علي 3 سنين مالية
لا ازاي سنة واحدة بس ويلا يا هيئة يا هندسية اشتغلي وانا هدفع

 

[المحارب المجهول ٩]

ما الحل ؟

= هل الحل مظاهرات تدمير وخراب والمرة دى الصدام مختلف لان الكثير يعتقد ان المؤسسة اللى وقفت مع المتظاهرين فى ٢٠١١ و ٢٠١٣ وساعدتهم موقفها مختلف الآن .. اى نزول المرة دى حيكون ثورة جياع بمعنى الكلمة.. ثورة محدش بيحكمها او بيتحكم فيها ونهايتها غير معروفة وقد تدوم طويلا ودى مدمرة للبلد.

= وفى نفس الوقت فقد السيسي تأييد الغالبية العظمى من الشعب .. واصبح استمراره في الحكم بنفس السياسات مدمرا لمعظم الشعب بمعنى الكلمة بإستثناء فئة قليلة جدا منتفعة.. والمشكلة انه مش مدرك ان سياساته الخاطئة هي السبب.

= المشكلة مش ١١/١١ وان الناس تنزل او لأ .. المشكلة الكبرى ان كل مرة الدعوات للتظاهر بتلاقي استجابة اكتر من المرة اللى قبلها .. لو الناس منزلتش فى ١١/١١ حنلاقى دعوة تانية بعد كام شهر وحتلاقي استجابة اكبر واحتقان اكبر .. وهكذا حتى الانفجار لا قدر الله الذي لا اتمناه طبعا.

= طب كل ده احنا عارفينه كويس فين الحل بقى؟ .. اقولكم الحل المقترح :-

= اولا : تعهد السيسي بعدم الترشح فى الانتخابات القادمة وبكده يكون استفاد بفترتي الرئاسة (مع تجاهل المادة التفصيل اللى فى الدستور اللى سمحت له هو وحده بفترة تالتة .. مفيش دستور فى الكون بيبقى فيه مادة معموله مخصوص لواحد). وهذا التعهد حقيقي لا يجوز التراجع فيه تحت تأثير اى مطالبات او مظاهرات مترتبه.

= ثانيا : تعيين الدكتور محمود محي الدين او الدكتور العريان رئيسا للوزراء مع صلاحيات كاملة فى الشأن الاقتصادي بلا اي تدخل من السيسي لانهم فى مهمة انقاذ للاقتصاد.

= ثالثا : الافراج عن كل سجناء الرأي.

= رابعا : فى السنة والنصف الجاية تستعد كل التيارات لتجهيز مرشح لها ببرنامج انتخابي مدروس وبطقم مساعدين منتقى .. زى كل الدنيا فلا يتحبس او يتنكل باى حد بيترشح زى ما حصل مع قنصوة وعنان وشفيق مما يتطلب فتح حرية الرأي فى الاعلام ورفع يد النظام عن الفضائيات واللجان الاليكترونية.

= اخيرا وده الاهم ده مجرد حل مقترح من وجهة نظري الشخصية .. طبعا من حقك تعدل عليه .. وبرضه من حقك ترفضه بس لازم تقدم حل بديل ساعتها لاننا نتجه للانفجار بسرعة لا قدر الله .. حمى الله مصر وشعبها.

هتعرف تجبر السيسي عالحل ده يا بسيوني
السيسي شايف الشعب اصلا يا بسيو

 

[Amralii]

الحمد لله اجواء شديده الكراهيه للجترال في اغلبيه الشعب المصري واعترافهم بفشله على الرغم من محاولته هو وعرائسه الاعلاميه الصاق فشله على اسباب اخرى

 

[حفيد ابن الوليد]

مشكلة الاقتصاد في مصر مشكلة هيكلية في قلب النظام الاقتصادي نفسه منذ نشأت الجمهورية المصرية بشكلها الحديث


هي مشكلة موجودة منذ عقود وليست وليدة المرحلة أو اللحظة
تحميلها على النظام الحالي وحده ظلم



يجب إعادة هيكلة الاقتصاد المصري بالكامل و هذا يتطلب إجراءات عنيفة وقاسية


تبدأ برفع الدعم بشكل شبه كامل و إبعاد اقتصاد الظل الذي يتحكم به الجيش وهذا ما يخشى أي نظام مر على مصر أن يقوم به


فقط السادات من حاول فعل ذلك وبشكل بسيط برفع جزئي للدعم فاصطدم بردات فعل عنيفة و اقتنع باستحالة القيام لذلك

 

[الشيخ الرئيس]

لنتخيل فقط كيف ستكون مصر لو تم صرف المئة مليار دولار على المصانع القائمة فقط واستثمارات متوسطة المخاطر؟

كان ممكن الفرد المصري العادي يصبح مرتاح ماديا ويتطور اقتصاد مصر ببطيء ولكن بشكل مضمون.

بدل الكارثة اللي نشوفها اليوم تصطدم فيها مصر.

محزن حال اقتصاد مصر بسبب شوية هواة لا تحسن ادارة شيء وضيعت كل شيء.

الرئيس يحتاج ناس محترفة مش هواة.

 

[access1]

لنتخيل فقط كيف ستكون مصر لو تم صرف المئة مليار دولار على المصانع القائمة فقط واستثمارات متوسطة المخاطر؟

كان ممكن الفرد المصري العادي يصبح مرتاح ماديا ويتطور اقتصاد مصر ببطيء ولكن بشكل مضمون.

بدل الكارثة اللي نشوفها اليوم تصطدم فيها مصر.

محزن حال اقتصاد مصر بسبب شوية هواة لا تحسن ادارة شيء وضيعت كل شيء.

الرئيس يحتاج ناس محترفة مش هواة.

للامانه ماينفع يكون رئيس
ابقاء شخص بمثل هالفكر دمار لدول الخليج